Génesis 49:24 - Dios Iwene

²⁴ Jo̧kwaijayonö Diosma jobadönö pjaatakwo̧, chuluwo̧ Diosma, Jwiinö Juluwo̧ Diosma. Ja̧danö, jo̧ba Diosma jwiinö te'ada̧lo̧, jwiinö pjabato̧. Jo̧bada ökwötjö tupadanö jojodönö pjaatobetjö̧ tju̧kwa 'böpöma tjö̧bawökönö, ja̧danö tjöjabiyabi tjö̧bawökönö labinö sedatö 'bötjakwedö tjöpöjojodönöma.

Génesis 49:24 Iomraidhean Croise

Génesis 45:11

Ina bakwamu jawa a̧yo a̧wi̧chö̧lö̧ji̧ma ja̧kobe. Jo̧kwaijayonö ökwödöma otiwanö, Gosénnö kwö̧jaduwakobe. Kwakwawama chiyakobe ökwönöbi, kwömöledönöbi, kwa̧jwi̧munöbi, juna̧lö kwuju̧kwaduwakobetjö̧. Chömöledö jejenö yötawi̧ma yökawaduwo dabe'donöma— jö̧ba̧lö webijetö Joséma ömöledönöma. Ina yöba̧lijetö:

Génesis 45:5

Chömöledö, ötjönö mikwanö kwiyinaduwa omukwatö kwo̧'wo tjo̧bekwaduwökönuwi. Ja̧danö, ökwödödada kwomajadeduwi okwanöma labiduwökönuwi, dakwö sulabenö ja̧dinajö, jö̧ba̧lö. Isabenö yötawaduwakwö: Diosda bai chichobö weinobe ötjönöma ökwödö kwabönöduwi ökwödönö pjatatobö, 'yaba̧lö kwuju̧kwaduwobö.

Génesis 45:7

Jo̧kwaobetjö̧, Diosma ötjönö baikwö weinobe kwabönöduwi kwö̧jibaduwinö pjatatobö. Jejenö ökwödötjö tupadanö jojodö tjö̧jakobetjö̧ weinobe Diosma ötjönöma.

Génesis 47:12

Ja̧danö, Joséma kwakwawabi iyabijetö abe'donö, öpöedönö, ö̧ja̧wo̧nö, okobe deinö ömöledönö, bakwasokwena, tji̧tju̧mukwena tju̧kwa kwakwawa tjujuna̧lobö.

Génesis 48:15

Ikenama Jacobma Dios ösödanö edö pjaatakwa̧ junijetö itji̧ Josénö, ja̧danö José i̧tji̧munö. Baikwö yöba̧lijetö: —Chitji̧, cha'dömine Abrahamma, chabe'domine Isaacma Dios wei̧ a̧ja̧kwö ju̧kwiatjinobe. Ja̧danö, Diosma ötjönöma ajayinö chö̧jinemi baikwö ite'ada̧linobe.

Génesis 49:23

Na̧yu̧nunö 'böbawadöma tjo̧'wo suli̧nö edö, ökwötjö tupadanö jojodönö jwiinö öpöjödö 'böbö ölabikwawö tjichakwedö.

Génesis 50:21

Jo̧kwaobetjö̧ yötawaduwakwö: Yekabiduwa. Isabenö, ötjöda ökwödönö, ja̧danö, kwömöledöduwinö chite'dada̧lakwo̧ma— yöbawijetö Joséma öpöedönöma. Ikenama ösödinö yöba̧lijetö jobadönöma tjo̧'wo̧ ösöwanö tjö̧jobö.

2 Samuel 5:2

Isabenö ökwöda duluwo̧ kwö̧jobö jo̧be David, baikwö yöda̧la: Damötjö Saulmine duluwo̧ ö̧jayi, ökwöda ökwödötjö ölakwabikwawa jojodönö ökibijatö, döpöjojodönö dujuluwobö. Ja̧danö ökwönöda yöbawö ujuninobe Isabenö Jo̧ma, –Chömöledö israel jojodönö öbibö kwiteada̧lakwo̧ja, ja̧danö la'aka tjuluwo̧ kwö̧bakwo̧ja, –jö̧ba̧lö ökwönöda yöbawö ujuninobe. Jo̧kwajabetjö̧ isabenö inesö la'aka duluwo̧ kwö̧jobö jo̧be, —jö̧ba̧lö Davidnö yötja̧linobe.

