Génesis 43:11 - Dios Iwene

¹¹ Ikenama tjabe'doma jö̧ba̧lijetö i̧tji̧munö: —Jau kwatjö̧ma, chitji̧nö kwe'ewaduwitjö̧ma kwe'ewaduwo. Jo̧kwaijayonö, kwiyaduwakwa̧ e'ewö kwi̧'yaduwo. Tu̧da'wiju okwa anibö ditebotjö otiwa jawa e'ewaduwi, la'aka luwo̧nö kwiyaduwakwa̧. Ja'yubeda wa̧yobi, ja'yubeda söinö o̧mȩwi̧bi, masibi e'ewö kwi̧'yaduwo.

Génesis 43:11 Iomraidhean Croise

Génesis 33:10

Ötjönö kwösöditjö̧ma chiyajawö̧nö emi. Ötjönö kwösödi̧ i̧sebö emidönö. Isabenö yöta̧la, cho̧'wo̧ ösöwanö cheda ökwönöma, ötjönö lȩlö̧jinö kwedi̧ma. Dios ötjönö lȩlö̧jinö edi̧danö lȩlö̧jinö kwedajabe ötjönöma

Génesis 37:25

Ikenama kwanö bi̧jadötö. Kwanö ba̧jö edijadötö ismaelitas jojodö, tea iyabidö tjichobe, Galaad nijitjö. Jobadöma, nöinö mikwawi̧ söinö omewi̧ jawa e'ewö tja̧jwi̧mu ka̧mȩyu̧dö tjoma'a wamenö wa̧nö 'yi̧jadötö Egipto nijibe.

Génesis 43:10

Di̧'yo weköbo, lekwe 'yö̧könö dite'ada̧linobetija. Ajayinö di̧'yinatjö̧ma dötölatajanö baibanö tjebachajö di̧'yena— jö̧ba̧lijetö.

Génesis 43:14

Diosnö, Jwiinö Juluwo̧ Diosnöma atebocha ökwödönö pjaatobö, ja̧danö la'aka luwo̧ma ökwödönö lȩlö̧jinö edobö, ja̧danö, Simeónnöbi, Benjamínnöbi tjeatobö. ¡Dakwö jö̧ta̧lakwajö! Chi̧tji̧mu debi baibitjö̧ma, debi baibena— jö̧ba̧lijetö Jacobma i̧tji̧munöma.

Génesis 43:15

Jejenö jö̧a̧liawö̧ Jacob i̧tji̧muma jobetjö otiwa jawa anibö, ja̧danö kwakwawa midawabi dötölataja jawa e'ewö 'yi̧jadötö. Ja̧danö tjöjawo̧ Benjamínnöbi öbibö 'yi̧jadötö Egiptobe. 'Ya̧jadöma Egiptobe ichibö José öba a'o jamatijadötö.

Génesis 43:25

Ja̧danö, Ökwödöma kwukwaduwakobe la'aka luwo̧kwö, jö̧ba̧lö, yöawiawö̧ la'aka luwo̧nö tjiyakwa̧ma wa̧bebö eju okwa tebatijadötö, jweinö ö̧jena ichakwo̧nö tjiyobö. Ja̧danö, José ichibenama ömöledöma tjiyobö tjichejebi̧ emö iyijadötö Josénöma. Iyajadöma tjöba nijakwö bȩbachibijadötö José öba a'otjö.

1 Reyes 10:15

Ju'wibi, o̧ba bakwabakwena, Salomon ömöayedöma ba̧kwelöjatebö nöinö impuestos ötjabi̧ balada tjimidinobe, nöinö kwebachö tea iyabidöbi, ju'wedö tea iyabidöbi, arabe jojodötjö la'aka luwedöbi, israel nijitjö gobernadorbedöbi. Jo̧kwajabetjö̧ ju'wi emaja̧kwö, ömöayedö tjimidaja̧kwö, o̧ba bakwabakwena isabenö yelösöda nöinö oro eminobe Salomonma.

1 Reyes 10:25

Ja̧danö, o̧ba bakwabakwena, jelobetjö ichajadö Salomon öba a'o tjichibobö tjichenama, Salomonnö tjiyakwa̧ jawabi tjichejebinobe, platabi, orobi, kamiji̧do̧bi, ölakwabikwawa jawabi, omewi̧ jawabi, kabayudönöbi.

1 Reyes 15:19

—Chömöledöso̧ Ben Adad, ökwö kwabe'dobi, ötjö chabe'dobi, bakobe pjabatakwawö tjö̧jakwa̧ wene yöbawö tjujuninobe, jö̧tö? Ökwödöbi bakobe pjabatakwawö dö̧jobö chösöda chömöledöso̧, jo̧kwajabetjö bi̧ya platabi, orobi ökwönö iyawa baibanö chiyakwö. Jau chömöledöso̧, ökwönö ateba, Israel la'aka luwo̧ Basakwö yöbawö kwujunina kabatibö, otiwanö ötjönö pjakatobö, Basama ötjönö ölakwabikwawobetjö̧. Jau chömöledöso̧, Basanö mebibö kwölakwabikwawobö atebakwö, meköbiökwe ötjö chitebotjö labebö ȩwa̧jakobetjö̧, —jö̧ba̧lö yöa̧li̧ yöbawö, Ben Adadnö tjiyobö weinobe.

1 Reyes 4:21

Ja̧danö, jwiinö jalobe webö ö̧jinobe Salomonma. Okobe jwiinö Eufrates ojwe ö'öbö tjitebotenia nijitjö, filisteo jojodö tjitebo baibanö nijibi, Egipto bakwachobe ichibanö nijibi, okobe deinö tjitebokwena jojodöma, Salomon ömöayedö tjö̧jinobe. Salomon ina 'yaba̧lo̧ ö̧jayi, okobe deinö ja̧ niji tjitebokwena luwedöma, Salomon ömöayedö ja̧nö, tjiteatjö Salomonnö midö tjö̧jinobe.

