Génesis 48:9 - Dios Iwene

⁹ —Ötjö chi̧tji̧mu, Dios ötjönö iyinawö̧ bena Egiptonö chö̧jena— atadijetö Joséma. Ja̧danö, Jacobma jö̧ba̧lijetö Josénö: —Chö̧bobekwö yö̧ne ichejebidönö, Dios dösölö̧jinö edö pjaatakwa̧ chujunodönö— jö̧ba̧lijetö.

Génesis 48:9 Iomraidhean Croise

Génesis 27:4

Ja̧danö, 'bököbajökwenöma söinö, ötjö chukwobö chösödi̧danö tobibö kwichejebo chukwo. Ja̧danö, chukwaja̧ ikena Dios dösölö̧jinö edö pjaatakwa̧ ökwönö chujunocha. Chitji̧, wotakwa̧ abönö jejenö chujunobö jö̧ta̧la ökwönö— jö̧ba̧lijetö.

Génesis 30:2

Ja̧danö Jacob, jejenö jö̧ja̧lökwe jwiinö labijetö: —¿Ötjöma Dioschi̧ji̧? Diosda ökwönö iyobö jo̧be kwi̧tji̧munö— labinö jö̧a̧loko:

Génesis 33:5

Ikenama, Esaúma okobe deinö ya̧dönö, tjemunö edö abebö a̧jakwijetö öjawo̧nöma: —Bidöma ¿didöjayedöda?— abebö a̧ja̧kwökwe: —Bidöma chi̧tji̧mu, Dios ötjönö lȩlö̧jinö edö iyinawö̧ ötjönö, kwömöayo̧nö— atadijetö Jacobma.

Génesis 49:28

Jobadö Jacob i̧tji̧muma Israel jojodö abönö ji̧nadö. Jacobma jobadönö yöbawijetö bakwo̧nökwena Dios pjaatakwa̧bi Dios lȩebakwa̧bi, bakwo̧nökwena tjemo jö̧tja̧li̧danö. Jejenö Jacobma woakwa̧ abönö yöbawijetö i̧tji̧munö, bakwo̧nökwena.

1 Crónicas 25:5

Okobe deinö jobadöma, la'aka luwo̧ David ömöayo̧ Dios yöawi̧ yöbawo̧ Heman itji̧mu tjö̧jinobe. Diosma isabenö otiwanö Hemannö omukwatinobe, ja̧danö otiwanö omukwati̧ i̧sȩbö, itji̧mu ömadönö catorcebedönö 'yaebobö iyinobe, ja̧danö itji̧mu ya̧dönö wamedukwanö 'yaebobö iyinobe.

Isaías 8:18

Ötjöbi, Isabenö Jo̧ iyinawö̧ chitji̧mubi i̧sȩkwa baibanö iyinawö̧sa, israel jojodö tjö̧'da̧de ja̧nö Dios yöbawö ujunina jawa di̧sebakobetjö̧. Jau chömöledö, Okobe Jwiinö Juluwo̧ Isabenö Jo̧ma, Jerusalennö ja̧'o Sion mösa'onö Jo̧, ja̧danö jobama ökwödönö ujuninobe, iteda ömöledö israel jojodönö i̧sȩkwa badibanö.

Deuteronomio 33:1

Ja̧danö, Dios ömöayo̧ Moises ö'wö baibakwa̧ abönö, israel jojodönö yöawinobe, Dios jobadönö pjaatakwa̧ jawama,

Hebreos 11:21

Ja̧danö da'dömine Jacobma, Diosnö o̧'wo̧ wana̧lö ö̧jobetjö̧ jwiinö pöe, ida̧ökö woawa yöneawachenama, otokwa'onö ja̧nö Diosnö ösödö yöawinobe ö̧'dö̧dö José i̧tji̧munöma du̧ju̧tajanö bakwo̧nökwena, Diosma isabenö ökwönö pjaatakwo̧, jö̧ba̧lö.

1 Samuel 1:20

ja̧danö jemakwa̧ mölȩ badekwachenama, jitji̧ iso̧nö jeminobe. Emaju, Samuel jö̧ba̧lö jimidinobe jitji̧nö, —Chitji̧nö atebiökwe, Isabenö Jo̧ma a̧ja̧kwö bitenö iyajabe, —jö̧ba̧lö.

1 Samuel 1:27

Isabenö Jo̧nö atebenama, bite chitji̧nö atebijatö, ja̧danö isabenö atebi̧ a̧ja̧kwö iyinobe Diosma.