Génesis 48:12 - Dios Iwene

¹² Ikenama Joséma i̧tji̧munö, abe'do u̧yu̧kiju yöne jamatajadönö ödökwönönö tjöjamatobö junijetö. Ikenama abe'do öba a'otjö öba nijakwö bȩbachibijetö Joséma.

Génesis 48:12 Iomraidhean Croise

Génesis 18:2

Abrahamma jobe apjude a'o ba̧nö, edemi omönanö ömadö wa̧medukwa ji̧jadötö, jo̧ba ö̧bemi badeibö. Jobadönö edö omönanö a̧laibö jobadö tjö̧jobekwö 'ya̧wibö u̧yu̧jukijunö bamatö öba bȩbachibijetö nijakwö uunö, chuluwedö, jö̧ba̧lö.

Génesis 19:1

Ja̧danö, jobadö du̧ju̧taja ángelesdö, Abraham ö̧jelö labebajadöma Sodoma comunidadnö ichibijadötö yi̧benakwö. Tjichibena Lotma Sodoma teachakwawemi apjude apetukwöchobe bi̧jetö. Jobadö tjichobe edö Lotma a̧laibö tjichobekwö 'yawibö u̧yu̧kijunö jamatö öba bȩbachibijetö nijakwö uunö.

Génesis 23:7

Jejenö tjatadiökwe Abraham a̧laibö öba bȩbachibö nijakwö uunö jö̧ba̧lijetö jobe ju̧kwadönö, Hettjö tupadanö jojodönö: —Chilekwonö bada lödawa kwedaduwemi otiwitjö̧ma akebaduwo Efrónnö, Zohár itji̧nö,

Génesis 33:3

Ikenama Jacobma jobadönö baledibö tjabönö 'yi̧jetö öpöe ö̧jobekwö, jelemutjö̧ dötölatajanö bȩbacha̧liabö 'ya̧nö.

Génesis 42:6

Ja̧danö, Joséma Egipto niji la'aka luwo̧ ji̧jetö. Jo̧bada kwakwawa emö ichajadönö iyiabina. Ja̧danö, öpöedöma ichibö, José ö̧jeju okwa tebachibö José öba a'o jamatö tjöba nijakwö bȩbachibijadötö. Jobadöma, wajwibijadötö José, jö̧ba̧lö.

Génesis 48:11

Ikenama Jacobma jö̧ba̧lijetö Josénö: —Chitji̧, ajayinöma, isabenö yemidanöma chitji̧ Josénö 'yaba̧lo̧nö chedökakobe, jö̧ba̧lö, chomukwatijatö. Jo̧kwaijayonö babema Diosma pjaatajabetjö̧ sule ökwönödamaö̧kö̧ kwi̧tji̧mu̧nöbi chedobe— jö̧ba̧lijetö Jacobma itji̧ Josénöma.

Génesis 48:13

Jemi ikenama junijetö i̧tji̧munö abe'do ipjeanö, abe'doma bakwo̧nökwena tjuunö 'bibeba̧lö Dios dösölö̧jinö edö pjaatakwa̧ ujunobö jobadönö. Ja̧danö, itji̧ Efraín, bajaliya luwo̧nö abe'do wajwiobekwöchobe junijetö. Ja̧danö, itji̧ Manasésnö, abönö pöeobetjö̧ Joséma junijetö jo̧banöma abe'do öwaisobekwöchobe. Jejenö junijetö Joséma Manasés uunö abe'doma öwaisamunö 'biebobö, ja̧danö, abönö pöe Dios dösölö̧jinö edö pjaatakwa̧ jawa ujunobö jo̧banöma. Ja̧danö, bajaliya luwo̧ uunö abe'doma wajwiamunö 'biebobö jejenö junijetö Joséma, Dios bajaliya luwo̧nö dösölö̧jinö edö pjaatakwa̧ma ujunobö.

1 Reyes 2:19

Jemi ikenama, Betsabema jitji̧ la'aka luwo̧ Salomonnö edö ji̧'yinobe, Adonias aebaja̧ ajebobö. Jichibiökwe, Salomonma a̧la̧ibö jö̧ba a'o bȩachibinobe, —Otiwanö chomukwatokoja, —jö̧ba̧lö. Ikenama, yemidanö iteaka la'aka luwo̧ ö̧bakanö öbamatinobe, ja̧danö ju'wibi weinobe, jeleka tjichejebobö, iteda ojo'dobi la'aka luwuju jö̧bakanö jöbamatakobetjö̧. Ja̧danö, Salomon öwaisobekwöchobe jöbamatinobe.

2 Reyes 4:37

Weioko, Eliseo oba a'o ichibö, nijakwö bȩbachibö jöbamatinobe, —Otiwanö pjakatajabe chuluwo̧, —jö̧ba̧lö. Jemi ikenama, jitji̧nö kabebö, jȩko̧tjö labebö je'ewinobe.

Éxodo 20:12

Ja̧danö, ju'wibi wetaduwakwö: Kwabe'donö, kwojo'donö otiwanö omukwatö yebabinö kwö̧jaduwo. Jejenö otiwanö kwomukwataduwo lekwe kwuju̧kwaduwakobetjö̧ niji chiyakwemi ja̧nö, ötjö Isabenö Jo̧, Kwösödaduwökwe Dios kwiteboduwi baibanö chiyakwemima.

Éxodo 34:8

Jejenö yöa̧liökwe Moisésma öba bȩbachibijetö, nijakwö uunö, Isabenö Jo̧nö ösödö.

Proverbios 31:28

Ji̧tji̧mu̧ma jobujunö jwiinö ösödö, dojo'doma jwiinö otiwanö omukwatuju, jö̧ba̧lö, yötja̧loko. Ja̧danö, jilekwebi jobujunö ösödö, otiwanö omukwatuju chilekwoma, jö̧ba̧lö, yöa̧loko.

Efesios 6:1

Babema tjemunö yötawa. Tjemu, kwabe'doduwi, kwojo'doduwi wetji̧ a̧ja̧kwö ja̧duwi, Duluwo̧ma jejenö jobadö wetji̧ a̧ja̧kwö kwö̧jaduwobö weobetjö̧.