Génesis 45:11 - Dios Iwene

¹¹ Ina bakwamu jawa a̧yo a̧wi̧chö̧lö̧ji̧ma ja̧kobe. Jo̧kwaijayonö ökwödöma otiwanö, Gosénnö kwö̧jaduwakobe. Kwakwawama chiyakobe ökwönöbi, kwömöledönöbi, kwa̧jwi̧munöbi, juna̧lö kwuju̧kwaduwakobetjö̧. Chömöledö jejenö yötawi̧ma yökawaduwo dabe'donöma— jö̧ba̧lö webijetö Joséma ömöledönöma. Ina yöba̧lijetö:

Génesis 45:11 Iomraidhean Croise

Génesis 45:12

—Chömöledö, ökwödöma Benjamínbi ötjönö kwedaduwajabe, bite yöbawo̧ma dö̧jawo̧duwi Joséda, jö̧ba̧lö.

Génesis 47:12

Ja̧danö, Joséma kwakwawabi iyabijetö abe'donö, öpöedönö, ö̧ja̧wo̧nö, okobe deinö ömöledönö, bakwasokwena, tji̧tju̧mukwena tju̧kwa kwakwawa tjujuna̧lobö.

Génesis 47:6

Chiteboma jalobe, inesö otiwemida tjuju̧kwobö kwujunodönö. Gosén nijinöda tjuju̧kwobö otiwa, atjebaja̧danö. Ju'wi jawabi yöta̧la: Jobadötjö tja̧jwi̧munö te'ada̧lakwawa jwiinö waisadö tjuju̧kwitjö̧ma ötjö cha̧jwi̧munöbi tjite'ada̧lo weköbo— jö̧ba̧lijetö faraónma Josénöma.

Génesis 50:21

Jo̧kwaobetjö̧ yötawaduwakwö: Yekabiduwa. Isabenö, ötjöda ökwödönö, ja̧danö, kwömöledöduwinö chite'dada̧lakwo̧ma— yöbawijetö Joséma öpöedönöma. Ikenama ösödinö yöba̧lijetö jobadönöma tjo̧'wo̧ ösöwanö tjö̧jobö.

1 Timoteo 5:4

Jo̧kwaijayonö, bakwuju jilekwenö wobekwinujuma ji̧tji̧mubi, jö̧'dö̧döbi tjuju̧kwitjö̧ma, jobadöda jobujunö tjite'ada̧lobö jo̧be, Dios wei̧danö. Jau Timoteo, ajayinöma tjabe'do tjojo'doma jobadönö tjite'ada̧linobe, ¿jö̧tö? Ja̧danö, babema balekwa mikwa tjojo'do jilekwenö wobekwinujunö ja̧danö tja̧'do̧ jilekwenö wobekwinujunö tjite'ada̧lobö jo̧be. Ja̧danö, jejenö te'ada̧lö tjö̧jobö ösödo̧ Diosma.