2 Reyes 13:16

Emiökwe, —'Böpö do̧bati, 'bököbobö, —jö̧ba̧lö weinobe Eliseoma, ja̧danö weökwe 'böpö do̧a̧linobe. Jemi ikenama, Eliseoma iteda ömamu la'aka luwo̧ Yoas ömamunö 'bieba̧linobe.

Diosnö ösödo̧ Job mikwo̧ usula emawina jawa 29:20

Ja̧ möle okobe deinö kabatökönö otiwanö tjomukwatökwe chö̧jijatö, jadanö 'böpö ba̧kwelöjatebö do̧ta̧lidanö, ba̧kwelöjatebö juluwo̧ chö̧jijatö.

Éxodo 3:6

Ina jö̧ba̧lijetö: —Moisés, ötjöma kwabe'do ösödökwe Diossa. Ja̧danö, ökwö kwa'dödö tjösödökwe Diossa. Abraham, Isaac, Jacob tjuluwo̧ Diossa ötjöma— jö̧ba̧lijetö Diosma Moisésnöma. Jejenö jö̧a̧liökwe yebaibö öba muchekwijetö Moisésma, ömamunö, Diosnö cheditjö̧ma ö'wö batibena, jö̧ba̧lö.

Isaías 1:24

Ja̧danö, ökwödö Jerusalennö ju̧kwadöbi, kwuluwedöduwibi jobekwö sulabenö ja̧köbaduwiökwe, isabenö lȩebakwo̧ Diosma. Baikwö yöawobe inesö la'aka luwo̧, Okobe Jwiinö Juluwo̧ Isabenö Jo̧, Israel jojodö tjösödökwe juluwo̧ Diosma: —Ökwödö Jerusalennö ju̧kwadötjö chöpöjojodö ötjökwö ölakwabikwawadönö lȩtebobö chisakwocha, ja̧danö sulabenö ja̧badö chöpöjojodönö balekwa mikwa suli̧ chöwaedocha.

Isaías 28:16

Ötjö Isabenö Jo̧ma baikwö yötawaduwakwö: Jerusalen mösa'o Sion mikwa'onö inawa chödocha, –Isabenö otiwawa, –jö̧ba̧lö badedö chedinawama. Jawa, o̧do la'aka baibanö, ajayinö lödawawa nöinö mikwawawa baibanö chödocha, o̧do la'aka 'diinö jakobetjö̧. Ja̧danö jawa ösödadöma, –Dakwö jatakwajö, –jö̧ba̧löma omukwatö tjö̧jökakwedö.

Isaías 29:24

Ja̧danö ja̧ möle ajayinö sulabenö omukwatinadöma, otiwanö isabenö wene tjöwaisakwedö, ja̧danö ajayinö tjome sulinö yöba̧linadöma, otiwanö ba̧ja̧dakwawa tjösödakwedö, jokwajabetjö̧ ja̧ möle tja'dö Jacobma, itji̧mu tupadanö jojodönö edö, tabakwö ö̧jökakwo̧, —jö̧ba̧lö yöawobe Isabenö Jo̧ma.

Isaías 41:10

Yekabiduwoko ökwödö israel jojodö, ötjöda ökwödökwö jo̧chobetjö̧, ja̧danö kwo̧'wo tjo̧bekwö kwö̧jaduwoko, ötjöda kwösödaduwökwe Dioschobetjö̧. Jau, ötjöda kwujuluwaduwachibanö pjatatakwo̧sa, meköbaduwapji jö̧ba̧lö, ötjöda chömamu juluwamu chöwaisobekwöchobesamunö do̧balö pjatatakwo̧sa.

Isaías 49:26

Jau chömöledö, baikwö wanedö yötawa kwöpöjojodöduwinö chölakwabikwawakwa̧ma: Kwöpöjojodönö idöda tjiteba'o tjukwobö chiyakwo̧sa, ja̧danö ubasobu tjowi̧danö, idöda tjökwösobu owö 'dukwachawö̧ batjibobö chiyakwo̧sa, jö̧ba̧lö. Jau chömöledö, otiwanö ökwödönö pjabatö chölakwabikwawakwo̧sa, ja̧danö okobe deinö bö̧jȩnö ju̧kwadöma edö tjöwaisachibakwedö ötjönö, —Isabenö Jo̧ Diosda, Jacob ömöledö tjösödökwe juluwo̧ma, Diosda israel jojodönö tjö̧ji̧binö pjabato̧ma, jo̧bada tjöbeba̧lö pjabato̧ma, —jö̧ba̧lö edö tjöwaisachibakwedö, jö̧ba̧lö yöawobe Diosma.

