Génesis 49:18 - Dios Iwene

¹⁸ Dannö yöawaja̧ ikena Jacobma Isabenö Jo̧ Diosnö jwöbijetö: —Isabenö Jo̧ Dios, ökwönöda cho̧'wo wa̧na̧lö, chöpöjöjödötjö chö̧jibanö pjakatakwa̧ te'ada̧lo̧sa— jwöbijetö Isabenö Jo̧ Diosnö ösödö.

Génesis 49:18 Iomraidhean Croise

Génesis 49:17

Wanedö yötawa: Ökwötjö tupadanö jojodöma nibo̧ ako̧'da, mana ö'öbönö ba̧nö te'ada̧lö labo̧danö tjölabikwedö. Ja̧danö, ako̧'dama kabayu oma'anö jojo wanö 'yo̧nö döbö ökesayunö yö̧ökwe jojoma kwabibö kalachajö̧ mebo̧— yöbawijetö Jacobma Dannöma.

Éxodo 15:2

Isabenö Jo̧ma ötjönö chujulu iyo̧. Jo̧banöda omukwatö lo̧ta. Isabenö Jo̧ma chöpöjojodötjö chö̧jibinö pjabato̧. Jo̧bama ötjö Chuluwo̧ Dios, ja̧danö jo̧banö chösöda, jwiinö otiwo̧, jö̧ba̧lö. Ja̧danö, jo̧bama chabe'do Uluwo̧ Dios, ja̧danö jo̧banö chösöda, jwiinö juluwo̧, jö̧ba̧lö.

Proverbios 14:32

Ja̧danö, ju'wibi yötawa: Dios wei̧ a̧ja̧kwö jo̧ma, otiwanö ja̧bö ö̧ji̧ma jo̧banö ite'ada̧li̧danö te'ada̧lobe labi̧ jawatjö ö̧jibinö. Jobekwö baledokobe sulabenö omukwato̧nöma. Sulabenö omukwato̧ ö̧ji̧ma itenöda nöinö wene jwöebakwa̧, wene ujuna̧li̧tjö̧ ö̧jibökönö.

Isaías 25:9

—Ja̧ möle baikwö yötja̧lakwedö Isabenö Jo̧nö: –Bite Isabenö Jo̧ Diosda, dösödökwe Diosma. Jo̧banö o̧'wo wana̧lö, pjaatakwa̧ diteada̧lajabe, -Isabenö ökwödönö pjaatakwo̧, -jö̧ba̧lö, ja̧danö otiwanö pjaatajabe. Dösödökwe Isabenö Jo̧ Diosma jo̧bada, jo̧ba pjaatakwa̧ diteada̧lajabe, jadanö babe ökwödönö pjaatajobetjö̧, do̧'wo ösöwachibanö dösödaduwo, -Diosma otiwanö dö̧ji̧binö pjaatajabe, –jö̧ba̧lö yötja̧lakwedö ja̧ möle.

Isaías 30:18

Jo̧kwaijayonö jobekwö baledoböma ösödö̧kö̧ Isabenö Jo̧ma. Jo̧bama o̧'wo 'dibachibö, lekwe teada̧lo̧, ökwödönö dösölö̧jinö pjaatobö ösödobetjö̧. Iteda ujulu i̧sȩbö, ökwödönö lȩlöjinö edobö ösödo̧ chömöledö. Jau chömöledö, Isabenö Jo̧ Diosma, otiwanö ja̧o jö̧a̧li̧danö ja̧bö jo̧, ja̧danö okobe deinö jo̧banö tjo'wo wana̧lö teada̧ladönö isabenö otiwanö pjabato̧, jo̧ba yöawi̧ kwa̧ja̧kwaduwo chömöledö.

Isaías 33:2

Chuluwo̧ Isabenö Jo̧, ökwödönö lȩlöjinö edö pjakatobö atebakwö, lekwe möle pjakatakwa̧ diteada̧lajabe chuluwo̧, —Duluwo̧ Dios isabenö pjaatakwo̧, —jö̧ba̧lö. Mölekwena ökwöda kwujulunö, tjöbeba̧lö pjakatobö atebakwö, wene döbaledenama, dö̧jibinö pjakatobö atebakwö.

