Génesis 44:1 - Dios Iwene

¹ Jemi ikenama José webijetö eju okwa otido̧ ömöayo̧nö: —Bidö tju̧kwa kwakwawa tje'ewakwa̧ma tjutu̧da'wijunö okobe jwiinö su̧'bȩnö anabiji. Ja̧danö, tjutu̧da'wiju a'onö tju̧kwa baladakwena kwano.

Génesis 44:1 Iomraidhean Croise

Génesis 24:2

Ju'wi möle, Abrahamma ömöayedötjö inesö jo̧nö, Abraham itea okobe jwiinö te'ada̧lajibo̧nö webijetö: —Chömöayo̧, Dios, mölejȩbi böjȩbi otidina Dios öba a'otjö kwiwene yöbawö junitjö, weköbi̧ma cha̧ja̧kwocha, jö̧ba̧lö. Baikwö wetakwö: Chitji̧ Isaac ilekwo bajibakwujunö bemi Canaán jojodö ya̧dötjö kwisakwoko. Babeda kwiwene yöbawö kwujuni̧ i̧sebö, chi̧sȩ'bo teebekwöchobe 'bibeba̧litjö, Weköbi̧ma isabenö cha̧ja̧kwocha. Isaac bajibakwujunö bemi Canaán jojodö ya̧dötjö chisakwokobe, jö̧ba̧lö.

Génesis 42:25

Ikenama webijetö ömöayedönö trigo tjanobö öpöedö tju̧kwa tu̧da'wijunö. Jobadö kwakwawa tjimidobö tjichejebaja̧ baladabi webijetö tjanobö, öpöedö tjedokonö. Ja̧danö, kwakwawabi ȩwa̧jiabö tjukwakwa̧ma webijetö tjiyobö. Ja̧danö, José ömöayedöma José weaja̧danö a̧ja̧kwijadötö.

Génesis 42:35

Ikenama, tjabe'donö yöbawö kabatö tju̧kwa tu̧da'wiju ejatö 'wa̧bebijadötö. 'Wa̧bebö tjedemi okobe jwiinö tju̧kwa baladama a̧jijetö. A̧jiawö̧ yebaibijadötö José öpöedöbi, tjabe'dobi.

Génesis 43:16

Ja̧danö, Joséma ö̧ja̧wo̧ Benjamínnö, öpöedökwö ichajo̧nö edenama eju okwa otido̧ ömöayo̧nö webijetö: —Bidönö öbibö 'ya̧wi chejube. Dukwakwo̧nöbi kwabö sököbo, dukwo. Jobadöma makö ötjökwö tjukwakobe, jweinö ö̧jena— webijetö.

Génesis 43:19

Ja̧danö, José eju apjudenö ichibö José ömöayo̧nö 'ya̧wibö jö̧ba̧lijadötö:

Génesis 43:2

Ina a̧wi̧chi̧ tjötjobetjö Jacob i̧tji̧mu Egiptobetjö kwakwawa e'ewö tjȩwa̧jina 'dö̧ibajiökwe webijetö: —Chi̧tji̧mu, yemidanö kwi̧'yaduwo Egiptobe ja'yubeda kwakwawa emö— webijetö Jacobma.

Génesis 44:2

Ja̧danö, ötjö chitea dȩja̧'do̧bi platatjö otikwa'do̧ma, bajaliya luwo̧, Benjamín mikwo̧ utu̧da'wo a'onö kwano, jo̧ba kwakwawa imidaja̧kwö— weökwe José weaja̧danö a̧ja̧kwijetö ömöayo̧ma.

Isaías 3:1

Jerusalennö ju̧kwadöbi, ju'wedö Juda niji jojodöbi tjo̧'wo wana̧lö yöba̧ladö, —Otiwanö juna̧ladösa, lekwe möle otiwanö döpöjojodökwö dölakwabikwawakobetjö̧, —jö̧ba̧lö. Jo̧kwaijayonö, Isabenö Jo̧ okobe jwiinö juluwo̧ Diosma juluwanö 'döebakobe okobe jwiinö ja̧ tjo̧'wo tjöwana̧li̧ jawabi, tjo̧'wo tjöwana̧lawö̧nöbi, baikwö yötawa: Tju̧kwa kwakwawabi, tjowi̧ ojwiyobi 'döebakobe, jwitjenanö baibanö.