Génesis 47:15 - Dios Iwene

¹⁵ Jemi ikenama, kabatökönö baladanö mikwanö jö̧ba̧lö tjemobetjö̧ Egiptonö ju̧kwadöbi, Canaánnö ju̧kwadöbi tju̧kwa baladama 'dö̧bekwajijetö. Jejenö 'dö̧ekwajö Egiptonö ju̧kwadöma José ö̧jobekwö 'ya̧nö, jo̧banö budekwö abebiabijadötö: —¡Dakwö demakwajö balada tjo̧wi̧ jwida ¡Kwakwawama iyabi! kwöba a'otjö debö di̧'yapji jö̧ba̧lö— abebiabijadötö.

Génesis 47:15 Iomraidhean Croise

Génesis 41:36

Ja̧danö chuluwo̧, ja̧ tjujunakwa̧ kwakwawama jelemutjö dötölataja a̧yo a̧wi̧chö̧lö̧ji baledena bemi Egipto nijima, jojodöma tjukwa kwakwawama tjujuna̧lakwedö. Jejenö a̧wi̧chi̧ tjötjökakobe kwakwawa jwiinö baledenama— yöbawijetö Joséma faraónnöma.

Génesis 47:16

Jejenö atjebökwe: —Balada jwiköbaduwitjö̧ma kwa̧jwi̧muduwinö balewöda chiyocha kwakwawama. Jo̧kwaobetjö̧ kwa̧jwi̧muduwinö ichejebaduwi kwiyaduwotjö— webijetö Joséma.

Génesis 47:24

Ikenama, kwujuninaduwa pokwaja̧tjö̧, bakwamu jawa o'wotjö bakwa'wo kwiyaduwo faraónnö. Ja̧danö jibi pokwaja̧ ökwödöda ku̧kwaduwi̧ma, önebiya yemidanö kwujunaduwakwa̧bi, kwi̧tji̧muduwinö kwukwejebakwa̧bi, ja̧danö okobe deinö kwömöledö tjukwakwa̧bi.

Isaías 33:16

Jobadöjayedöma, otiwanö wene jwiinö tjö̧jakwedö. Wene baledenama, jobadöma mösa'otjö, inawa ötöla 'diinö tjöekwemi tjö̧jobö tjöbadekwakwedö, ja̧danö otiwanö kwakwawabi, owawabi tjujuna̧lakwedö, —jö̧ba̧lö yöawobe Isabenö Jo̧ma.

Mateo 6:11

Ja̧danö, ju'wibi, mölekwena du̧kwa kwakwawa kwiyobö adeba Dabe'do.

Jueces 8:5

Ja̧danö, Sucot comunidadbe ichibö, Gedeonma Sucot jojodönö aebinobe, —Pan öpji̧ya chömöayedönö kwiyaduwobö atebaduwakwö. Madianitas jojodötjö inesö la'aka luwedö Zebanöbi, Zalmunanöbi ludobe, ja̧danö chömöayedö tjime'dawachibobe, —jö̧ba̧lö.

Jueces 8:8

Ikenama, Gedeonma jemi tupakwö madianitas jojodönö lubö i̧'yinobe, Peniel comunidadbe ichibanö, ja̧danö Sucot jojodönö aebaja̧danö Peniel jojojodönöbi pan tjiyobö aebinobe, ja̧danö aebawö̧, Sucot jojodö tjatadaja̧danö, bakwainö sulabenö tjatadinobe.

1 Samuel 21:3

Yöba̧lajo̧, tupakwö aebinobe tjö'da̧de pjabato̧ Ahimelecnö, —Kwakwawa dukwobö kwujuna̧liji̧? Kwujuna̧litjö̧ma, pan ö̧pji̧ya bakwamu jawa ö̧pji̧yaö̧kö̧, ju'wi kwakwawa kwujuna̧litjöö̧kö̧, kwiyobö chösöda, —jö̧ba̧lö.

1 Samuel 25:8

Kwömöayedönö abebö kwa̧ja̧kwitjö̧ma, yöta̧laja̧danö tjatadakwedö, isabenö otiwanö jobadönö teada̧lö pjadatina wenema. Jo̧kwajabetjö̧, babe ba'ali möle baibobetjö̧, bidö chömöayedönö dösölö̧jinö edö pjakatobö atebakwö. Ba'ali kwukwaduwonö, u̧'yukwaja̧ ökwödönö kwiyobö ateba, kwömöaeyedönö pjabatinadö ötjö Davidbi, ju'wedö chömöayedöbi otiwanö dukwobö, —jö̧ba̧lö Nabalnö yötja̧lobö weinobe Davidma.