Génesis 47:6 - Dios Iwene

⁶ Chiteboma jalobe, inesö otiwemida tjuju̧kwobö kwujunodönö. Gosén nijinöda tjuju̧kwobö otiwa, atjebaja̧danö. Ju'wi jawabi yöta̧la: Jobadötjö tja̧jwi̧munö te'ada̧lakwawa jwiinö waisadö tjuju̧kwitjö̧ma ötjö cha̧jwi̧munöbi tjite'ada̧lo weköbo— jö̧ba̧lijetö faraónma Josénöma.

Génesis 47:6 Iomraidhean Croise

Génesis 13:10

Jejenö jö̧a̧liökwe Lotma Jordán ojwe ö'öbö niji ba̧ba̧lawemi eda̧lijetö. Edemi jwiinö otiwanö tiyuwijetö jemi nijima, Sóar niji ichibanö. Otiwanö tiyuwijetö, Edén batjo nijidanö, ja̧danö, Egipto nijidanö. Ja̧ mölema Sodoma niji Gomorra niji Isabenö Jo̧ Dios ina lȩebokobetjö̧ jemima jwiinö otiwijetö.

Génesis 13:9

Edi yaima, okobe jwiinö niji jo̧be, jalobe. Jo̧kwaobetjö̧ belöma 'da̧bachibö jelobekwö kwi̧'yitjö̧ma otiwena, wainökwena dö̧jobö. Chitji̧, baikwö yöta̧la: Ökwöma a̧li̧kwö kwi̧'yitjö̧ma ötjöma u'dakwö chi̧'yena. Ja̧danö, u'dakwö kwi̧'yitjö̧ma ötjöma a̧li̧kwö chi̧'yena— jö̧ba̧lijetö Abramma Lotnöma.

Génesis 20:15

Ikenama jö̧ba̧lijetö Abrahamnöma: —Ötjö chitebo niji edi. Kwisödemi kwemo kwuju̧kwaduwobö— jö̧ba̧lijetö.

Génesis 34:10

Jejenö dö̧jobö kwösödaduwitjö̧ma otiwanö pjatatena. Okobe jwiinö bemi niji kwö̧jaduwoböma wetena, kwösödaduwenanö, ja̧danö, bemi niji okobe jwiinö tea iyö, emö kwekachaduwobö wetena, jejenö dö̧jobö kwösödaduwitjö̧ma. Ja̧danö, niji midö kwemaduwoböbi wetena, jejenö bakobe omukwatö weditjö̧ma di̧tji̧muduwinö tjemi̧ma— jö̧ba̧lijetö Hamorma.

Génesis 45:10

Chabe'do, bai Egiptonö kwö̧jakobe, Gosén mikwena, ötjö chö̧jelöma yö̧neawinö. Ökwöbi, kwi̧tji̧mubi, kwö'dö̧döbi, kwa̧jwi̧mu o̧bȩja̧döbi, pa̧ka̧yö̧bi jobe kwö̧jaduwakobe, okobe jwiinö kwiteaduwibi.

Génesis 46:34

Jejenö ökwödönö abebö a̧ja̧kwena, baikwö kwatadaduwonö: Ökwödö kwömöayedöma tjemudayitjö babe baibanö da̧jwi̧mu o̧bȩja̧dönö, chi̧wo̧dönö, pa̧ka̧yö̧nö te'ada̧lö otidadösa, da'dödömine te'ada̧lö otidiatjinadanö. Jejenö kwatadaduwo. Jejenö yökawaduwitjö̧ma bemi Gosénnöda kwö̧jaduwobö weena, Egipto jojodö tjö̧jemi wainö. Chömöledö, jobadö Egipto jojodöma o̧bȩja̧dönö, chi̧wo̧dönö, pa̧ka̧yö̧nö te'ada̧ladönöma jwiinö tjöpöjödobe. Jo̧kwobetjö̧ wainö kwö̧ja̧duwitjö̧ma otiwena— jö̧ba̧lijetö Joséma ömöledönöma.

Génesis 47:11

Jemi ikenama Joséma faraón wei̧danö niji jwiinö otiwemi iyijetö abe'donö, öpöedönö, ö̧ja̧wo̧nö, jobadö tjuju̧kwemi baibanö, Gosén nijima. Jobema Ramesés comunidad yö̧ne.

Génesis 47:16

Jejenö atjebökwe: —Balada jwiköbaduwitjö̧ma kwa̧jwi̧muduwinö balewöda chiyocha kwakwawama. Jo̧kwaobetjö̧ kwa̧jwi̧muduwinö ichejebaduwi kwiyaduwotjö— webijetö Joséma.

Génesis 47:4

Ditebo Canaán nijima kwakwawa yelösöda jwiitjö̧ jobetjö baikwö dichajabe, kwitebonö. Ja̧danö, jobema da̧jwi̧mubi tjukwobö meje'yema jwiobe. Jo̧kwaobetjö̧ ökwönö adeba: Kwösöditjö̧ma, Gosén nijinö ja'yubeda lekwe du̧ju̧kwena— abebijadötö.

Génesis 47:5

Ikenama faraónma jö̧ba̧lijetö Josénö: —Kwabe'do, kwöpöedö otiwanö ökwökwö tjuju̧kwobö bai tjichajabe.

