Génesis 47:7 - Dios Iwene

⁷ Ikenama Joséma abe'do Jacobnö tebatijetö faraón ö̧bȩkonö, faraón öba a'otjö ujunobö. Jacob, tebachajo̧ faraónnö yöba̧lijetö, Diosnö ateba ökwönö ösödinö pjaatobö, jö̧ba̧lö.

Génesis 47:7 Iomraidhean Croise

Génesis 14:19

Ikenama Abramnö badekwö Melquizadekma, Abramnö o̧'wo ösöwanö yöba̧lijetö: —Abram, La'aka Inesö Diosnö, mölejebi, böjȩbi otidinanöma ateba ökwönö dösölöjönö edö pjaatobö.

Génesis 35:27

Ja̧danö, Jacobma ömöledökwö bajalianö ichibijadötö abe'do Isaac ö̧jobe, Mamre comunidadma. Jobema ju'wi imi Kiriat Arabat, jö̧ba̧lö mikwijetö. Ja̧danö babe molema ja̧ comunidadma Hebron mikwobe. Jobema Abraham, Isaac ajayinö tjuju̧kwinemi, jelobetjö ichajadö, ju'wedö tjitebonö ja̧nö.

Génesis 47:10

Ikenama, faraónnö, Diosnö ateba ökwönö ösödinö pjaatobö, jö̧ba̧lö, Jacobma labebijetö faraón ö̧jelöma.

Génesis 47:8

Ikenama faraónma abebö a̧ja̧kwijetö Jacobnö: —Ökwöma ¿dokwa a̧yo bo̧ kwö̧jobeda?— abebö a̧ja̧kwökwe:

2 Samuel 14:22

Yöa̧lökwe, la'aka luwo̧ David öba a'otjö Joabma öba nijakwö öbamatinobe, isabenö chuluwo̧ja jö̧ba̧lö, ja̧danö Davidnö yöa̧linobe, —Chuluwo̧, Dios ökwönö pjaatobö ateba. Babe öwawinö chedobe, isabenö otiwanö ötjö kwömöayo̧nö kwösödobe jö̧ba̧lö, atebaja̧danö baledobö weköbajabetjö̧, —jö̧ba̧lö.

2 Samuel 19:39

Ikenama okobe deinö jojodöbi, la'aka luwo̧ Davidbi Jordan mikwödö petjibinobe. Ja̧danö pebibajo̧, Davidma Barzilaynö du̧atinobe, yöne chömöledöso̧ja jö̧ba̧lö, ja̧danö Diosnö aebinobe Barzilaynö pjaatobö. Ikenama Barzilayma itebobe ȩwa̧jinobe.

2 Samuel 8:10

Jejenö o̧'wo ösöwachibanö a̧ja̧kwö, itji̧ Joran mikwo̧nö weinobe, Davidnö edö, Dokwa jö̧ba̧lö aebobö, ja̧danö —Otiwanö döpöjojonö kwujuluwajabetija, —jö̧ba̧lö ösödö yöa̧lobö. Jo̧ba Toubi Hadad Ezer öpöjojo ö̧jinobe, ja̧danö nöinö jo̧bakwö ölakwabikwawö ji̧ainobe ajayinöma, jo̧kwajabetjö̧ kwömöledöso̧sa jö̧ba̧lö jejenö itji̧nö weinobe. Ja̧danö, Joranma nöinö iyawa ichejebinobe, Davidnö tjiyobö, platatjöbi, orotjöbi, broncetjöbi.

1 Reyes 1:47

ja̧danö duluwo̧ la'aka luwo̧ David ömöayedötjö la'aka luwedöma, ida̧ökö David öba a'o ichibö yötja̧lajabe, –Kwitji̧ma otiwanö duluwo̧ baibajabe, ja̧danö kwuluwo Dios isabenö jo̧banö pjaatobö dösöda, ja̧danö ökwönö tja̧ja̧kwinatjö bajalekwönönö, okobe deinö kwitji̧ Salomonnö tjaja̧kwobö dösöda, ja̧danö ökwö kwujulutjö bajalekwönönö, juluwo̧ baibanö Salomonnö pjaatobö dösöda, –jö̧ba̧lö yöba̧lö tjichibajabeta. Ja̧danö, ju'wibi, la'aka luwo̧ Davidma, camapjonö ba̧nö, Salomonnö ösödö bȩachibajabeta,

