Génesis 49:10 - Dios Iwene

¹⁰ Ina yöbawijetö: —Isabenö yötawa, Judá: Ökwötjö tupadanö jojodöma ba̧kwȩlöjatebö la'aka luwedö webö tjuju̧kwakwedö. Jejenö webö tjö̧bakobe bakwo̧, inesö la'aka luwo̧ ichenanö kabatö. Jo̧ba inesö la'aka luwo̧ma okobe deinö jojodö tjuluwo̧ ö̧jakwo̧— yöbawijetö Jacobma itji̧ Judánöma.

Génesis 49:10 Iomraidhean Croise

2 Samuel 7:13

Jo̧bada cheju otidakwo̧ma, ötjö Isabenö Jo̧ cheju baibanöma. Ja̧danö jo̧ba itji̧mu tupadanö jojodötjö chujunocha, ba̧kwelöjatebö israel jojodö la'aka tjuluwedö tjö̧jobö.

2 Samuel 7:16

Jau David, ökwönöbi, kwitji̧mu tupadanö jojodönöbi chujunocha, ba̧kwelöjatebö chöba a'o janö, bakwo̧nökwena israel jojodö la'aka tjuluwo̧ tjö̧jobö, ja̧danö kwitji̧mu tupadanö jojodötjö ba̧kwelöjatebö 'dö̧bibajökönö israel la'aka luwo̧ tjö̧jakwedö, —jö̧ba̧lö yöawinobe Isabenö Jo̧ma Natannö, Davidnö yöawobö.

1 Crónicas 12:24

Judasaso jojodötjö, seis mil ochocientos ölakwabikwawadö, otokwötebi, tjöekwapibi kwebatadö David ömöayedö batjibinobe.

1 Crónicas 12:39

Davidnö inesö la'aka duluwo̧ baibanö dujuno jö̧ba̧lö, israel jojodö sasokwena jojodöma otiwanö tjukwakwa̧ jawa otidö wetjinobe, David ö̧jobekwö. Ödö ju̧kwadö Isacarsaso jojodöbi, Zabulonsaso jojodöbi, Neftalisaso jojodöbi kwakwawa jawa otidajadö, buludö tjoma'anöbi, kameyodö tjoma'anöbi, kabayudö tjoma'anöbi, pakayadö tjoma'anöbi wanö, ja̧ kwakwawa tje'ewinobe David ö̧jobekwö, harisaso̧pjabi, higotjö dalö isa'wo baibanö tjotidinabi, uba köködakwawa ochijubi, ubasobu o̧'dobubi, olivo waji̧ o̧tebi. Ja̧danö tja̧jwi̧mu ajikwedö pakayadönöbi, obejadönöbi, chivodönöbi tje'ewinobe, ba'ali junö tjukwobö. Ja̧danö, jobekwö tjömöledö otiwanö pjatjatiawö̧, David ömöayedö batjibanö ichajadöma wapötakwa möle baledibanö, David inesö la'aka luwo̧ baibanö junawa ba'ali kwanöbi, owöbi tjö̧jinobe. Ja̧danö, Israel niji ba̧kwemeachibanö tjo̧'wo ösöwachibanö tjö̧jinobe, —Davidma otiwanö inesö la'aka duluwo̧ baibajabe, —jö̧ba̧lö.

Isaías 11:10

Ja̧danö, ja̧ möle bandera ötjabi̧ jawa öwawi̧danö, Isai itji̧ tupadanö jojo la'aka luwo̧ma öwawinö öjamatakwo̧, okobe deinö bö̧jȩnö ju̧kwadöma joba ö̧jobekwö ko̧ko̧kwö tji̧'yakobetjö̧. Ja̧danö, öba a'o ichibajadö, tjitebotenia jojodöma jo̧banö abebö tja̧ja̧kwakwedö, otiwanö ja̧bö tjö̧jakwa̧ tjöwaisakobetjö̧. Ja̧ mö̧le, isabenö okobe deinö jojodöma jo̧ba itebo comunidad ösödö otiwanö tjomukwatakwedö, —Duluwo̧ itebo comunidadma dejatinö salöi̧ comunidad, —jö̧ba̧lö.

