Génesis 48:14 - Dios Iwene

¹⁴ Jo̧kwaijayonö Jacobma öja balewibö ömamu waisamunöda bajaliya luwo̧ Efraín uunö 'bibebijetö. Ja̧danö, ömamu wajwiamunö Manasés uunö 'bibebijetö, abönö pöenöma. Efraínma bajaliya luwo̧ijayonö Dios abönö pöenö dösölö̧jinö edö pjaatakwa̧ junijetö Jacobma, ömamu waisamunö uunö 'bibebö.

Génesis 48:14 Iomraidhean Croise

Génesis 41:51

Abönö pöenö midijetö, Manasés, jö̧ba̧lö, Diosma pjaatajabe cho̧'wo̧ jwitibanö ötjönö sulabe baledinabi, ja̧danö, ötjö chömöledönöbi, jö̧ba̧lö.

Génesis 41:52

Jemi ikena itji̧nö midijetö, Efraín, jö̧ba̧lö, Diosma chi̧tji̧munö iyajabe usula emawö chöbaledinelö, jö̧ba̧lö.

Génesis 46:20

Ja̧danö José i̧tji̧mu, Egiptonö 'yaebinawö̧ma bidö: Manasés, Efraín. Jobadöma Potifera itjiju Asenat 'yajebinawö̧. Jabe'do Potiferama On comunidadnö ju̧kwadötjö idöda tjo̧'wo̧ tjöwa̧na̧lökwetjö tjö̧'da̧de pjabato̧.

Génesis 48:13

Jemi ikenama junijetö i̧tji̧munö abe'do ipjeanö, abe'doma bakwo̧nökwena tjuunö 'bibeba̧lö Dios dösölö̧jinö edö pjaatakwa̧ ujunobö jobadönö. Ja̧danö, itji̧ Efraín, bajaliya luwo̧nö abe'do wajwiobekwöchobe junijetö. Ja̧danö, itji̧ Manasésnö, abönö pöeobetjö̧ Joséma junijetö jo̧banöma abe'do öwaisobekwöchobe. Jejenö junijetö Joséma Manasés uunö abe'doma öwaisamunö 'biebobö, ja̧danö, abönö pöe Dios dösölö̧jinö edö pjaatakwa̧ jawa ujunobö jo̧banöma. Ja̧danö, bajaliya luwo̧ uunö abe'doma wajwiamunö 'biebobö jejenö junijetö Joséma, Dios bajaliya luwo̧nö dösölö̧jinö edö pjaatakwa̧ma ujunobö.

Génesis 48:17

Ja̧danö, Joséma abe'do ömamu öwaisamunö bajaliya luwo̧ Efraímnö uunö 'bieba̧laja̧ öpöjödijetö, abönö pöenöda öwaisamunö 'bieba̧lobö jo̧be, jö̧ba̧lö. Jo̧kwaobetjö̧ abe'do ömamunö do̧batijetö abönö pöe Manasésnö uunö 'bieba̧linö öwanotö jö̧ba̧lö.

Génesis 48:18

Jejenö do̧batö jö̧ba̧lijetö abe'donö, chabe'do, biteda abönö pöema. Jo̧banöda kwömamu kwöwaisamunö 'bibebi, jö̧ba̧lö.

Éxodo 15:6

Isabenö Jo̧ kwömamu kwöwaisachamuma jwiinö juluwamu. Jamu jwiinö juluwamunö pjebebö loköbajabe kwöpöjöjödönö.

Mateo 16:18

Ja̧danö baikwö yötawakwö: Ökwöma inawa jö̧ba̧lö Pedro mikwo̧ja, ja̧danö wanedö yötawa, ötjöma biwa inawa wame chejudanöbedö chömöledönö chujunocha. Ja̧danö, isabenö yötawakwö, chejudanöbedöma isabenö 'diinö tjö̧jakwedö, ja̧danö woawama jobadönö juluwökakobe.

Mateo 19:13

Ju'wedö jojodöma tji̧tji̧munö tjichejebinobe Jesús ö̧jobekwö, ömamu 'bibeba̧lö, Diosnö aebobö, jo̧kwaijayonö Jesús öba̧ja̧di̧ waisachadöma jojodönö wetjinobe: —Kwi̧tji̧muduwinö ichejebökönaduwi— jö̧ba̧lö.

Mateo 19:15

Ja̧danö, Jesúsma tjemunö ömamu 'bibeba̧lö, Diosnö aebinobe jobadönö. Ikenama, jobetjö laebinobe Jesúsma.