Éxodo 18:21

Ja̧danö, ju'wi jawabi yötawakwö: kwömöledötjö ju'wedönö 'da̧batö kwujuno ökwönö pjabatadönö, wene juna̧ladö yötja̧lakwawi̧ a̧ja̧kwö omukwatö tjujunakwedönö. 'Da̧batö kwujunawö̧ma jweinö omukwatö kwujuno, Diosnö yebabinö ösödadönöda. Ja̧danö, jojodö tjösödawö̧nöda, jweinö omukwatadö, jö̧ba̧lö, 'da̧batö kwujuno. Ja̧danö, balada tjemobö omöna yöba̧löködönöda kwujuno. Jobadönöma wene junala̧dö yötja̧lakwawi̧ a̧ja̧kwö, omukwatö tjujunobö weköbo. Ja̧danö, jobadö 'da̧batö kwujunajawö̧tjö ju'wedöma tjömöledö domulatajabedö tjuluwedö batjibanö, tjömöledö wene juna̧ladö yötja̧lakwawi̧ a̧ja̧kwö omukwatö tjujunobö 'da̧batö kwujuno. Ja̧danö, ju'wedönö kwujuno, cincuentabedö tjuluwedö batjibanö, wene juna̧ladö yötja̧lakwawi̧ a̧ja̧kwö omukwatö tjujunobö. Ja̧danö, ju'wedönö kwujuno, cienbedö tjuluwedö batjibanö, wene juna̧ladö yötja̧lakwawi̧ a̧ja̧kwö omukwatö tjujunobö. Ja̧danö, ju'wedönö kwujuno, milbedö tjuluwedö batjibanö, wene juna̧ladö yötja̧lakwawi̧ a̧ja̧kwö omukwatö tjujunobö.

Éxodo 18:25

Israel jojodötjö ju'wedönö 'da̧batö junijetö jojodö tjuluwedö batjibanö, wene juna̧ladö yötja̧lakwawi̧ a̧ja̧kwö omukwatö tjujunobö. Jweinö omukwatö yebaböködönöda 'da̧batö junijetö. Ja̧danö, jobadötjö ju'wedönöma 'da̧batö junijetö domulatajabedö tjuluwedö batjibanö, tjömöledö yötja̧lakwawi̧ a̧ja̧kwö omukwatö tjujunobö. Ja̧danö, ju'wedönö 'dabatö junijetö cincuentabedö tjuluwedö batjibanö, tjömöledö yötja̧lakwawi̧ a̧ja̧kwö omukwatö tjujunobö. Ja̧danö, ju'wedönö 'dabatö junijetö milbedö tjuluwedö batjibanö, tjömöledö yötja̧li̧ a̧ja̧kwö omukwatö tjujunobö.

Éxodo 9:10

Jejenö weawö̧ Moisés, Aarón letiyatjö otikwa'o juwawelö ökwöla i̧so̧pja̧ yudeibö faraón ö̧bobekwö 'ya̧jadö jo̧pja̧ möakwö ikwijetö Moisésma, faraón eda̧lonö. Jo̧pja̧ tji̧sȩdo̧nö mebibö wamatajawö̧nöma tutiyubiyada saduwaibijetö, jojodönöbi, tja̧jwi̧mu̧nöbi.

Éxodo 9:21

Jo̧kwaijayonö ju'wedöma Isabenö Jo̧ weaja̧danö a̧ja̧kwökönö tjömöayedönöbi tja̧jwi̧mu̧nöbi tebatijöködötö o̧do okwama, mejebeda junibö.

Proverbios 21:1

Ju'wi Salomón jwebebö yöawakwawa jawanö wanekwachi̧ jawa baikwö laebobe: ¿Tida ojwe isuwobö webo̧ma? Isabenö Jo̧da ojwe isuwobö webo̧ma, iteda isuwobö ösödi̧danö. Waiyökökwe, ojwe isuwobö ja̧i̧ma. Ja̧danö, bakwemiinö, Isabenö Jo̧ma inesö la'aka luwo̧nö omajade okwa omukwati̧ öiboböma waiyökökwe. Isabenö, iteda wei̧ a̧ja̧kwinö öbibo̧ Isabenö Jo̧ma inesö la'aka luwo̧nöma.

Proverbios 22:29

Jemi ikena jweinö omukwatadö yötjawina jawama baikwö laebobe: Isabenö yötawa: Bakwo̧ waisanö otido̧ma otiwanö ö̧jakwo̧. Iteda otikwama otiwanö öwaisobetjö̧ inesö la'aka luwo̧ma nöinö ösödo̧ jo̧banöma, otidobö webö. Jobekwö jo̧ba waisanö otido̧ma inesö la'aka luwo̧ ömöayo̧ baibanö otidakwo̧. La'akatjö̧da jo̧kwadabedö wetji̧ otidokobe, inesö la'aka luwo̧ ömöayo̧ baibanö, otiwanö ja̧nö otidakwo̧.

Juan 17:2

Chabe'do, ökwöma chujulu iyö böjȩ jojodönö webo̧ batibanö pjakatinobetjö̧, jejenö ateba, ötjö jwiinö chotiwi̧ma kwi̧sebo, jö̧ba̧lö. Chabe'do, ökwöma chujulu iyö pjakatobetjö̧ böjȩ jojodötjö kwiyinawö̧nö tjö̧jibinö pjatatobö jo̧be, ba̧kwȩlö̧jatebö ja̧kwawa tjujuna̧lobö.

1 Samuel 21:7

Ja̧ möle jejenö yötja̧lakwawonö, Saul ömöayedötjö bakwo̧ Doeg mikwo̧ eda̧linobe, ja̧ möle Isabenö Jo̧ öba a'o ö̧jobö ji̧nobetjö̧. Jo̧ba Doeg mikwo̧ma, edomita jojo, ja̧danö ju'wibi Saul ajwimunö teada̧ladö la'aka tjuluwo̧.