Isaías 2:2

—Yadakwö löji möle baibenama, Isabenö Jo̧ eju ja̧'o mösa'oma, isabenö nöinö mikwawa'o ja̧kobe, okobe jwiinö mösa'ijutjö, Dios eju ja̧'o mösa'oda inesö la'aka mösa'o ja̧kobe. Jau, ja̧ mösa'oda kabebö ujunakobe Diosma, okobe jwiinö jele'otjö bajalekwönönö inesö mikwawa'o mösa'o baibanö, ja̧danö bö̧jȩ bakwemeachibanö ju̧kwadö tjitebokwena jojodöma ja̧'o jo̧bekwö tji̧'yakwedö.

Isaías 33:22

Jau chömöledö, Isabenö Jo̧ Diosda duluwo̧ ö̧jakwo̧, Isabenö Jo̧ Diosda ökwödönö webö ö̧jakwo̧, Isabenö Jo̧ Diosda inesö la'aka duluwo̧ ö̧jakwo̧, ja̧danö jo̧bada dö̧jibinö pjaatakwo̧, döpöjojodö tjichibapji jö̧ba̧lö.

Isaías 42:1

Baikwö laebobe Dios yöa̧li̧ma: Bitema ötjöda omudawö chujuninökwe chömöayo̧, ujuluwachibanö pjatjatökwema. Jo̧bama ötjö ile 'di̧tebökwe. Jo̧banö chiyajabe ötjöda Cho̧'wo Luwo̧nö, ja̧danö jo̧bama jweinö lȩebo jö̧a̧li̧danö lȩebakwo̧ tjitebotenia jojojodönö.

Isaías 55:3

Teada̧lönö a̧ja̧kwalö, chöjobekwö kwichaduwo chömöledö. Otiwanö kwa̧ja̧kwaduwo, tupakwö 'yaka̧laduwakobetjö̧. Jau, ötjönö kwa̧ja̧kwaduwitjö̧ma, ökwödökwö bakobe dösölö̧jinö dö̧jakwa̧ jawa yöbawö chujunocha, 'dö̧ibajökö ji̧ yöbawö junawama. Jau, damötjö Davidnö yöbawö chujunijatö, jwaikwöda 'dö̧bibajökönö jo̧banö ösödö chö̧jakwa̧ma, ja̧danö ökwödönöbi Davidnö yöbawö chujuninadanö yöbawö chujunena.

Isaías 60:1

Chömöledö israel jojodö, a̧la̧ibaduwi. A̧la̧ibö, Dios dejatinö ujulu i̧sȩkwaduwi. Jau chömöledö, Isabenö Jo̧ma iteda dejatinö ujulu i̧sȩbö, ökwödönö pjaatajabe, jo̧kwajabetjö̧ dejatinö ujuluma ökwödönö idejatajabe.

Isaías 62:11

Jau chömöledö, bö̧jȩ ba̧kwemeachibanö ju̧kwadönö baikwö weajabe Isabenö Jo̧ma, Jerusalen jojodönö baikwö yökawaduwo: Edaduwi, kwö̧jibaduwinö pjabato̧ma baikwö kwö̧jaduwobekwö ichobe. Ja̧danö baikwö ichenama, iteda emajawö̧, tjö̧jibinö pjaatajawö̧nö öbibö ichobeta, jö̧ba̧lö yötjawobö weobe.

Isaías 9:6

Jau chuluwo̧, isabenö tjo'wo ösöwachibanö ju̧kwadö kwömöledöma, bakwuju jitji̧nö jemajobetjö̧, duluwo̧ baibakwo̧ jitji̧nö jemajobetjö̧. Ja̧danö jo̧ba jemajökwema, isabenö duluwo̧ baibanö webö ö̧jakwo̧, ja̧danö jo̧ba imi baikwö ötjabikwo̧: —Inesö waisanö tjomukwatobö pjabato̧, —jö̧ba̧lö ötjabikwo̧. Ja̧danö ju'wibi, —Juluwo̧ Dios, —jö̧ba̧lö ötjabikwo̧. Ja̧danö ju'wibi, —Dabe'do Ba̧kwelöjatebö Jo̧, —jö̧balö ötjabikwo̧. Ja̧danö ju'wibi, —Wene Jwiinö Dö̧jobö Webö Jo̧, —jö̧ba̧lö ötjabikwo̧, duluwo̧ baibanö jemajökwema.