Mateo 6:5

Tupakwö yöawinobe Jesúsma: —Ja̧danö, Diosnö akebaduwenama, jobadö dötölatajanö omukwatadö atjebi̧danöma akebaduwa. Jobadöma tjösödobe, judío jojodö ba̧nö tja̧ja̧kwa̧lakwawejubiyatjö jamatö labinö Diosnö atjebobö, ja̧danö ba̧jekwadö jojodö kwetjachemi ö'öbönö ja̧nö, labinö Diosnö atjebobö, böjȩ jojodö Diosnö atjebi̧ tjedobö. Isabenö yötawaduwakwö chömöledö: Atjebaja̧ mikwa baibanöma iyökakwo̧ Diosma otiwanö abebadöja jö̧ba̧löma, ida̧ökö okobe jwiinö atjebaja̧ mikwa tjeminobetjö̧.

Lucas 13:13

Ikenama Jesúsma jobujunö mainobe, ja̧danö maenama, juluwanö jweinö a̧laibö, jo̧'wo̧ ösöwachibanö Diosnö jösödinobe, otiwanö pjaatajabe jö̧ba̧lö.

Lucas 4:40

Jemi ikenama, yȩatibena, comunidad bakwameachibanö jojodöma tjömöledötjö ö'wöchadönö tjichejebinobe Jesús ö̧jobekwö, ju'witjö tjö'wöchi̧bi, ju'wi tjö'wöchi̧tjöbi ö'wöchadönöma, ja̧danö okobe jwiinö tjö'wöchajiatjö tjö̧bibajinö ömamunö mabö otidö loinobe Jesúsma.

Hechos 13:3

Jejenö jö̧a̧liawö̧ ö̧tö̧chö ja̧böbi Diosnö abeböbi katjatajena Bernabénö Saulonö tjuu wamenö 'bibebö abebijadötö jelobe tji̧'yobö, Dios O̧'wo̧ Luwo̧ wei̧ kwotidaduwo, jö̧ba̧lö.

Hechos 6:6

Ja̧danö, jobadönö emö junajadö Jesús webawedö tjöba a'o tjöjamatobö öbibö 'yi̧jadötö, tjemajawö̧nöma. Ikenama Jesús webawedöma ötjibajawö̧ tjuu wamenö 'bibeba̧lö Diosnö abebijadötö. Jejenö jobadönö jwibadönö tju̧kwa iyawa webadö baibanö junijadötö.

Deuteronomio 34:9

Moises ö'wö baibakwa̧ abönö, ömamiju Josuenö 'bieba̧linobe, —Biteda israel jojodönö öbibö ö̧jakwo̧, —jö̧ba̧lö, ja̧danö Diosma pjaatinobe Josuenö, otiwanö waisanö omukwatobö. Jo̧kwajabetjö̧, Israel jojodöma otiwanö Josue wei̧ a̧ja̧kwö tjö̧jinobe, ja̧danö Isabenö Jo̧ weina Moises yöawina jawa ja̧bö tjö̧jinobe.

1 Timoteo 4:14

Ja̧danö, Dios ökwönö ja̧bö kwö̧jo jö̧ba̧lö ökwönö iyinama, iyinadanö ja̧bö kwö̧jo. Damötjö Jesúsnö ösödadönö te'ada̧lakwawa luwedö kwuunö tjömamu 'bibeba̧lö ja̧tjenama, Dios yöawi̧ yöbawadöma ökwö ja̧bö kwö̧jakwa̧ wene yötjawinobe. Ja̧danö, jejenö yötjawenama, Diosma ökwönö iyinobe, jo̧banö ösödö ja̧bö kwö̧jakwa̧ma. Ja̧ ökwönö iyina, biya̧ ja̧bö ötjönö kwösödo jö̧ba̧lö iyinama, ja'yubebi junibökönö ja̧bö kwö̧jo Diosnö ösödö.

1 Timoteo 5:22

Ja̧danö, jojodönö juluwanöma kwömamu 'bibeba̧lö ja̧bökönuwi, bidöma Jesúsnö ösödadönö te'ada̧lakwawa luwedö jö̧ba̧löma, otiwanö kweda̧lo jobadönö kwujunakwa̧ abönöma. Ja̧danö, ju'wibi yötawakwö ju'wedö sulabenö ja̧tji̧tjö wainö 'da̧bachibö ja̧wi, sulabenö ja̧tji̧ jobadökwö ja̧bökönö, bakwainö otiwanö ja̧böda kwö̧jo.