Isaías 60:16

Jau, tjitebotenia jojodö tjiteabi, inesö la'aka luwedö tjiteabi, ökwödö israel jojodöda otiwanö kwujuna̧laduwakwedöja. Ja̧danö jobekwö balediawö̧, otiwanö kwöwaisachibaduwakedöja, Ötjö Isabenö Jo̧ Diosda kwö̧jibaduwinö pjabato̧ma, jö̧ba̧lö. Jau chömöledö, —Jacob ösödinökwe Inesö Juluwo̧ Diosda dö̧jibinö pjabato̧ma, —jö̧ba̧lö kwöwaisaduwakwedöja.

Mateo 21:42

Yötja̧lökwe, Jesúsma yöawinobe: —Ökwödöma ¿Dios iwene laebi̧ yöka̧linaduwökiji̧, baikwö laebi̧ma: O̧do otidadö biwa inawama mikwawököwa, jö̧ba̧lö tjöpöjödinawama, ju'wi inawatjö bajalekwönönö mikwawawa, abönö lödawawa baibinobe. Duluwo̧da jejenö baibobö ja̧binama, ja̧danö döbajale jalaka baibanö edadösa, isabenö otiwanö ja̧inobetjö̧, jö̧ba̧lö laebi̧ma, ¿yöka̧linaduwökiji̧?

Marcos 12:10

Ina yöbawijetö: —Ökwödöma kwedinaduwobe Dios iwenetjö laebi̧ma, baikwö: Inawiyatjö o̧do otidadöma, bakwawa emö, Biwama sulabawa, jö̧ba̧lö, öpöjödö lobijadötö. Jo̧kwaijayonö, lotjinawada jelewatjö bajalekwönönö otiwawa baibijetö. Isabenö, ja̧wa la'aka junawa baibijetö.

Lucas 20:17

Yötja̧liökwe, Jesúsma jobadönö jweinö edö abebö a̧ja̧kwinobe: —Ökwödöma la'akatjöda jejenö kwöpöjödaduwökötjö̧ma, ¿tajawedö baikwö laebobeda Dios iwenesa'yema: O̧do otidadö biwa inawama mikwawököwa jö̧ba̧lö tjöpöjödinawama, ju'wi inawatjö bajalekwönönö mikwawawa, abönö lödawawa baibinobe, jö̧ba̧lö. Ökwödöma la'akatjöda kwöpöjödaduwökötjö̧ma, ja̧ laebi̧ma, ¿taji jö̧ba̧lö laebobeda? Isabenö ökwödö kwöpöjödaduwi̧da badekwachinö laebobe.

Hechos 4:11

Baikwö laebobe Dios iwenetjö, damötjö Dios yöawi̧ yöbawina iwȩyudina: Inawiyatjö o̧do otidadöma, biwama sulabawa, jö̧ba̧lö, lobijadötö. Jo̧kwaijayonö, öpöjödö lotjinawada otiwawa, la'aka junawawa baibijetö, jö̧ba̧lö laebobe.

Romanos 14:4

Baikwö wanedö yötawa: Ökwödöma, jelo̧ ömöayo̧nö, otiwanö otidojobö, sulabenö otidojobö jö̧ba̧lö ¿yöbawadököbaduwobeji̧? Yöbawöködöja, ¿jö̧tö? Sule uluwo̧da yöbawo̧, otiwanö otidojobö, sulabenö otidojobö, jo̧bada weobetjö̧. Ja̧danö, Diosda yöbawo̧, iteda ömöayedö otiwanö ja̧bö tjö̧jojobö, sulabenö ja̧bö tjö̧jojobö chömöledö. Ja̧danö, Diosda jobadönö pjaatakwo̧obetjö̧, otiwanö ja̧bö tjö̧jakwedö chömöledö.