Daniel 9:25

Baikwö kwöwaisobö jo̧be Daniel, la'aka luwo̧ma yemidanö Jerusalén comunidad tjotidobö weakobe, ja̧danö ja̧ weaja̧ ikena, cuarenta y nueve o̧biya baledakobe, otidö katjatenanö baibanö. Jerusalén comunidadnö yemidanö mana tjotidakobe, ja̧danö comunidad söpödö sobö ojwe tjönakobe, tjöpöjojodö ichibö tjujuluwapji jö̧ba̧lö. Jejenö otidajadö, cuatrociento treinta cuatro o̧biya baledibanö comunidad söbebö lotjökakobe, jo̧kwaijayonö söbebö lötjököjayonö, ina nöinö wene baledakobe. Ja̧danö ja̧ cuarenta y nueve o̧biakwö, cuatrociento treinta y cuatro o̧biakwö baledibajenama, la'aka luwo̧ Dios weakwo̧ jö̧a̧linökwema ichibakobe.

Mateo 1:21

Maríama jitji̧ iso̧nö jemakobe, ja̧danö jemakwo̧nö Jesús jö̧ba̧lö kwimidonö, iteda ömöledönö tjusulatjö tjö̧jibanö ja̧akwo̧obetjö̧— jö̧ba̧lö yöawinobe Dios weökwe ángelma.

Mateo 17:5

Pedro ina jejenö yöa̧lonö, ojwiyo'wo dewinö dejata'wo jobadö tjöwamenö öwawachinobe, ja̧danö ja'wotjö̧ iwene ökwöinobe baikwö ökwöi̧ma: —Bitema ötjöda chösödökwe chitji̧, cho̧'wo̧ ösöwanö chedobe jo̧banö. Jo̧banö kwa̧ja̧kwaduwo— jö̧ba̧lö iwene ökwöinobe.

Mateo 21:9

Ja̧danö Jesús abönö 'ya̧döbi, ökömanö ichadöbi jwötjeba̧linobe: —Bite David itji̧ tupadanö jojonö dösödaduwo. Isabenö o̧'wo̧ ösöwanö jo̧, Duluwo̧ weökwe icho̧ma. Mölejȩbe jo̧ Diosnö dösödaduwo— jö̧ba̧lö jwötjeba̧linobe.

Mateo 25:32

ja̧danö okobe deinö tjitebotenia ju̧kwadönö chöba a'o ko̧ko̧kwö tjö̧jobö wetocha, ja̧danö jobadötjö otiwadönö sulabedötjö böjö 'da̧batö chujunocha, o̧bȩja̧dönö te'ada̧lo̧ o̧bȩja̧dönö chi̧wo̧dötjö böjö 'da̧batö ujuni̧danö.

Juan 12:32

Ötjönö kabebö towisa'onö bȩbö tjujunena, okobe deinö jojodönö pjatatocha, ötjönö tjomukwatobö— yöawinobe Jesúsma jojodönö.

Juan 18:31

—Ökwödöda jawa. Ökwödöda yöbawaduwi jo̧banö lȩkebaduwakwa̧ma, lȩkebaduwobö wetjinadanö— jö̧a̧liawö̧: —Ökwödö romano la'aka luwedöma weköbaduwokobe jojonö ö'wö baibanö lȩdeboböma. Ökwödö romano jojodöda jojonö ö'wö baibanö lȩbebadö, towisa'onö bȩbö— jö̧tja̧linobe, Pilatoda ö'wö baibanö lȩekwa yöawobö ösödö.

