Génesis 47:24 - Dios Iwene

²⁴ Ikenama, kwujuninaduwa pokwaja̧tjö̧, bakwamu jawa o'wotjö bakwa'wo kwiyaduwo faraónnö. Ja̧danö jibi pokwaja̧ ökwödöda ku̧kwaduwi̧ma, önebiya yemidanö kwujunaduwakwa̧bi, kwi̧tji̧muduwinö kwukwejebakwa̧bi, ja̧danö okobe deinö kwömöledö tjukwakwa̧bi.

Génesis 47:24 Iomraidhean Croise

Génesis 14:20

Ja̧danö, La'aka Inesö Diosnö dösödobö jo̧be, kwöpöjojodönö kwujuluwobö otiwanö pjaatajabetjö̧— yöba̧lijetö Melquizadekma Abramnöma. Ikenama Abramma ujuluwajawö̧ tea tjönaukwinatjö domulataja jawa o'wotjö bakwa'wo iyijetö, jelemutjö ö'wejemu jawa a'wo ji̧bö.

Génesis 14:21

Ikenama Sodoma la'aka luwo̧ma Abramnö jö̧ba̧lijetö: —Okobe jwiinö tea kwemaja̧ma ökwöda kwitea baibanö kwö̧jo. Jo̧kwaijayonö chömöledönö, 'dokatibajawö̧nöma tjebatitjö— jö̧a̧lökwe:

Génesis 41:34

Ja̧danö, ju'wedönöbi kwujuno kwakwawa tjoko̧ko̧do, babeda. Ja̧danö, jojodö tju̧kwa kwakwawa 'yetjaja̧ bakwamu jawatjö bakwöta jawa wainö tjujuno weköbo. Jejenö weköbo kwakwawa nöinö pokwaja̧ 'yetjaja̧tjö, jelemutjö dötölataja a̧yo baledibanö.

Génesis 47:23

Ja̧danö, Joséma yöbawijetö jojodönöma: —Tjo̧wi̧ chemijatö kwuju̧kwaduwemi nijima, faraón u̧kwa niji baibanö. Babema chiyaduwakwö önebiyama, kwöbatjijunö kwujunaduwobö.

Génesis 47:25

Jejenö yöawawö̧ ösödö jö̧ba̧lijadötö: —Otiwanö dö̧jibinö pjakatajabe duluwo̧. Jejenö faraón wei̧da dotidakwedösa— jö̧ba̧lijadötö.

Deuteronomio 14:22

Tupakwö yöawinobe Moisesma, israel jojodönö: —Chömöledö, o̧ba bakwabakwena, kwöbatjoduwi wa̧ji̧ jawatjö 'da̧batö kwujunaduwobö ja̧kobe, Dios itea baibanö. Okobe jwiinö kwöbatjoduwi wa̧ji̧ domulataja jawatjö, bakwöta jawa 'da̧batö kwujunaduwobö ja̧kobe,

Deuteronomio 26:12

Tupakwö yöawinobe Moisesma, israel jojodönö: —Chömöledö, o̧ba wapöbakwa o̧bama, okobe jwiinö kwöbatjoduwi wa̧ji̧tjö 'da̧batö kwujunaduwobö ja̧kobe, kwiteboduwi comunidadnö ju̧kwadö Levisaso jojodöbi, jelobetjö ichadöbi, löyödöbi, tjilekwamu wobekwinadöbi tjukobö. Ja̧ o̧ba, okobe jwiinö kwöbatjoduwi wa̧ji̧ jawa domulataja jawatjö, bakwöta jawa 'da̧batö kwujunaduwobö ja̧kobe, jobadö tju̧kwa baibanö, jobadöbi kwiteboduwi comunidadtenianö ja̧nö, tjomeawinö tjukwakobetjö̧. Ja̧danö, ja̧ jawa 'da̧batö junajadö, okobe jwiinö kwiyaduwaja̧ ikenama,