Génesis 42:38 - Dios Iwene

³⁸ Jo̧kwaijayonö Jacobma jö̧ba̧lijetö: —Ötjö chitji̧ma i̧'yokobe ökwödökwöma. Öpöebi deobe. Woinobe. Raquel ji̧jtji̧mutjöma bakwo̧da, Benjamínda ö̧jiba. Wetokobe jo̧banöma. Kwi̧'yajaduwobe sulabe baleditjö̧ma, jwiinö cho̧'wo̧ tjo̧tekwena. Isabenö ötjöma jwiinö pöesa. Chitji̧ Benjamínö sulabe baleditjö̧ma cho̧'wo tjo̧tekwinö debö chi̧'yakwo̧sa— jö̧ba̧lijetö Ja̧cobma itji̧mu̧nöma.

Génesis 42:38 Iomraidhean Croise

Génesis 37:33

jö̧tja̧lökwe Israelma kamijido̧ edö jö̧ba̧lijetö: —Bido̧ma chitji̧ ökamijido̧. ¡Ayö chitji̧we! Tebo luwo̧ma jo̧banö yö̧yö̧bö loajabe. Isabenö pjeikwena yö̧yö̧bö, lobö ukwajabe chitji̧nöma— budekwabinö jö̧ba̧lijetö

Génesis 37:34

Ja̧danö, Israelma yelösöda o̧'wo̧ tjo̧ baibökwe ökamijido̧ kȩ'ekwijetö. Ikenama leluwo̧ babibajo̧ma, pjewökado̧ 'dubawijetö. Itji̧minenö omukwata̧lö o̧'wo̧ tjo̧bekwijetö lekwe möle.

Génesis 37:35

Okobe deinö i̧tji̧muma ömadöbi, ya̧döbi tjabe'donö dösölö̧jinö yöba̧lijadötö o̧'wo söawobö pjabatö. Jejenö pjabatö yötja̧lijayonö o̧'wo söawinokokobe. Ja̧danö jö̧ba̧lijetö: —Isabenö debö chi̧'yenanö kabatö chitji̧kwö yemidanö chö̧jobö ina cho̧'wo̧ tjo̧tekwakwo̧sa— jö̧ba̧lijetö. Ja̧danö, lekwe möle budekwabijetö, itji̧ Josénö omukwata̧lö.

Génesis 42:13

—Duluwo̧, ökwödöma ökwö kwömöayedösa, a̧li̧nösamutjö du̧ju̧tajanöbedösa. Bakwo̧ i̧tji̧musa, Canaán niji jojo. Ja̧danö, dö̧ja̧wo̧ bajalia luwo̧ma yada ö̧jibajabe dabe'dokwö. Jelo̧ döjawo̧ma damötjö woinobe— jö̧tja̧lijayonö:

Génesis 42:37

Ikenama Ruben jö̧ba̧lijetö abe'donö: —Chabe'do a̧ja̧kwitjö. Kwitji̧nö Benjamínnö weköbo ökwödö de'ewo Egiptobe. Ötjöda chite'ada̧lo webitjö. Yemidanö tjetatajonöcha. Ja̧danö, jo̧banö tjetatajökötjö̧ma ötjö chi̧tji̧munö du̧ju̧taja ömadönö kwabö loköbo— jö̧ba̧lijetö Rubenma abe'donöma.

Génesis 42:4

Jo̧kwaijayonö José öjawo̧ Benjaminnöma webijökötö Jacobma jo̧banö sulabenö baledapji jö̧ba̧lö.

Génesis 43:13

Ja̧danö, kwöjawo̧duwinöbi e'ewaduwi. Tjo̧wi̧ te'ada̧lökönö 'ya̧duwi Egipto nijibe la'aka luwo̧ ö̧jobekwö.

Génesis 44:20

Jejenö abebö kwa̧ja̧kwitjö̧ datadijatö, Jau dujuna̧lobe dabe'donöbi jo̧ba itji̧ bajalia luwo̧nöbi, ina möayo̧nö dabe'do pöe 'yaebinökwe. Ja̧danö jo̧ba öpöekwö jobadö sule dujutajada bakwuju jitji̧mu̧ma. Jo̧kwaijayonö jo̧ba öpöema woinobe. Woinobetjö̧ jobuju ji̧tji̧mutjö jo̧bada 'yaba̧lo̧ma. Ja̧danö, dabe'doma jwiinö ile niebökwe jo̧banöma, jö̧ba̧lö. Chuluwo̧ jejenö datadijatö ökwönöma, dömöledönö abebö kwa̧ja̧kwitjö̧— jejenö Judáma yöbawijetö Josénöma. Ina yöbawijetö:

Génesis 44:22

Jo̧kwaijayonö datadijatö, Jo̧ba möayo̧ma abe'donö le'dediböma ichökena, dabe'do debö i̧'yapji jö̧ba̧lö, datadijatö.

1 Reyes 2:6

Jo̧banö lȩkebakwa̧ma, ökwöda kwomukwati̧danö lȩkebonö chitji̧. Jo̧kwaijayonö sulabenö jainobetjö̧, lekwe möle wene jwiinö janö, wene jwiinö ö'wö baibobö weköboko, ju'wedönö sulabenö kwabö loinobetjö̧, balekwa mikwa jelo̧ kwabö löajökwe Joab ö'wö baibobö weköbo.

Diosnö ösödo̧ Job mikwo̧ usula emawina jawa 41:32

Jwaibalawanö kwöbö kweachenama, nöinö itjei'wo baibanö kwebacho̧, jwiinö itjei'wo baibanö kweachobetjö̧, jwaibalawa öwö'ye dewa'ye ujuna̧lobedanö ichejekwi̧nö kebacho̧.

Isaías 38:10

Omukwatö yöta̧lijatö, —Ina juluwo̧ pöe waekwö̧kö̧ chö̧jemi ja'ötjö, isabenö ö'wö batibobö jo̧be. Ina pöe batibapji, ö'wö babibadö tju̧ju̧kwemi apjude tetachobö weökwesa, ina lekwe möle chö̧jo jö̧ta̧li̧ma, chö̧jökönö 'döebena Diosma, —jö̧ba̧lö chomukwatijatö.

Isaías 46:4

Ja̧danö bemi tupakwöbi damö kwöjaduwenabi ökwödönö chiteada̧lakwo̧sa chömöledö, damö waekwö, kwöwö'yeduwi dewa'ye juna̧ladö kwö̧jaduwenama, ökwödönö che'ewakwo̧sa chömöledö. Jau chömöledö, ötjöda ökwödönö otidinasa̧, ja̧danö ötjöda meköbaduwapji jö̧ba̧lö kabebö pjatatakwo̧sa. Ötjöda ökwödönö che'ewakwo̧sa, ja̧danö kwö̧jibaduwinö pjatatakwo̧sa.