2 Reyes 16:8

Ju'wibi Isabenö Jo̧ ejunö ji̧, ja̧danö iteda ejunö ji̧ oro jawabi, plata jawabi o̧ko̧kodinobe Acazma, ja̧danö ko̧ko̧dajo̧ iyawa baibanö weinobe Asiria la'aka luwo̧nö, —Pjakatobö chiyakwö, —jö̧ba̧lö.

2 Reyes 20:12

Jemi ikenama, ja'yubenö lekwajabetjö̧ Babilonia niji la'aka luwo̧ Merodac Baladan mikwo̧ma Ezequiasnö baledina wene a̧ja̧kwinobe, —Ajayinö nöinö 'dö̧achinajayonö, otiwanö ö̧bibajinobe Ezequiasma, —jö̧ba̧lö. A̧ja̧kwajo̧, ömöayedönö weinobe, Ezequiasnö iyakwa̧ e'ewö tjiyobö, ja̧danö i̧wȩyudaja̧ kwiyalusöja e'ewö tji̧'yobö.

2 Reyes 8:8

A̧ja̧kwajo̧, iteda ömöayo̧ Hazael mikwo̧nö weinobe, —Hazael, iyawa e'ewö, Dios yöawi̧ yöbawo̧ ö̧jobekwö kwi̧'yo, ja̧danö öba a'o ichibajo̧, jo̧banö abebö weköbo, ösödökwe Isabenö Jo̧nö abebö a̧ja̧kwobö, –Ben Adadma 'dö̧achi̧tjö ö̧bibakwaji̧? —jö̧ba̧lö.

Éxodo 3:8

Jo̧kwaitjö̧ mölejebetjö chichatö chömöledönö pjatatobö, Egipto jojodötjö tjö̧jibinö. Ja̧danö, Egiptotjö latjebinö pjatatobö chichatö, jelobe tji̧'yobö. Tji̧'yakwemima jwiinö otiwobe, ja̧danö jalobe, ja̧danö, a̧ji̧kwakwawedönö tjöbötjatemi otiwobe, ja̧danö batjo tjujunakwemibi otiwobe. Jobema ju'wedö tjitebo: Cananeo, heteo, amorreo, ferezeo, heveo, jebuseo jojodö tjiteboma— jö̧ba̧lijetö Isabenö Jo̧ma—.

Proverbios 17:18

Ja̧danö, ju'wibi yötawa, wanedö: Bakwo̧ jelo̧nö, balada öbalewobö jö̧ba̧lo̧nö yöa̧lobe: —Ökwönö pjatatocha, balada luwo̧nö yöbawö chujunocha ökwö kwumusidi̧ tjebatö kwimidobö jwiköbitjö̧ma ötjöda chimidocha— jobekwö yöa̧lobe. Isabenö yötawa: Jobekwö balada luwo̧nö yöbawö juno̧ma jweinö omukwatokobe.

Proverbios 18:16

Ja̧danö, ju'wibi yötawa: Bakwo̧, la'aka luwo̧ ö̧bobekwö tebachö jo̧banö aebobö jö̧a̧litjö̧ma ju'wi jaye iyawama e'ewobö jo̧be, la'aka luwo̧nö iyö. Isabenö, jobe ichö iyawa ujuna̧litjö̧ma la'aka luwo̧ma ömöayo̧nö weena icho̧nöma ö̧bobekwö teatobö.

Proverbios 19:6

Ja̧danö, ju'wibi yötawa: Jojodö ba̧jȩkwadöma luwo̧ ö̧jobekwö ichö pjaatobö abeba̧ladö. Isabenö, okobe deinö tjösödobe pjabatö iyo̧nöma.

Proverbios 21:14

Ja̧danö, ju'wibi yötawa: Isabenö, ökwönö o̧'wo̧ sulinö edo̧nöma jojodö tjedokonö kwiyitjö̧ma o̧'wo̧ otiwachibena.

Hechos 21:14

Jejenö jö̧a̧litjö̧, ina, Jobema kwi̧'yoko, jö̧ba̧lö, yemidanö lȩdeabijayonö öpöjödijatö Pabloma, Chi̧'yakwo̧sa, jö̧ba̧lö. Jo̧kwaobetjö̧ budekwabinö lȩdeabi̧ma kadatakwawijatö, Jau kwatjö̧ma, Duluwo̧ ösödi̧da baledakwo̧ja, jö̧ba̧lö.

Deuteronomio 33:14

ja̧danö möle jawo̧ otiwanö idejatinö weobö chösöda, tjöbatjiju otiwanö pokwakobetjö̧, batjo wajo̧ jö̧a̧lenama otiwanö e'dö tjemobö.

1 Samuel 25:27

Jau chuluwo̧, ötjöma bi̧ya ökwönö chiyobö chichejebajabe, ökwöbi kwömöayedöbi kwujuna̧laduwobö, jo̧kwajabetjö̧ chiyi̧ kwemaduwobö atebakwö.

1 Samuel 9:7

—Ömöayo̧ atadökwe, Saulma yöa̧linobe, —Jejenö edö di̧'yo jö̧da̧litjö̧ma, taji diyakwa̧da? Yöawi̧ mikwa balekwa mikwama taji diyakwa̧da? Pan ö̧pji̧a tuda'wijunö de'ewinama ida̧ökö 'dö̧ibajabe, ju'wi jaye jo̧banö iyawa baibanö diyobö dujuna̧lobeji̧, yöawi̧ mikwama? —jö̧ba̧lö abebö a̧ja̧kwinobe Saulma.