Génesis 44:16 - Dios Iwene

¹⁶ Jejenö jö̧a̧lökwe atadijetö Judáma: —Chuluwo̧ ¿Dakwö yöda̧lakwajö? Isabenö sulabenö ja̧böködösa, jö̧ba̧lö, yöda̧lökena. Diosma ökwödönö lȩebobe damötjö sulabenö ja̧dinama. Tjo̧wi̧, babeda okobe deinö ökwö kwömöayedöda dö̧jakwedösa, ökwödöbi, dö̧ja̧wo̧bi, utu̧da'wonö owawa'do̧ juna̧lo̧ma— jö̧ba̧lijetö Judáma.

Génesis 44:16 Iomraidhean Croise

Génesis 37:7

Chi̧'wi̧dinö ökwödöma batjotjö trigo jawa ochiju 'wibö di̧di̧'ya̧lobekwö. Ja̧ di̧di̧'yaja̧tjöma ötjö di̧tata ja'muma möakwö bajalenö a̧laibö jweinö jo̧bekwö. Ikenama ökwödö kwi̧di̧'ya̧la̧jaduwa o'muma a̧laibö i̧sȩko̧nö babibö nijakwö bȩbachibö jo̧bekwö— yöbawijetö Joséma

Génesis 37:9

Ikenama Joséma yemidanö 'wi̧dikwajo̧ wiluibö yöbawijetö öpöedönö: —A̧ja̧kwaduwi yemidanö chi̧'wi̧dikwatö. Ja̧danö, chi̧'wi̧dinö chedatö möle ja̧wo̧nöbi, yö̧te ja̧wo̧nöbi si̧li̧'i̧dönöbi a̧li̧nösamutjö bakwo̧nö nijakwö bȩbachibö ja̧tjobekwö ötjönö—yöbawijetö.

Génesis 44:17

Jo̧kwaijayonö Joséma jö̧ba̧lijetö: —¡Tajijö! Jejenö wetökö. Sule ötjö chu̧kwa owawa'do̧ juna̧lajo̧da, jo̧bada ötjö chömöayo̧ baibanö ö̧jakwo̧. Ökwödö ju'wedöma otiwanö da̧ja̧duwi kwabe'doduwi ejukwö— webijetö Joséma.

Génesis 44:32

Ja̧danö, ötjö kwömöayo̧ma jö̧ta̧lijatö chabe'donöma, Ötjöda chöjawo̧nö te'ada̧lo̧ baibanö chö̧jakwo̧sa. Yemidanö kwö̧jobekwö tjetatajökötjö̧ma ötjöda jawa, jö̧ta̧lijatö.

Génesis 44:9

Ja̧danö, ökwödötjö bakwo̧ kwuluwo̧ u̧kwa dȩja̧'do̧ juna̧lo̧nö kwöbadekwajitjö̧ma jo̧banö kwabö lotjobö weköbo köbonö. Ikenama, ökwödöbi ökwö kwömöayedö baibanö dö̧jakwedösa—jö̧ba̧lijadötö José öpöedöma José ömöayo̧nöma.

1 Reyes 17:18

Jejenö ö'wö baibioko, Eliasnö yöja̧linobe, —Ökwö Dios ömöayo̧ma, tajawedö ötjönö suli̧ kwöwaedaja̧da? Sulabenö ja̧tinobetjö̧, ja̧ sulabenö ja̧tina i̧sȩbö, ötjönö lȩbebö chitji̧ ö'wö baibobö weköbaji̧? —jö̧ba̧lö.

Diosnö ösödo̧ Job mikwo̧ usula emawina jawa 40:4

—Chuluwo Dios, ötjöma isabenö mikwawö̧kö̧sa. Isabenö atadakwawa jwibo̧sa, yöta̧loböma jwiobe. Jau chuluwo, chömamunö chaa mu'dökwibö, 'wii̧nö batibakwo̧sa.