Efesios 2:20

Chömöledö, wanedö yötawa: Ökwödöma Dios ejudanö bakibinaduwobe. Kwöwaisaduwa, o̧do, inawiyatjö otikweju tjotidakwedöma, inawiya tjujunakwa̧ abönöma, niji sobö lödö 'dibatadö, la'aka 'diinö baibanö ja̧bö. Ja̧danö, Dios ejuma jo̧be, chömöledö. La'akama Jesús webawedö yötjawinakwö, Dios iwene yöbawadö yötjawinakwö jo̧be, la'aka jawama. Ikenama, Cristo Jesús itedama abönö tjujunawadanö jo̧, jwiinö otiwawa ji̧danö, jweawa ji̧danö. Ikenama ökwödöma, Jesúsnö ösödadöma jo̧bakwö, otiwawa ji̧danö jo̧kwö bakobe babibinadösa.

Deuteronomio 32:4

Jo̧ba Diosma inesö tjöeba̧la̧wa inawadanöbo̧, ja̧danö okobe jwiinö ja̧bö ö̧ji̧ma, otiwanö ja̧bö jo̧. Jojodönö wainökwena edökönö, bakwainö jweinö edo̧ jojodönö. Jo̧ba dösödökwe Diosma omöna yöba̧lö̧kö̧, ba̧kwelöjatebö jö̧a̧li̧danö ja̧bo̧, ja̧danö la'akatjöda sulabenö ja̧bö̧kö̧.

Deuteronomio 33:27

Ba̧kwelöjatebö jo̧ Diosma ökwödönö tjöbeba̧lö pjabato̧, jo̧bakwö wene jwiinö kwö̧jaduwobö, ja̧danö ökwödönö do̧ba̧lö ö̧jobe, meköbaduwapji jö̧ba̧lö. Kwiteboduwibe kwi̧'yaduwonö, kwöpöjojodöduwinö kwabönöduwitjö a'dewö loobe, ja̧danö ökwödönö weobe, –Bidönö söbebö lobaduwi, –jö̧ba̧lö.

Deuteronomio 34:9

Moises ö'wö baibakwa̧ abönö, ömamiju Josuenö 'bieba̧linobe, —Biteda israel jojodönö öbibö ö̧jakwo̧, —jö̧ba̧lö, ja̧danö Diosma pjaatinobe Josuenö, otiwanö waisanö omukwatobö. Jo̧kwajabetjö̧, Israel jojodöma otiwanö Josue wei̧ a̧ja̧kwö tjö̧jinobe, ja̧danö Isabenö Jo̧ weina Moises yöawina jawa ja̧bö tjö̧jinobe.

Colosenses 1:11

Ja̧danö Dios inesö ujulutjö jwiinö kwujuluwachibaduwobö dösöda, me'dawachibökönö kwo̧'wo̧ 'dibachibö kwo̧'wo̧ ösöwanö kwö̧jaduwakobetjö̧,

2 Timoteo 4:17

Ja̧danö, ju'wedö le'dedibö lotjijayonö, Duluwo̧ma le'dediböma loinokobe ötjönö, Duluwo̧ma ötjökwö ö̧jinobe, ja̧danö chujuluwachibanö pjaatinobe okobe jwiinö Dios yöawi̧ yötawobö. Jejenö pjaatobetjö̧, okobe deinö jobe ju̧kwadö judío jojodöböködöma Dios yöawi̧ tja̧ja̧kwinobe, ja̧danö ju'wibi, Duluwo̧ma chö̧jibinö pjaatinobe, lȩekwa luwedö ötjönö kwabö lotjapji jö̧ba̧lö.

Josué 17:18

ju'wibi okobe jwiinö mösa'iju jȩmi niji̧bi chiyaduwakwö. Ja̧danö babe ja̧ niji teboda ji̧jayonö, ökwödöma towibiya jubö loköbaduwakwedöja, jobe kwö̧jaduwobö, ja̧danö okobe jwiinö ja̧ niji kwujuja̧laduwakwedöja. Ja̧danö ju'wibi yötawaduwakwö, Cananeo jojodö jö̧ka̧linaduwawö̧nö̧ isabenö kwujuluwaduwakwedöja. Yö̧ka̧laduwidanö, 'dii̧ jawatjö otikwa kolukiya juna̧ladö, ja̧danö isabenö juluwadö, jo̧kwaijayonö yayonö jobadönö a'dewö loköbaduwakwedöja, —jö̧ba̧lö yöawinobe Josuema.

Jueces 1:22

Ja̧danö Jose itji̧mu tupadanö jojodö Efrainsaso jojodöbi, Manasessaso jojodöbi Betel comunidad tjujuluwobö tji̧'yinobe, ja̧danö Isabenö Jo̧ma otiwanö jobadönö pjaatinobe.