Isaías 36:8

—Jau, kwuluwo̧duwi Ezequiasnö yökawaduwo: –Chujuluwobö jo̧be, –jö̧ba̧lö yöka̧lijayonö, juluwö̧kö̧ja. Jau, inesö la'aka chuluwo̧ ömöayo̧ ja̧nö, jo̧ba iminö baikwö yötawakwö: Kwömöayedötjö kabayudönö wa̧nö ölakwabikwawadö dos milbedönö kwöbadekwaitjö̧ma, kabayudö dos milbedönö chiyakwo̧sa, ökwödökwö kwölakwabikwawobö.

Isaías 8:17

Jau chömöledö, babe Isabenö Jo̧ma öba muchekwö Jacobmine itji̧mu tupadanö jojodönö edökönö ö̧jobedanö ichejekwa babe döpöjojodöma ökwödönö tjujuluwobetjö̧, jo̧kwaijayonö ötjöma jo̧ba pjaatakwa̧ chiteada̧locha, —Isabenö yöawinadanö pjaatakwo̧, —jö̧ba̧lö, ja̧danö ja̧ wene cho̧'wo wana̧lö chö̧jakwo̧sa.

Mateo 1:21

Maríama jitji̧ iso̧nö jemakobe, ja̧danö jemakwo̧nö Jesús jö̧ba̧lö kwimidonö, iteda ömöledönö tjusulatjö tjö̧jibanö ja̧akwo̧obetjö̧— jö̧ba̧lö yöawinobe Dios weökwe ángelma.

Lucas 1:30

Jemi ikenama tupakwö yöawinobe ángelma jobujunö baledakwa̧: —Yebabökönuwi, María. ¡Diosma isabenö lȩlö̧jinö edakwö ökwönöma!

Lucas 2:25

Ja̧ mölema, bakwo̧ Simeón mikwo̧ma Jerusalénnö ö̧jinobe. Jo̧bama otiwanö ja̧bö ö̧jinobe, ja̧danö jwaikwöda Diosnö ösödö ö̧jinobe. Ja̧danö Dios weakwo̧ jö̧a̧linökwenö ösödinö te'ada̧lö ö̧jinobe, Juluwanö ichowe, juluwanö ökwödö Israel jojodönö dö̧jibinö pjaatowe, jö̧ba̧lö. Dios O̧'wo̧ Luwo̧ma Simeonkwö ö̧jinobe,

Romanos 8:19

Jau chömöledö, ju'winö Diosma ökwödönö kabebö i̧sebakobe, Bidöma ötjöda chi̧tji̧mu, jö̧ba̧lö. Jejenö i̧sebenama, jwiinö otiwakobe chömöledö. Ja̧danö, okobe jwiinö Dios otidina jawama, böjȩbi, böjȩ jawabi ösödinö omukwatö te'ada̧lobe ichejekwa, ja̧ möle badekwachobö.

Gálatas 5:5

Jo̧kwaijayonö ökwödöma, ju'wida do̧'wo̧ döwana̧lobe chömöledö. Dios yöawi̧ dösödiökwe, Dios O̧'wo̧ Luwo̧ ujulunö Diosma sulabe jwibadö badibanö ja̧akwo̧ jö̧ba̧lö do̧'wo̧ döwana̧lobe chömöledö.

1 Tesalonicenses 1:10

Ja̧danö, Dios Itji̧ mölejȩtjö ichakwa̧ te'ada̧lö ju̧kwadötö jö̧ba̧lö yötjawobe. Jau chömöledö, Diosma iteda Itji̧ Jesúsnö woawatjö tjeachajinö ja̧inobe, ja̧danö jo̧ba Jesúsda Dios lȩebakwa̧tjö dö̧jibinö ja̧bo̧ma.