Proverbios 17:15

Ja̧danö, ju'wibi yötawa, dötölataja jawa Isabenö Jo̧ jwiinö öpöjödi̧ jawa: Lȩekwa yöbawo̧ma bakwo̧nö, sulabenö ja̧bo̧nö lȩebobö jo̧be. Jo̧kwaijayonö lȩekwa yöbawo̧ma sulabenö ja̧bo̧nö lȩebobö ji̧jayonö jo̧banö lȩebokobe, wene jwibo̧, lȩtebobö jwiobe, jö̧ba̧lö. Jobekwö jwiinö öpöjödobe Isabenö Jo̧ma, sulabenö ja̧bo̧nöma lȩebobö jo̧be, jö̧ba̧lö. Ju'wi jawabi jwiinö öpöjödobe Isabenö Jo̧ma, baikwö: Bakwo̧ sulabenö ja̧ököjayonö lȩekwa yöbawo̧ma weobe, lȩebobö jo̧be, jö̧ba̧lö. Jobekwö jwiinö öpöjödobe Isabenö Jo̧ma. Lȩekwa yöbawo̧ma jweinöda yöawobö jo̧be.

Proverbios 28:17

Ja̧danö, ju'wibi yötawa: Bakwo̧ jelo̧nö kwabö lobinama otiwanö jö̧kö̧, ba̧kwȩlö̧jatebö o̧'wo̧ tjo̧bekwöda jo̧, jelo̧ jojonö kwabö loinobetjö̧. Isabenö, jo̧bama döbiabinöda döbiabo̧ okobe jwiinö ö̧ji̧ma, debö i̧'yenanö baibanö. Jo̧banö jelobe döibajoböma pjakatokonö.

Isaías 27:9

Ökwödönö söbebö lootö jö̧ba̧löma jobekwö weinokobe chömöledö. Sulabenö ja̧dina lȩbebö, ökwödö Jacob itji̧mu tupadanö jojodö wene dujuna̧li̧ söbebö lootö jö̧ba̧lö jobekwö weinobe. Ja̧danö jobekwö weinobetjö̧, ditebotjö ju'wedö tjösödawö̧nö iyawemi söbebö loakobe, ja̧ iyawemi inawiyama, i̧so̧pja baibanö 'dabö loakobe, Asera ötjaboko jo̧'wo jawabi, omewi̧ jawa juwawemibi ditebotjö bakobe jwiakobetjö̧.

Isaías 5:3

Dios otidina jawa jobekwö wanedö lo̧taduwakwö. Ja̧danö tupakwö Dios ökwödönö abebö a̧ja̧kwi̧ abebö cha̧ja̧kwaduwakwö, baikwö: —Ökwödö Jerusalen comunidadnö ju̧kwadönö, ja̧danö ju'wedö Juda niji ju̧kwadönö abebö cha̧ja̧kwaduwakwö, sulabenö chöbatjo chiteada̧linojobö, a̧dekwanö chöbatjoda sulabenö pokwinojobö, jö̧ba̧lö.

Daniel 9:7

Chuluwo̧ Dios, isabenö ba̧kwȩlö̧jatebö sulabenö ja̧bökönö bakwainö otiwanö ja̧bo̧ja chuluwo̧, jo̧kwaijayonö jejenöma ja̧böködösa ökwödöma, ja̧danö sulabenö ja̧badödobetjö̧ isabenö kwöba a'otjö tabakwö dö̧jobö jo̧be. Okobe deinö ökwödö Judá jojodö jejenö dötabakwobö jo̧be, Jerusalénnö ju̧kwadöbi, okobe deinö Israel jojodö Israel nijinö ju̧kwadöbi, ökwödö jelobetenia ödö dipjelekwachibanö ditebotjö a'dewö loköbinawö̧bi, ökwönö kabatibadödobetjö̧ isabenö kwöba a'otjö dötabakwobö jo̧be.

Mateo 7:2

Jau chömöledö, ökwödö jojodönö lȩkebaduwi̧danö, ökwödönöbi lȩebakwo̧ Diosma, ja̧danö ökwödö jojojodönö, Aaa, biya̧ ja̧tjobetjö̧ sulabedö, jö̧ba̧lö badedö kwomukwataduwi̧danö, Diosma ökwödönö omukwatö edakobe, sulabedö kwö̧jaduwojobö jö̧ba̧lö.

