Génesis 49:19 - Dios Iwene

¹⁹ Ikenama Jacobma yöbawijetö itji̧ Gadnö: —Gad, ökwötjö tupadanö jojodönö baledakwa̧ yötawa. Ju'winö naukwabidöma ökwötjö tupadanö jojodö tjitea tjö̧naukwotö jö̧ba̧lö tjichakobe. Jo̧kwaijayonö ökwötjö tupadanö jojodöma naukwabidönö juluwajadöma jobadönö a'dewö tjö̧kömanö lutjakwedö— yöbawijetö Jacobma itji̧ Gadnö.

Génesis 49:19 Iomraidhean Croise

Génesis 30:11

Ja̧danö, Lea jö̧ba̧lijotö: —Ötjönöma otiwanö baledajabe— jö̧ba̧lijotö. Jejenö jö̧ba̧lö jitji̧nö midijotö Gad, jö̧ba̧lö.

Génesis 46:16

Ja̧danö, Jacob ikena itji̧, Lea jömöayuju Zilpatjö Gad. Gad i̧tji̧mu ömadöma bidö: Zifión, Hagui, Ezbón, Suni, Eri, Arodi, Areli.

Génesis 49:20

Ikenama Jacobma yöbawijetö itji̧ Asernö: —Aser ökwötjö tupadanö jojodöma tjöbatjiju tjujunaja̧ma otiwanö pokwakobe. Ja̧danö, tjujuna̧lakwedö kwakwawama, otiwi̧ jawa. Jobadöma la'aka luwedö tjukwi̧danö tjukwakwedö, tjöbatjijutjö pokwi̧ma nöinö tjujuna̧lobetjö̧— yöbawijetö Jacobma Asernö.

1 Crónicas 12:9

Jobadö Gadsaso jojodötjö la'aka tjuluwo̧ma Ezer mikwo̧, ja̧danö ömöayedöma bidö: Obadias mikwo̧bi. Eliab mikwo̧bi.

1 Crónicas 5:26

Jo̧kwaiökwe, jobadönö lȩebinobe Israel jojodö tjösödökwe Diosma, ja̧danö Asiria la'aka luwo̧ Pul mikwo̧nö, ju'wi imi Tiglat-pileser mikwo̧nö weinobe, tjitebobe ichö, ölakwabikwawö ujuluwobö, ja̧danö juluwajo̧, jobadö Rubensaso jojodönöbi, Gadsaso jojodönöbi, Manasessaso ja'ö jojodönöbi öbibö emobö. Ja̧danö, jobekwö weiawö̧, asiria jojodöma jobadönö latjebinobe tjitebotjö̧, ja̧danö jobadönö öbibö tjujuninobe Halah comunidadnöbi, Habor comunidadnöbi, Hara comunidadnöbi, Gozan ojwe ö'öbö nijinöbi tjö̧jobö. Ja̧danö, jobekwö tjujuniawö̧, babe mölebi baibanö, ina tjitebotjö labebinadö jobe ju̧kwadö, Rubensaso jojodöbi, Gadsaso jojodöbi, Manasessaso ja'ö jojodöbi.

Josué 13:8

Ju'wedö Manasessaso jojodötjö ja'öbi, Rubensaso jojodöbi, Gadsaso jojodöbi ida̧ökö tjitebo tjujuna̧linobe. Jordan ojwe tjöbaledakwa̧ abönö, Isabenö Jo̧ ömöayo̧bina Moisesma ida̧ökö tjitebokwena iyinobe, Jordantjö jawo̧ laebobekwö nijima.