Génesis 43:14 - Dios Iwene

¹⁴ Diosnö, Jwiinö Juluwo̧ Diosnöma atebocha ökwödönö pjaatobö, ja̧danö la'aka luwo̧ma ökwödönö lȩlö̧jinö edobö, ja̧danö, Simeónnöbi, Benjamínnöbi tjeatobö. ¡Dakwö jö̧ta̧lakwajö! Chi̧tji̧mu debi baibitjö̧ma, debi baibena— jö̧ba̧lijetö Jacobma i̧tji̧munöma.

Génesis 43:14 Iomraidhean Croise

Génesis 17:1

Ja̧danö, Abramma noventa y nueve a̧yo bo̧ ö̧jena Diosma jo̧banö öwawachö yöbawijetö: —Ötjöma Jwiinö Juluwo̧ Diossa. Abram, ötjö weti̧ a̧ja̧kwö, ja̧danö, sulabenö ja̧bökönö kwö̧jo.

Génesis 22:14

Jo̧kwaobetjö̧ Abrahamma jemima midijetö, Isabenö Jo̧ Diosma iyo̧, jö̧ba̧lö. Babe mölebi jejenö yötja̧lobe, Isabenö Jo̧ Diosma mö'ösa'otjö iyakwo̧, jö̧ba̧lö.

Génesis 28:3

Ikenama Isaacma Jacobnö Dios dösölö̧jinö pjaatakwa̧ jawa yöba̧lö junijetö: —Jwiinö Juluwo̧ Diosma kwi̧tji̧munö ba̧jekwadö 'yakebobö, ja̧danö ökwötjö tupadanö jojodöma tjöba̧jekwachobö dösölö̧jinö edö pjaatakobe. Jejenö ökwötjö tupadanö jojodöma ba̧jekwadö tjuju̧kwakwedö tjitebokwenia.

Génesis 35:11

Ina jö̧ba̧lijetö: —Ötjöma Jwiinö Juluwo̧ Diossa. Ökwönö pjatatakwo̧sa ökwötjö tupadanö jojodö böjȩ ba̧kwemeachibanö tjöba̧jekwachinö. Tjöba̧jekwachobetjö̧ idödada webawö tjuju̧kwakwedö, tjitebokwena jelobebi, jelobe. Ja̧danö, ökwötjö tupadanö jojodötjöma la'aka luwedö tjö̧jakobe.

Génesis 39:21

Jejunö ö̧jijayonö Isabenö Jo̧ Diosma Josénö pjabatö, lȩlö̧jinö edijetö. Ja̧danö, jeju okwa ba̧jadönö te'ada̧lo̧ma Josenö otiwanö edobö pjabatijetö Isabenö Jo̧ Diosma.

Génesis 42:24

Ja̧danö, Joséma jobadö yötja̧li̧ a̧ja̧kwö jwiinö o̧'wo̧ baibiökwe labebijetö öpöedö tjö̧jelöma ubudekwobö. Ja̧danö, budekwö kabatö yemidanö öpöedö tjö̧jobekwötebachibö jobadötjö bakwo̧nö, Simeónnö do̧batö nu'yijetö öpöedö tjeda̧lonö.

Génesis 42:36

Ikenama tjabe'do Jacobma jö̧ba̧lijetö i̧tji̧munö: —¡Ayö chi̧tji̧muwe! Chö̧jelma kwe'ewinaduwobe chi̧tji̧mu̧nö du̧ju̧tajanö. Josébi dea. Simeónbi dea. Babebi ¿kwe'ewaduwo jö̧ka̧laduwiji̧ Benjamínnöbi? ¡Ötjöwe! Ökwödömaö̧kö̧, kwabe'doduwida usula emawo̧sa— budewabinö jö̧ba̧lijetö.

Génesis 43:13

Ja̧danö, kwöjawo̧duwinöbi e'ewaduwi. Tjo̧wi̧ te'ada̧lökönö 'ya̧duwi Egipto nijibe la'aka luwo̧ ö̧jobekwö.

Génesis 44:12

José ömöayo̧ma isakwijetö abönö pöe utu̧da'wotjö bajaliya luwo̧ utu̧da'wonönö kabatö. Ja̧danö, isakwemi bajaliya luwo̧ Benjamín utu̧da'wo okwatjö badekwajijetö owawa'do̧ma.

Proverbios 1:1

Bemi tupakwö laebakwa̧ma Salomón, Israel jojodötjö inesö la'aka luwo̧bina wanekwachi̧ iwȩyudina jawa, jwebebö yöawakwawa jawanö wanekwachi̧ jawama. Ja̧danö, Salomónma Israel jojodötjö inesö la'aka luwo̧bina Davidmine itji̧inobe.

Proverbios 16:7

Ja̧danö, ju'wibi yötawa: Isabenö Jo̧ma jwiinö ösödobe otiwanö omukwatö jo̧nö, bite ö̧ji̧ma chösöda jö̧ba̧lö. Jobekwö ö̧jobetjö̧ Isabenö Jo̧ma jo̧banö pjaatobe, ite öpöjojodöbi jo̧bakwö wene jwiinö tjö̧jobö.

