Génesis 47:30 - Dios Iwene

³⁰ Cha'dödöminenö tjödinobekwöda ötjönö kwödobö chösöda. Jo̧kwaobetjö̧ wotenama belö Egiptotjö labebö kwe'ewotjö jobadö tjödinobekwöda, Canaán nijibe— webijetö Jacobma itji̧ Josénöma. Jejenö weökwe: —Jau chabe'do, weköbi̧danö ökwönö jobekwö chödobö e'ewö chi̧'yocha— jö̧alökwe:

Génesis 47:30 Iomraidhean Croise

Génesis 15:15

Ina yöbawijetö Abramnö, bötisinö abemi okwanö: —Ja̧danö, ökwöma ina lekwe o̧biya, kwo̧'wo ösöwanö kwö̧jakwo̧ja. Ja̧danö, jwiinö pöe kwö̧jena woköbakobe. Ja̧danö, woköbenama kwömöledöma ökwönöma tjödakobe.

Génesis 23:17

Jejenö nönö iyö Abrahamma midö emijetö Efrón ö̧jemi Macpela niji. Ja̧ nijima Mamretjöma ja̧wo̧ laebobekwö ji̧jetö. Nijibi, i̧lȩdijubi okobe jwiinö towibiyabi, ö'öbö ichibenanö kabatö emijetö.

Génesis 23:19

Ikenama Abrahamma lödijetö ilekwonö Saranö ja̧ i̧lȩdo̧ okwa, Canaán nijinö.

Génesis 25:10

Ja̧danö, ja̧ nijima Abrahamma emijetö Hettjö tupadanö jojodönötjö. Jenada lödijadötö Abrahamnöma, Saranö tjödinena.

Génesis 25:9

Jo̧ba i̧tji̧muma Isaac, Ismael, tjabe'donö lödijadötö Macpela i̧lȩdo̧nö, Mamre nijitjöma ja̧wo̧ ichobekwö. Ja̧ nijima ajayinöna Efrón u̧kwa nijiinemi, hitita jojo, Sohar mikwo̧ itji̧.

Génesis 50:25

Ikenama baikwö webijetö jobadö ömöledönö, Israel i̧tji̧munöma, yöbawö tjujunobö: —Diosma Canaán nijikwö kwȩwa̧jaduwobö öbibö ichitjö̧ma ötjö chowobiyakoma kwe'ewaduwo, jobeda kwödaduwo , jö̧ba̧lö yöba̧lö tjujunobö webijetö.

2 Samuel 19:37

Chitebobe chȩwa̧jobö atebakwö, jobe chabe'donöbi, chojo'donöbi tjo̧tjinemi yöne ö'wö batibobö. Jo̧kwaijayonö, ökwökwö Jerusalenbe chi̧'yököjayonö, bite chitji̧ Quimanma kwömöayo̧ ja̧nö i̧'yena. Ja̧danö, jo̧banö kwiyo jö̧ka̧li̧danö kwiyena, otiwa jö̧ba̧lö ökwöda omukwatö kwujuni̧danö, —jö̧ba̧lö yöa̧linobe Barzilayma.

2 Samuel 2:32

Ja̧danö, Asael iteba'o e'ewö, Belenbe tje'ewinobe, ja̧danö jobetjö inawa ötölanö tjödinobe, Asael abe'dominenö tjödinölanö. Ja̧danö, lödajadö, yö̧te baledibanö, Hebronbe kwebachö tjȩwa̧jinobe, ja̧danö dewachena jenanö, Hebronbe tjichibinobe.

1 Reyes 13:22

Jau, ökwönö, -Ja̧ nijinö ja̧nö kwukwoko, ja̧danö kwowoko, -jö̧ba̧lö weinajayonö, yayonö tjebachajö baikwö ichö kwukwajabe, ja̧danö kwowajabe. Jo̧kwajabetjö̧, weti̧ a̧ja̧kwökönö wainö ja̧köbajobetjö̧, ökwönö tjo̧tjenama, kwa'dödönö tjo̧tjinemi tjo̧tjökakwo̧ja ökwönöma, jelobeda kwiteba'o tjo̧tja̧kwo̧ja, —jö̧ba̧lö Dios yöawaja̧ yöawinobe pöema.

Deuteronomio 31:16

Ja̧danö, Isabenö Jo̧ma yöawinobe: —Moises, ökwöma juluwanö kwa'dödökwö bakibanö ö'wö bakibakwo̧ja. Ikenama, ö'wö bakibaja̧ ikenama, bidö kwömöledö israel jojodöma juluwanö sulabenö ja̧tja̧kwedö, baikwö wanedö yötawa, bakwuju jilekwamuböködökwö sulabenö 'da̧'da̧bakwawö jalewi̧danö, bidö israel jojodöma juluwanö ju'wedö tjösödawö̧ o̧'wo jawanö tjösödakwedö. Jau Moises, bakobe jobadökwö isabenö ötjönöda tjösödobö yöbawö dujuninajayonö, juluwanö ötjönö kabatibö, tjitebonö tjö̧'da̧de ju̧kwadö tjösödawö̧nöda tjösödakwedö, sulabenö.