Génesis 47:31 - Dios Iwene

³¹ —Jau kwatjö̧ma, babema kwiwene yöbawö juni̧, jö̧ka̧laja̧danö ja̧tocha, jö̧ba̧lö— weökwe Joséma jejenö yöbawö junijetö. Ikenama Jacob, kamapjo ö'öbö jamatö nijakwö bȩbachibijetö Diosnö ösödö, Otiwa, jö̧ba̧lö.

Génesis 47:31 Iomraidhean Croise

Génesis 21:23

Jo̧kwaobetjö̧ Dios öba a'otjö kwiwene yöbawö juni baikwö: Ötjönöbi, chitji̧nöbi, ötjötjö tupadanö jojodönöbi jweinöda yöba̧lö ja̧köbakwo̧ja. Abraham, ötjöma dösölö̧jinö chö̧jobe ökwökwö. Jo̧kwaobetjö̧ jejenö dösölö̧jinö kwö̧jo ötjökwöbi, chömöledökwöbi— jö̧ba̧lijetö.

Génesis 21:24

Jejenö jö̧a̧liökwe Abrahamma atadijetö: —Jao otiwa. Yöka̧li̧danö, Dios öba a'otjö, chiwene yöbawö chujuna, ötjöma jweinö yöba̧lö ja̧takwo̧sa ökwönöbi, kwitji̧nöbi, ökwötjö tupadanö jojodönöbi, jö̧ba̧lö. Ja̧danö, Dios öba a'otjö yöta̧la: Yöta̧la̧ja̧tjö wainö ja̧titjö̧ma Dios lȩebakwo̧sa— jö̧ba̧lijetö.

Génesis 24:2

Ju'wi möle, Abrahamma ömöayedötjö inesö jo̧nö, Abraham itea okobe jwiinö te'ada̧lajibo̧nö webijetö: —Chömöayo̧, Dios, mölejȩbi böjȩbi otidina Dios öba a'otjö kwiwene yöbawö junitjö, weköbi̧ma cha̧ja̧kwocha, jö̧ba̧lö. Baikwö wetakwö: Chitji̧ Isaac ilekwo bajibakwujunö bemi Canaán jojodö ya̧dötjö kwisakwoko. Babeda kwiwene yöbawö kwujuni̧ i̧sebö, chi̧sȩ'bo teebekwöchobe 'bibeba̧litjö, Weköbi̧ma isabenö cha̧ja̧kwocha. Isaac bajibakwujunö bemi Canaán jojodö ya̧dötjö chisakwokobe, jö̧ba̧lö.

Génesis 24:26

Ikenama Abraham ömöayo̧ma öba bȩbachibö nijakwö uunö ösödijetö Isabenö Jo̧ Diosnö.

Génesis 31:53

—Ökwödö yöbawö dujuni̧ma da'dödö tjösödinökwe Dios, ötjö cha'dömine Nahor, kwa'dömine Abrahambi tjösödinökwe Diosma ökwödönö edö öwaisakwo̧ diwene yöbawö dujuninadanö dö̧jojobö— yöba̧lijetö Labánma. Jejenö yö̧a̧lökwe ösödijetö Jacobma, Jao jejenö yöbawö chujuna. Ja̧danö, yöbawö chujuni̧ yöta̧la̧ja̧tjö wainö ja̧titjö̧ma Dios, chabe'do Isaac yebabinö omukwatökwe Diosma lȩebakwo̧sa yöba̧lijetö Jacob.

Génesis 47:29

Ja̧danö, woakwa̧ma lekwökena itji̧ Josénö ichobö jwöbijetö. Ichajo̧nö abebijetö: — Chitji̧, ötjönö kwösöditjö̧ma kwiwenema yöbawö juni̧, Isabenö ja̧tocha weköbi̧ma, jö̧ba̧lö. Ja̧danö ja̧ yöbawö kwujuni̧ i̧sebö, chi̧sȩ'bo teebekwöchobe 'bibeba̧litjö, kwiwene yöbawö junö. Chitji̧, baikwö wetakwö: Bemi Egipto nijinö kwödokotjö.

Génesis 50:25

Ikenama baikwö webijetö jobadö ömöledönö, Israel i̧tji̧munöma, yöbawö tjujunobö: —Diosma Canaán nijikwö kwȩwa̧jaduwobö öbibö ichitjö̧ma ötjö chowobiyakoma kwe'ewaduwo, jobeda kwödaduwo , jö̧ba̧lö yöba̧lö tjujunobö webijetö.

Génesis 50:5

Chabe'doma ajayinöma ötjönöma baikwö, yöba̧lö chujunobö weijatö: Ö'wö batibaja̧ ikena ötjönö e'ewö kwödajaduwo Canaán nijibe. Jobema, hiteo jojo Efrain niji i̧lȩdo̧nö, chömöledö wobadönö tjödinena kwödajaduwotjö, jö̧ba̧lö weijatö ötjönöma. Ja̧danö, ötjöma jo̧banö yöba̧lö chujunijatö, Jau jobeda chödajokwö, jö̧ba̧lö. Jo̧kwaobetjö̧ babema chi̧'yobö jo̧be, chabe'donö lödö. Chödaja̧ ikenama chȩwa̧jo̧cha, te'ada̧lökönö— jejenö abebijetö Joséma faraón ipjea ömöayedönö faraónö yötjawobö.

1 Reyes 1:47

ja̧danö duluwo̧ la'aka luwo̧ David ömöayedötjö la'aka luwedöma, ida̧ökö David öba a'o ichibö yötja̧lajabe, –Kwitji̧ma otiwanö duluwo̧ baibajabe, ja̧danö kwuluwo Dios isabenö jo̧banö pjaatobö dösöda, ja̧danö ökwönö tja̧ja̧kwinatjö bajalekwönönö, okobe deinö kwitji̧ Salomonnö tjaja̧kwobö dösöda, ja̧danö ökwö kwujulutjö bajalekwönönö, juluwo̧ baibanö Salomonnö pjaatobö dösöda, –jö̧ba̧lö yöba̧lö tjichibajabeta. Ja̧danö, ju'wibi, la'aka luwo̧ Davidma, camapjonö ba̧nö, Salomonnö ösödö bȩachibajabeta,

Hebreos 11:21

Ja̧danö da'dömine Jacobma, Diosnö o̧'wo̧ wana̧lö ö̧jobetjö̧ jwiinö pöe, ida̧ökö woawa yöneawachenama, otokwa'onö ja̧nö Diosnö ösödö yöawinobe ö̧'dö̧dö José i̧tji̧munöma du̧ju̧tajanö bakwo̧nökwena, Diosma isabenö ökwönö pjaatakwo̧, jö̧ba̧lö.