Proverbios 21:1

Ju'wi Salomón jwebebö yöawakwawa jawanö wanekwachi̧ jawa baikwö laebobe: ¿Tida ojwe isuwobö webo̧ma? Isabenö Jo̧da ojwe isuwobö webo̧ma, iteda isuwobö ösödi̧danö. Waiyökökwe, ojwe isuwobö ja̧i̧ma. Ja̧danö, bakwemiinö, Isabenö Jo̧ma inesö la'aka luwo̧nö omajade okwa omukwati̧ öiboböma waiyökökwe. Isabenö, iteda wei̧ a̧ja̧kwinö öbibo̧ Isabenö Jo̧ma inesö la'aka luwo̧nöma.

Isaías 49:13

Jobekwö otiwanö baledobetjö̧, mölejȩbi o̧'wo ösöwachibanö jwöeba̧lobö jo̧be, ja̧danö bö̧jȩbi o̧'wo ösöwachibobö jo̧be, ja̧danö mösa'iju lo̧obö jo̧be, Isabenö Jo̧ma iteda ömöledönö pjaatobetjö̧. Jau, Diosma iteda ömöledö israel jojodönö tjo̧'wo ösöwachibanö pjabato̧, ja̧danö iteda ömöledötjö usula emawadönö, lȩlöinö edakwo̧, jö̧ba̧lö laebobe Dios yöa̧li̧ma.

Lucas 1:50

Jo̧bama isabenö jo̧banö yebabinö ösödadönö pjabato̧, ja̧danö tji̧tji̧mu tupadanö jojodönöbi, jobadö tji̧tji̧mu tupadanö jojodönöbi lȩlö̧jinö edo̧.

Juan 19:22

Jejenö atjebijayonö: —Ja̧da, tjo̧wi̧ chiwȩyudatö— jö̧a̧linobe Pilatoma.

Hechos 21:14

Jejenö jö̧a̧litjö̧, ina, Jobema kwi̧'yoko, jö̧ba̧lö, yemidanö lȩdeabijayonö öpöjödijatö Pabloma, Chi̧'yakwo̧sa, jö̧ba̧lö. Jo̧kwaobetjö̧ budekwabinö lȩdeabi̧ma kadatakwawijatö, Jau kwatjö̧ma, Duluwo̧ ösödi̧da baledakwo̧ja, jö̧ba̧lö.

Hechos 7:10

José usula emawijayonö usula emawi̧tjö ö̧jibinö pjabatijetö Diosma. Ja̧danö, Egipto la'aka luwo̧ faraón, Josénö otiwanö edobö, Bitema waiso̧, jö̧ba̧lö, pjabatijetö Diosma. Ja̧danö, faraónma junijetö Josénöma iteda eju otikwa weawa jojo baibanö. Egiptonö ju̧kwadö tjuluwo̧ baibanöbi junijetö faraónma Josénöma—yöbawijetö Estebanma.

1 Timoteo 1:16

Jo̧kwaijayonö Diosma lȩlö̧jinö edinobe ötjönöma. Jau, Cristo Jesús kabatökönö o̧'wo̧ 'dibachibö lȩlö̧jinö edi̧ma öwaetjöda öwawo jö̧ba̧lö, Diosma ötjönö, sulabedötjö o̧penönö sulabenö ja̧binanö lȩlö̧jinö edinobe. Ja̧danö, o̧'wo̧ 'dibachibö lȩlö̧jinö edinobe ötjönöma, ju'wedöma edö tjöwaisachibobö, Aaa, Cristo Jesúsma isabenö kabatökönö o̧'wo̧ 'dibachibö sulabenö ja̧badönö lȩlö̧jinö edo̧, jö̧ba̧lö. Ja̧danö jobadöbi ösödö ba̧kwȩlö̧jatebö ja̧kwawa juna̧ladö batjibakobetjö̧, ötjönö lȩlö̧jinö edinobe Duluwo̧ma.

1 Timoteo 1:2

Ja̧danö, böja kwialusöja chiwȩyuda ökwönö Timoteo. Ökwöma ötjöda chitji̧danöbo̧ja bakobe Jesúsnö ösödö dö̧jobetjö̧. Dabe'do Diosnöbi, Duluwo̧ Cristo Jesúsnöbi ateba, mikwa jwiinö otiwa jawa iyö ökwönö pjatjatobö, ja̧danö lȩlö̧jinö edö ökwönö pjatjatobö, ja̧danö kwo̧'wo̧ luwo̧nö wene jwiinö kwö̧jobö pjatjatobö.

Tito 1:4

Tito, ökwöma ötjöda chitji̧danöbo̧ja bakobe Jesúsnö ösödö dö̧jobetjö̧. Ja̧danö, böja kwialusöja wȩyudö wetakwö. Dabe'do Diosnöbi, dö̧jibinö pjabato̧ Cristo Jesúsnöbi ateba, ökwönö lȩlö̧jinö edö, kwo̧'wo̧ luwo̧ ösöwachibanö tupakwö pjatjato jö̧ba̧lö.

2 Juan 1:3

Chö̧ja̧wo̧dö, Dabe'do Diosbi, ja̧danö iteda Itji̧ Jesucristobi ökwödönö jwiinö pjatjatakobe. Ja̧danö, ökwödönö lȩlö̧jino tjedakobe. Ja̧danö, do̧'wo̧ luwo̧nö wene jwiinö dö̧jobö pjatjatakobe. Jau chö̧ja̧wo̧dö, jejenö ökwödö Dios isabenö ji̧ yöawi̧ ösödadönö, ja̧danö dö̧ja̧wo̧dönö ösödabikwawö ju̧kwadönö pjatjatakobe Dabe'do Diosma, ja̧danö iteda Itji̧ Jesucristobi.