1 Reyes 8:66

Ja̧danö a̧li̧nösamutjö ö'wejemu jawa möle ba'ali junajadö, a̧li̧nösa̧mutjö bakwamu jawa möle baibenama, jojodönö webö loinobe la'aka luwo̧ Salomonma, —Tjo̧wita. Otiwanö kwȩwa̧jaduwo, —jö̧ba̧lö. Webö loiawö̧, Diosnö atjebinobe Salomonnö, jadanö tjo'wo ösöwanö tjejukwena tjȩwa̧jinobe. Isabenö Jo̧ma isabenö otiwanö pjaatinobe ömöayo̧mine Davidnöbi, ju'wedö ömöledö israel jojodönöbi, ja̧danö jejenö otiwanö pjaatiawö̧, tjo'wo ösöwachibanö tjȩwa̧jinobe.

2 Reyes 4:29

Yöja̧liökwe, Giezinö weinobe, —Juluwanö kwö̧ka̧mijido̧ di̧batakwawi, juluwanö ö'öbakwawö kwi̧'yakobetjö̧, ja̧danö chotokwöte e'ewö, jejube kwi̧'yo. Jobekwö kwi̧'yonö, jelo̧nö kweditjö̧ma, dokwa jö̧ba̧lökönö, jwaikwöda tupakwö kwi̧'yo, ja̧danö bakwo̧ ökwönö edö, dokwa aebitjö̧bi, atadökönö jwaikwöda juluwanö kwi̧'yo. Ja̧danö, ichibajo̧, chotokwöte tjemu öbanö kwöwano, —jö̧ba̧lö.

Éxodo 12:32

Kwa̧jwi̧mu̧ o̧bȩja̧dönö, chi̧wo̧dönö, pa̧ka̧yö̧nö öbibö 'ya̧jaduwi. Ja̧danö, akebaduwo Kwuluwo̧duwi Diosnö ötjönöma, pjaatobö— webijetö faraónma Moisésnö, Aarónnö.

Mateo 26:26

Kwakwawa tjukwonö, Jesúsma pan emibö, Diosnö aebinobe, otiwanö kwiyajabe jö̧ba̧lö, ikenama 'delawö, iteda öba̧ja̧di̧ waisachadönö iyö, wanedö yöawinobe baikwö: —Bipja̧ma ötjö chiteba'o. Emö kwaduwi— jö̧ba̧lö.

Lucas 22:19

Ikenama Jesúsma pan emibö, Diosnö aebinobe, otiwanö kwiyajabe jö̧ba̧lö, ikenama 'delawö, iteda webadönö iyö, wanedö yöawinobe baikwö: —Bipja̧ma ötjö chiteba'o, ja̧danö ökwödö kwö̧jibaduwobö chiyobe chiteba'oma. Ötjönö omukwatö emö kwaduwi— jö̧ba̧lö.

Josué 14:13

Jejenö aebökwe, Josuema Diosnö aebinobe, Calebnö pjaatobö, ja̧danö Caleb aebaja̧danö iyinobe, —Hebron comunidadma Jefone itji̧ Calebnö wetobe itebo baibanö, Dios Calebnö chiyocha jö̧a̧lina badekwachinö, —jö̧ba̧lö.

Josué 22:6

Jejenö webö, Josuema Diosnö aebinobe jobadönö, ja̧danö Jordan bakwachödö tjitebobe tjȩwa̧jobö weinobe, ja̧danö weawö̧, tjejukwena tjȩwa̧jinobe.

1 Pedro 2:17

Ja̧danö Dios ömöayedö ja̧nö, okobe deinö jojodönö otiwanö kwomukwataduwo. Kwömöledöduwi Jesúsnö ösödadönö ösödabikwawö kwö̧jaduwo. Diosnö yebabinö kwösödaduwo. La'aka luwo̧ emperador ötjabökwenö otiwanö omukwatö, wei̧ ja̧bö kwö̧jaduwo.

1 Samuel 2:20

Ja̧danö, jejenö tjichiökwe, Elima ba̧kwelöjatebö Elcananöbi ilekwo Ananöbi ösödö jobadönö yöba̧liainobe, —Bisuma isabenö otiwanö Isabenö Jo̧nö ösödö abebinuju, ja̧danö ja̧ ajebina omukwatö, ju'wedö kwi̧tji̧muduwinöbi 'yajebobö ateba Isabenö Jo̧nö, —jö̧ba̧lö yöba̧liainobe Elima Elcananöbi, Ananöbi. Ja̧danö jemi ikenama tjejube ȩwa̧jiatjinobe.