Génesis 42:5 - Dios Iwene

⁵ Ja̧danö, José öpöedö 'ya̧jadöma Egiptobe ichibijadötö kwakwawa emö. Ju'wedöbi Canaánnö ju̧kwadöma Canaánbetjö 'ya̧jadö ichibijadötö Egiptobe, okobe jwiinö Canaán nijima kwakwawa jwiobetjö̧.

Génesis 42:5 Iomraidhean Croise

Génesis 12:10

Ja̧ mölema jobe Canaán nijima okobe jwiinö batjiju junawa wobö loobetjö̧ kwakwawa yelösöda jwiijetö. Jwiobetjö̧ jojodöma a̧wi̧chö tjöbijadötö. Ja̧danö, jobetjö a̧wi̧chilö̧jawö̧ Abramma i̧'yajawö̧kwö u'da 'yi̧jetö Egiptobe, jobeda ö̧jobö ja'yubeda lekwe.

Génesis 26:1

Ja̧ möle jobema okobe jwiinö batjiju junawa wobö loobetjö̧ jojodöma a̧wi̧chö tjöbijadötö. Ajayinö, Abraham ö̧jena kwakwawa jwiinadanö jemitupakwöma yemidanö Isaac ö̧jenama jejenö baibijetö, kwakwawa jwiinö, jojodöma a̧wi̧chö tjötjinö. Ja̧danö, jobetjö a̧wi̧chi̧ tjöbö tjö̧jiökwe Isaacma, ömöledökwö Gerar nijibe 'yi̧jetö tjuju̧kwobö. Jobe la'aka luwo̧, Abimelec mikwo̧ma webö bi̧jetö, filisteos jojodö tjuluwo̧.

Génesis 41:54

Ikenama jelemutjö dötölataja a̧yo baledenanö, böjȩ okobe jwiinö batjiju junawa wobö loobetjö̧ jojodöma a̧wi̧chö tjöbijadötö, José yöawinadanö. Jo̧kwaijayonö okobe jwiinö Egipto nijinö kwakwawa tjujuninama ji̧jetö.

Génesis 41:57

Ju'wedöbi, böjȩ ba̧kwachö̧jȩtjö ichijadötö Egiptobe kwakwawa midö emö, Josénötjö̧, böjȩ okobe jwiinö a̧wi̧chö̧lö̧ji̧ jobetjö̧.

2 Samuel 21:1

David israel jojodö la'aka tjuluwo̧ ö̧jonö, wapötakwa o̧biya baledibanö a̧wi̧chi̧ lö̧jinobe israel nijitjö, batjo jawa otiwanö pokwokobetjö̧. Jejenö balediökwe, Davidma Isabenö Jo̧nö abebö a̧ja̧kwinobe, tajawedö baledobeda, jö̧ba̧lö. Abebö a̧ja̧kwökwe, Isabenö Jo̧ma atadinobe, —Babe baledi̧ma, Saulbi, ömöledöbi jawaobe, israel jojodö kwabö lotjoko jö̧tja̧lawö̧nö gabaonitas jojodönö kabawö lotjinobetjö̧. Kwabö lotjoko jö̧tja̧lawö̧nö kwabö lotjinobetjö̧, chöba a'otjö wene tjujuna̧lobe Saul ömöledöma, —jö̧ba̧lö.

Hechos 11:28

Jobadötjö bakwo̧ma, Agabo mikwo̧ma, Jesúsnö ösödadö ko̧ko̧kwö tjöba̧jemi 'da̧de jamatö yöbawijetö: —Dokwa chömöledö. Babema yötawa a̧wi̧chö̧lö̧ji̧ma lekwokobetjö baledakobe böjȩ bakwameachibanö— yöbawijetö Agaboma, Dios O̧'wo̧ Luwo̧ öba̧ja̧da̧lonö. Ja̧ a̧wi̧chi̧ tjöawa Agabo baledakwa̧ yöawinadanö, tupakwö baledijetö romano jojodö tjuluwo̧ Claudio mikwo̧ yöbawö ö̧benama.

Hechos 7:11

Ina yöbawijetö: —Ikenama a̧wi̧chö̧lö̧ji̧ baledijetö Egipto nijinöbi Canaán nijinöbi, jobe ju̧kwadö a̧wi̧chi̧tjö usula tjemawinö. Da'dödöminema kwakwawa tjisakwemi jwiijetö.