Génesis 45:26 - Dios Iwene

²⁶ Ichibajadö tjabe'donö yöbawijadötö: —Dabe'do, kwitji̧ Joséma ina 'yaba̧lo̧. Isabenö okobe jwiinö Egiptonö ju̧kwadö tjuluwo̧ baibanö ö̧jobe— yöbawijadötö. Jejenö yötjawijayonö tjabe'doma wi̧ ja̧nö ja̧nö eda̧lijetö. Omajadenö omukwatijetö, Omöna yötja̧lena, jö̧ba̧lö.

Génesis 45:26 Iomraidhean Croise

Génesis 37:31

Ikenama Josénö ömöledö iyajadöma chi̧wo̧nö kwabö 'wibebö José ökamijido̧ emibö bu̧datijadötö ökwösobunö.

Génesis 37:35

Okobe deinö i̧tji̧muma ömadöbi, ya̧döbi tjabe'donö dösölö̧jinö yöba̧lijadötö o̧'wo söawobö pjabatö. Jejenö pjabatö yötja̧lijayonö o̧'wo söawinokokobe. Ja̧danö jö̧ba̧lijetö: —Isabenö debö chi̧'yenanö kabatö chitji̧kwö yemidanö chö̧jobö ina cho̧'wo̧ tjo̧tekwakwo̧sa— jö̧ba̧lijetö. Ja̧danö, lekwe möle budekwabijetö, itji̧ Josénö omukwata̧lö.

Génesis 42:29

Ikenama tjabe'do ejunö Canaán nijinö ichibö okobe jwiinö baledaja̧ma yöbawijadötö tjabe'donöma. Baikwö yöbawijadötö:

Génesis 42:36

Ikenama tjabe'do Jacobma jö̧ba̧lijetö i̧tji̧munö: —¡Ayö chi̧tji̧muwe! Chö̧jelma kwe'ewinaduwobe chi̧tji̧mu̧nö du̧ju̧tajanö. Josébi dea. Simeónbi dea. Babebi ¿kwe'ewaduwo jö̧ka̧laduwiji̧ Benjamínnöbi? ¡Ötjöwe! Ökwödömaö̧kö̧, kwabe'doduwida usula emawo̧sa— budewabinö jö̧ba̧lijetö.

Génesis 42:38

Jo̧kwaijayonö Jacobma jö̧ba̧lijetö: —Ötjö chitji̧ma i̧'yokobe ökwödökwöma. Öpöebi deobe. Woinobe. Raquel ji̧jtji̧mutjöma bakwo̧da, Benjamínda ö̧jiba. Wetokobe jo̧banöma. Kwi̧'yajaduwobe sulabe baleditjö̧ma, jwiinö cho̧'wo̧ tjo̧tekwena. Isabenö ötjöma jwiinö pöesa. Chitji̧ Benjamínö sulabe baleditjö̧ma cho̧'wo tjo̧tekwinö debö chi̧'yakwo̧sa— jö̧ba̧lijetö Ja̧cobma itji̧mu̧nöma.

Génesis 44:28

Abönö pöema ötjö chö̧jelöma deobe. Isabenö tebo luwo̧ pjeikwena yö̧yö̧bö̧ lobö ukwinena, wajwita. Jemi tupakwöma yemidanöma chedinokobe jo̧banöma.

Génesis 45:25

Ikenama José öpöedöma Egiptotjö labebö ȩwa̧jadöma ichibijadötö Canaánnö, tjabe'do ö̧jenaobe.

Génesis 48:11

Ikenama Jacobma jö̧ba̧lijetö Josénö: —Chitji̧, ajayinöma, isabenö yemidanöma chitji̧ Josénö 'yaba̧lo̧nö chedökakobe, jö̧ba̧lö, chomukwatijatö. Jo̧kwaijayonö babema Diosma pjaatajabetjö̧ sule ökwönödamaö̧kö̧ kwi̧tji̧mu̧nöbi chedobe— jö̧ba̧lijetö Jacobma itji̧ Josénöma.

Diosnö ösödo̧ Job mikwo̧ usula emawina jawa 29:24

Tjo̧'wo tjo̧bekwö, –Dakwö ja̧dakwajö, –jö̧ba̧lö tjö̧jenama, tjo̧'wo ujuluwachibanö pjatatijatö, jadanö tjujuluwachibanö pjatatiawö̧, tjo'wo ösöwachibanö tjösödinobe, –Otiwanö pjakatajabe, –jö̧ba̧lö.

Diosnö ösödo̧ Job mikwo̧ usula emawina jawa 9:16

—Isabenö ötjönö dameakwo̧ Diosma ichejekwa. Sulabenö ja̧tinököjayonö, jwa̧lȩ'epjo labinö doibi̧danö lȩbebo̧, ja̧danö nöinö ötjönö kwakwaobedanö lȩbȩbo̧. Jo̧kwajabetjö̧ jo̧banö jwöbö, –Lȩeka luwo̧ öba a'o di̧'yaduwo, –jö̧balö yöta̧lökwe, –Jau di̧'yo, –jö̧ba̧lö ataditjö̧bi, –Yöta̧li̧ otiwanö a̧ja̧kwakwo̧ Diosma, –jö̧ba̧lö chomukwatökena, isabenö jwiinö ötjönö ödameakwobetjö̧.

Lucas 24:11

jo̧kwaijayonö yötjawawö̧, omöna yötja̧lobedanö ichejekwinobe jobadönö, ja̧danö yötjawi̧ma tjösödinokobe.

Lucas 24:34

Ja̧danö tjöbadekwajenama, Emaústjö ichajadö yötjawakwa̧ abönö, Jesús webawedöma Emaús comunidadtjö ichajadönö yötjawinobe: —Ajayinö tjeachajökena jö̧ba̧lö domukwatijayonö isabenö tjeachajabeta. Simón Pedronö öwawachajabeta— jö̧ba̧lö yötjawinobe.

Lucas 24:41

Jejenö yöbawö i̧sebiawö̧, jwiinö tjo̧'wo̧ ösöwachibanö tjedinobe, jo̧kwaijayonö, ina dakwö dö'da̧de öwawachö ö̧joböjö Jesúsma jö̧ba̧lö, omönaena, Jesúsdaökena jö̧ba̧lö tjomukwatinobe. Ina Jesúsdaökena jö̧ba̧lö tjomukwatiökwe: —Kwakwawa chukwobö ¿kwujuna̧laduwobeji̧? Iyaduwitjö chukwobö— jö̧ba̧lö aebinobe.