Lucas 12:2

Jobadö tjomukwati̧danöma kwomukwataduwa chömöledö. Isabenö yötawaduwakwö: Okobe jwiinö babe öwawökö ji̧ jawama, tupakwö öwawakobe, ja̧danö okobe jwiinö babe jojodö tjöwaisapji jö̧ba̧lö tojö tjujuni̧ jawama, okobe deinö tupakwö tjöwaisakobe.

Hechos 2:37

Ikenama jojodöma Pedro yöawi̧ a̧ja̧kwö yelösöda tjo̧'wo̧ tjo̧bekwibijadötö. Tjo̧'wo̧ tjo̧bekwö Pedronö ju'wedö Jesús webawedönö abebö a̧ja̧kwijadötö: —Dömöledö, jejenö ji̧tjöma ¿dakwö ja̧dakwa̧da?— abebö a̧ja̧kwijadötö.

Deuteronomio 25:1

Tupakwö yöawinobe Moisesma: —Ju'wibi yötawaduwakwö chömöledö, ökwödötjö du̧ju̧taja wene juna̧lö jwöjwötjakwawitjö̧ma, lȩekwa luwedö tjöba a'o tjöjamatobö tji̧'yena, lȩekwa luwedö wene tjujuna̧li̧ jwetjebobö. Ja̧danö, lȩekwa luwedöma a̧ja̧kwö, wene jwibo̧nö yötjawena, –Bitema wene jwibo̧, –jö̧ba̧lö, ja̧danö wene juna̧lo̧nö yötjawena, –Bitema sulabenö ja̧bajo̧, –jö̧ba̧lö.

Josué 7:1

Isabenö Jo̧ma israel jojodönö jweinö weinobe, ja'yubebi Jerico jawa tjemokobö, okobe jwiinö Isabenö Jo̧nö iyawa baibanö söbebö lotjobö. Jo̧kwaijayonö, jejenö weijayonö, israel jojodötjö bakwo̧ Acan mikwo̧ma a̧ja̧kwökönö sulabenö iteda ujuna̧lotö jö̧ba̧lö eminobe. Jo̧ba Acanma judasaso jojo, ja̧danö Carmi mikwo̧ itji̧, ja̧danö Carmima Zabdi mikwo̧ itji̧, ja̧danö Zabdima Zera mikwo̧ itji̧. Jo̧ba Acanma Isabenö Jo̧ weökö jawa eminobe, ja̧danö a̧ja̧kwökönö emiökwe, Isabenö Jo̧ma jwiinö ödameakwinobe israel jojodönö, weaja̧danö ja̧tjokobetjö̧.

Josué 7:18

Ikenama Zabdi itji̧mu tupadanö jojodö ömadöma bakwo̧nökwena tjichibobö weinobe, ja̧danö judasaso jojodötjö, Zera itji̧ Zabdi itji̧ Carmi itji̧ Acan mikwo̧nö i̧sȩbinobe, Bite Acanda sulabenö ja̧binama, jö̧ba̧lö.

Jueces 1:7

Jejenö ötö'iya bulatö lotjökwe, Bezec la'aka luwo̧ma yöa̧linobe, —Jelobetenia tjuluwedö la'aka luwedö setentabedönö, chujuluwajawö̧ jejenö tjötö'iya bulabinö lotijatö, ja̧danö jejenö chujuluwajawö̧, chu̧kwa mesasötetjö tjoduwaja̧ kwawawa tjukwotö jö̧ba̧lö tjisakwinobe. Ja̧danö, babema ötjö jobadönö usula tjemawinö wetinadanö, Diosma bakwainö usula chemawinö weajabe, —jö̧ba̧lö. Ja̧danö Judasaso jojodöma Bezec la'aka luwo̧nö tje'ewinobe Jerusalenbe, ja̧danö jobetjö ö'wö baibinobe.