Génesis 48:10 - Dios Iwene

¹⁰ Ja̧danö, Jacobma öbajale otiwanö edijökötö pöeobetjö̧. Jo̧kwaobetjö̧ Joséma i̧tji̧munöma yö̧ne i̧sebijetö, abe'do ö̧bobekwö. Yöne jamatadönö wo̧batö du̧batijetö Jacobma, José i̧tji̧munöma.

Génesis 48:10 Iomraidhean Croise

Génesis 27:1

Ja̧danö, Isaac, jwiinö pöe bo̧ma öbajale tjewawachinökwe. Ju'wi möle itji̧nö, abönö pöenö Esaúnö jwöbijetö ichobö. Ichajo̧nö jö̧ba̧lijetö: —Chitji̧— jö̧a̧lökwe: —Chabe'do, yöba̧li cha̧ja̧kwo— atadijetö Esaúma abe'donö. Ja̧danö, Isaacma jö̧ba̧lijetö:

Génesis 27:27

Jacobma abe'do ö̧jobekwö yö̧ne 'ya̧wibö du̧batijetö abe'donöma. Ja̧danö, Isaacma itji̧ Esaú ö̧kamijido̧danö omewiökwe, Isabenö bitema chitji̧ abönö pöe, jö̧ba̧lö, Isabenö Jo̧ Dios dösölö̧jinö edö pjaatakwa̧ junijetö Jacobnöda. Baikwö yöba̧lö junijetö: Isabenö ötjö chitji̧ma omewi̧nö otiwanö 'dö̧bekwo̧. Duluwo̧ Dios otiwanö pokwobö pjaatinayu batjodanö 'dö̧bekwo̧.

Génesis 31:55

Ju'wi dewachö Labánma ö'dö̧dönö i̧tji̧munö, tjo̧wi̧ chȩwa̧ja, jö̧ba̧lö du̧batijetö. Du̧batajo̧ma ȩwa̧jijetö.

Génesis 45:15

Ikenama okobe deinö öpöedönö tjibekasa'wijunö du̧batö budekwijetö. O̧'wo̧ jwiinö ösöwanö budekwijetö Joséma, ömöledönö ösödö. Jejenö ösödiawö̧ öpöedöma bajaliyanö yebabökönö yöba̧lijadötö tjö̧ja̧wo̧ Josénöma.

Génesis 48:11

Ikenama Jacobma jö̧ba̧lijetö Josénö: —Chitji̧, ajayinöma, isabenö yemidanöma chitji̧ Josénö 'yaba̧lo̧nö chedökakobe, jö̧ba̧lö, chomukwatijatö. Jo̧kwaijayonö babema Diosma pjaatajabetjö̧ sule ökwönödamaö̧kö̧ kwi̧tji̧mu̧nöbi chedobe— jö̧ba̧lijetö Jacobma itji̧ Josénöma.

Génesis 48:8

Ikenama Jacobma José i̧tji̧munö edö abebö a̧ja̧kwijetö: —Bidöma ¿ti i̧tji̧muda?— abebö a̧ja̧kwökwe:

1 Reyes 19:20

Jejenö öwanajökwe, a̧jwi̧mu pakayadönö junibö, Elias ökömanö lubö ö'öakwawinobe Eliseoma, ja̧danö Eliaskwö ichibö aebinobe, —Chuluwo̧, ökwökwö chichakwa̧ abönö, –Tjo̧wi chi̧'ya, –jö̧ba̧lö chabe'donöbi, chojo'donöbi du̧batö chösödobö atebakwö, ja̧danö jemi ikenama kwömöayo̧ baibanö ökwökwö chichakwo̧sa, chichakwa̧ abönö jobekwö yötawobö weköbakwa̧ji̧? —jö̧ba̧lö. Aebökwe, —Jau, daji̧. Jo̧kwaijayonö kwo̧'wo jwibibökönuwi chi̧sȩbaja̧ma, isabenö yöka̧laja̧danö ötjökwö kwichobö jo̧be, —jö̧ba̧lö atadinobe.

Isaías 59:1

Chömöledö, kwö̧jibaduwinö pjaatokobetjö̧, Diosnö kwomukwataduwena, —Dö̧jibinö pjaatoböma juluwö̧kö̧ Isabenö Jo̧ma, ja̧danö ölakiyunö otiwanö a̧ja̧kwö̧kö̧, —jö̧ba̧lö. Jo̧kwaijayonö ja̧maökö chömöledö.

Isaías 6:10

Jau Isaias, nöinö yöka̧lawö̧, tjomajadenö omukwatöködö batjibanö yökawakwo̧ja, ja̧danö tjölakiyu a̧ja̧kwöködö batjibanö yökawakwo̧ja, ja̧danö tjöbajale tjewawadö batjibanö kwi̧sȩbakwo̧ja. Jo̧kwajabetjö̧ otiwanö yökawijayonö, tjölakiyunö otiwanö tja̧ja̧kwökakwedö, ja̧danö tjöbajalenö otiwanö tjedökakwedö, ja̧danö tjomajade okwa söinö tjomukwatökakwedö. Jobekwö otiwanö ösödö tjomukwatitjö̧ma, sulabenö tjomukwati̧ tjöbalewacho jö̧tja̧lena, ja̧danö lȩtebi̧tjö̧ tjö̧jibo jö̧tja̧lena, —jö̧balö weinobe Isabenö Jo̧ma ötjönö.

Deuteronomio 34:7

Moises ö'wö baibenama, ciento veinte o̧biya ujuna̧linobe, jo̧kwaijayonö jwiinö pöe ö̧jijayonö, ina juluwo̧ ö̧jinobe, ja̧danö öbajale tjewawö̧kö̧ ö̧jinobe.

1 Samuel 3:2

Ja̧danö, ju'wibi Elima, ida̧ökö pöe waekwö, otiwanöma edinokobe, öbajalebiyama ida̧ökö öbalajale tjewawo̧ baibanö ö̧jinobe. Ja̧danö, ju'wi yö̧te, Eli ida̧ökö iteda abȩko̧nö abena, baikwö baledinobe:

1 Samuel 4:15

Ja̧ mölȩma Elima ida̧ökö jwiinö pöe ö̧jinobe, ida̧ökö noventaiocho o̧bia ujuna̧linobe Elima, ja̧danö ida̧ökö öbajale tjewawo̧ ö̧jinobe.