Génesis 49:22 - Dios Iwene

²² Ikenama Jacobma yöbawijetö itji̧ Josénö: —José, ökwöma tebo buludanö jo̧ja, ojwese'do ö'öbö jo̧danö, ja̧danö, mö'ösa'o wa̧pekwaobe jo̧danö. Ja̧danö, ökwötjö tupadanö jojodöbi jejenö tjö̧jakwedö.

Génesis 49:22 Iomraidhean Croise

Génesis 41:52

Jemi ikena itji̧nö midijetö, Efraín, jö̧ba̧lö, Diosma chi̧tji̧munö iyajabe usula emawö chöbaledinelö, jö̧ba̧lö.

Génesis 46:27

Ja̧danö, José i̧tji̧mu, ö'dö̧dö, Egiptonöda bötjachinadökwö okobe deinö Jacob yöne ömöledöma setentanöda, Egiptonö ju̧kwinadöma.

Génesis 48:1

Ju'wi möle, Joséma abe'donö, weköbi̧ isabenö ja̧tocha, jö̧ba̧lö, yöawinemitjö tupakwö bakwo̧ma yöbawijetö Josénö: —¡Chuluwo̧! kwabe'doma jwiinö ö'wöcha!— yöbawijetö. Jejenö yöawökwe i̧tji̧mu Manasésnö, Efraínnö öbibö 'yi̧jetö abe'do ö̧jobekwö.

Génesis 48:15

Ikenama Jacobma Dios ösödanö edö pjaatakwa̧ junijetö itji̧ Josénö, ja̧danö José i̧tji̧munö. Baikwö yöba̧lijetö: —Chitji̧, cha'dömine Abrahamma, chabe'domine Isaacma Dios wei̧ a̧ja̧kwö ju̧kwiatjinobe. Ja̧danö, Diosma ötjönöma ajayinö chö̧jinemi baikwö ite'ada̧linobe.

Génesis 48:16

Jo̧ba Diosma ángeldanö ichö ötjönö sulabenö baleditjö chö̧jibinö pjaatinobe. Jao chitji̧ cha'dömine Abraham, chabe'domine Isaac, ötjö Duluwo̧ Diosma isabenö otiwanö pjabatö te'ada̧liainobe ötjönö. Ja̧danö jo̧banöda, ötjönö otiwanö te'ada̧liabina Diosnöda ateba bidönö kwi̧tji̧munö ösödanö edö pjaatobö. Ja̧danö Diosnö ateba, jojodöma kwi̧tji̧munö edö tjomukwatobö, bidöma Israel i̧tji̧mu, ja̧danö Isaac ö'dö̧dö, ja̧danö Abrahamnötjö̧ tupadanö jojodö, jö̧ba̧lö. Ja̧danö Diosnö ateba bidö kwi̧tji̧munö dösölö̧jinö edö pjaatobö ba̧jekwadönö 'yatjebobö, jobadötjö tupadanö jojodöma tjö̧bajekwachakobetjö̧— jejenö yöba̧lijetö Jacobma, José i̧tji̧munö Dios dösölö̧jinö edö pjaatakwa̧ junö.

Génesis 48:5

Ina yöbawijetö: —Chitji̧, ökwö kwi̧tji̧mu, bena chichakwa̧ abönö 'yakebinawö̧ma, Efraín, Manasés ötjöda chi̧tji̧mu batjibanö 'da̧batö chujuna. Jobadöma ötjö chi̧tji̧mu Rubéndanö, Simeóndanö, ja̧danö ju'wedö chi̧tji̧mudanö ja̧dö babema. Ja̧danö, ötjö chi̧tji̧mutjobetjö̧ chitea weti̧ma, ö'wö batibaja̧ okobe tjemobö weti̧ma jobadöbi tjemakwedö.

Génesis 49:23

Na̧yu̧nunö 'böbawadöma tjo̧'wo suli̧nö edö, ökwötjö tupadanö jojodönö jwiinö öpöjödö 'böbö ölabikwawö tjichakwedö.