Juan 19:12

Jejenö a̧ja̧kwaja̧ ikena Pilatoma Jesúsnö laebobö ösödijayonö judío jojodöma öpöjödö labinö jö̧tja̧linobe Pilatonö: —Jo̧banöma labebökönuwi. La'aka luwo̧ César öpöjödena— jö̧tja̧linobe—. Ja̧danö ökwöma Césarnö öpöjödo̧ bakibena jo̧banö lakebitjö̧ma. Bitema la'aka luwo̧bököjayonö, La'aka luwo̧sa, jö̧ba̧lö, yöa̧lobe. Ja̧danö, César a̧ja̧kwitjö̧ma öpöjödena jejenö yöa̧li̧ma iteda la'aka luwo̧obetjö̧—jö̧tja̧linobe judío jojodöma Pilatonö.

Juan 19:15

—Towisa'onö bȩbö kwujunaduwo e'ewaduwinö— jwötjeba̧liökwe: —¿Jejenö kwösadaduwiji̧? ¿Kwuluwo̧duwinö bȩbö tjujuno wetobö kwösödaduwiji̧?— abebö a̧ja̧kwiawö̧: —Duluwo̧bökö bitema. Ökwödö Duluwo̧ma Césarda. Jelo̧ma deobe— jö̧tja̧linobe Diostjö jojodötjö ö'weje la'aka pjabatadöma.

Juan 9:7

Dubebö kabatajo̧ weinobe Jesúsma jo̧banöma: —Ojwese'do, Siloé mikwa'dobe 'ya̧wi kwidichawo— weinobe Jesúsma jo̧banö. Je'do imi, Siloé, jö̧ba̧löma, Weinökwe, jö̧a̧lobe. Jesúsma jejenö weajiökwe, öbajale tjewawökwema jobekwö 'ya̧jo̧ idichawemi otiwanö öbajalema edinö baibinobe. Ja̧danö, otiwanö baibajökwema tjebachajö i̧'yinobe.

Romanos 15:12

Ja̧danö Dios iwene wȩyudina Isaíasma baikwö iwȩyudinobe Jesús judío jojodöböködönö pjaatakwa̧ma: Jesé itji̧ tupadanö jojoma ichakobe, ja̧danö jo̧bama webö yöawakobe judío jojodöböködönöma, tjuluwo̧ baibanö. Ja̧danö, jo̧banö tjösödakwedö judío jojodöböködöma, Bitema ökwödönö pjaatakwo̧, jö̧ba̧lö laebobe Dios iwenema. Jau chömöledö, Jesúsma judío jojodönöbi, judío jojodöböködönöbi ösödö pjaatinobe, jo̧kwajabetjö̧ ökwödöbi kwömöledöduwi Jesúsnö ösödadönö kwösödaduwo, öpöjödökönö.

2 Corintios 5:10

Jau chömöledö, Duluwo̧ ösödi̧danö ja̧dobö disakwobe, döwaisobetjö̧, okobe deinö Cristo ba̧nö yöawelö dö̧jakwedösa, jo̧bada böjȩnö ja̧nö ja̧dina yöawobö, otiwojobö, sulojobö jö̧ba̧lö. Ja̧danö jo̧bada ja̧dina mikwa baibanö iyakwo̧ chömöledö.

Apocalipsis 11:15

Jemi ikena trompeta pjubo̧, jelemutjö domulatajasanu pjubo̧ baibanö pjubo̧ pjuenama mölejȩbetjö labinö tjiwene yötja̧li̧ cha̧ja̧kwijatö, biya̧ tjiwenenö ökwöi̧: —Tjo̧wi̧ta. Böjȩma Duluwo̧ Dios La'aka Luwo̧ ö̧jena badekwachajabe. Ja̧danö, Dios weinökwe, jojodö tjö̧jibinö pjaatobö weinökwe La'aka Luwo̧ ö̧jenanö badekwachajabe. Jobadöma ba̧kwȩlö̧jatebö webö tjö̧jakwedö— jö̧ba̧lö, ökwöi̧ cha̧ja̧kwijatö.