Génesis 48:18 - Dios Iwene

¹⁸ Jejenö do̧batö jö̧ba̧lijetö abe'donö, chabe'do, biteda abönö pöema. Jo̧banöda kwömamu kwöwaisamunö 'bibebi, jö̧ba̧lö.

Génesis 48:18 Iomraidhean Croise

Génesis 19:18

Jejenö weiökwe Lotma jö̧ba̧lijetö: —Chuluwo̧, jobekwö dötibajoböma webökönuwi.

Génesis 27:15

Ikenama Rebecama jitji̧ abönö pöe Esaú ökamijido̧ o̧do okwatjö emö 'dubatijotö jitji̧ bajaliya luwo̧nö, Jacobnöma.

Génesis 29:26

—Ökwödö bemi jojodötjöma jejenö ditjijunö webadösa, abönö pöoma abönö jilekwenö jemobö.

Génesis 43:33

Ja̧danö, Joséma baikwö webijetö ömöledönö tjöbajobö: Abönö pöenöma abönö öbamatobö webijetö. Ja̧danö, jo̧ba öjawo̧ma jemi ikena öbamatobö ökömanö. Ja̧danö, jo̧ba öjawo̧ma jemi ikena öbamatobö. Ja̧danö, bajaliya luwo̧nöma bajaleapo öbamatobö webijetö. Jejenö tjö̧bajobö weawö̧ José ömöledöma tjöbajale jalakanö eda̧lakwawijadötö, dakwö waiso̧jö abönö pöe, jemi ikena luwo̧, jemi ikena luwo̧, bajaliya luwo̧, jö̧ba̧lö.

Génesis 48:17

Ja̧danö, Joséma abe'do ömamu öwaisamunö bajaliya luwo̧ Efraímnö uunö 'bieba̧laja̧ öpöjödijetö, abönö pöenöda öwaisamunö 'bieba̧lobö jo̧be, jö̧ba̧lö. Jo̧kwaobetjö̧ abe'do ömamunö do̧batijetö abönö pöe Manasésnö uunö 'bieba̧linö öwanotö jö̧ba̧lö.

Génesis 48:19

Jo̧kwaijayonö abe'doma öpöjödö jö̧ba̧lijetö: —Chöwaisa chitji̧. Jweinö omukwatö chöwaisamunö 'biteba̧la bajaliya luwo̧ Efraímnö uunö. Öpöe Manaséstjö tupadanö jojodöma tjö̧ba̧jekwachakobe, tjitebonö tjuju̧kwakwedöma. Jo̧kwaijayonö Efraímtjö tupadanö jojodöma Manaséstjö tupadanö jojodötjö̧ o̧penönö tjö̧ba̧jekwachakobe. Jobadö Efraímtjö tupadanö jojodöma jwiinö ba̧jekwachö tjuju̧kwakwedö, bakwaso jojodökwena, okobe jwiinö böjȩnö tjitebotenia— yöba̧lijetö Jacobma Josénö.

Génesis 49:3

Ajayinö yöbawijetö itji̧ abönö pöe Rubénnö, jo̧banö baledakwa̧. Baikwö yöbawijetö: —Rubén, ökwöma abönö 'yatebinökweja, möayo̧chö̧jayi̧. Jao tjemunö 'yatebobö juluwo̧chena ökwönö 'yatebijatö. Ja̧danö, abönö pöeköbobetjö̧ okobe deinö chi̧tji̧mutjö̧ o̧penönö inesö jo̧ja.

Éxodo 10:11

¡Chöpöjöda! Wetokobe okobe deinö kwi̧'yaduwoböma. ¿Isabenö Jo̧nö ösödö kwiyaduwobö kwösödaduwiji̧? Jao kwatjö̧ma, ömadöda kwi̧'yaduwobö wetena— jö̧a̧laja̧ ikena farónma Moisésnö Aarónnö iteda ö̧jelö a'dewö lobijetö.

Mateo 25:9

Atjebawö̧, waisanö omukwatadöma tjatadinobe: Diyökö. Ökwödönö diyitjö̧ma, ba̧jekwachökena, ja̧danö ditea'yu̧bi tiibena. Ökwödöma bodegabe 'ya̧duwi, ökwödö kwiteaduwa kwemaduwakobetjö̧, jö̧ba̧lö wetjinobe.

Hechos 10:14

Ja̧danö, Pedroma, ja̧ iwene a̧ja̧kwö jö̧ba̧lijetö: —Chuluwo̧, kwabö chukwökena, la'akatjöda kwiachijökötö jobadöjayedönöma, judío jojodönö tjukwoko wetjinawö̧nöma. Jobadönöma, sulabedö, jö̧ba̧lö, yötja̧lawö̧nö la'akatjöda tjukwajichököwö̧ ökwödöma, judío jojodöma.

Hechos 11:8

Jejenö a̧ja̧kwö jö̧ta̧lijatö, Chuluwo̧ kwabö chukwökena, la'akatjöda kwiachijökötö jobadöjayedönöma, judío jojodönö tjukwoko, jö̧ba̧lö, wetjinawö̧nöma, jö̧ba̧lö, jö̧ta̧lijatö.