Génesis 42:18 - Dios Iwene

¹⁸ Wa̧pötakwa möle baledibajena ömöayedönö webijetö öpöedönö tjichejebobö ö̧jobekwö. Ichajadönö jö̧ba̧lijetö: —Ötjöma Diosnö yebabo̧sa, ja̧danö, jo̧banö jweinö omukwatö jo̧sa. Jo̧kwaobetjö̧ ötjö weti̧ kwa̧ja̧kwaduwitjö̧ma kwö̧jibaduwinö pjatatena.

Génesis 42:18 Iomraidhean Croise

Génesis 20:11

—Chomukwatijatö, bemi jojodöma Diosnö yebaböködö, jo̧ba wei̧ a̧ja̧kwöködö tjuju̧kwena, jö̧ba̧lö. Ja̧danö, chilekwonö tjemobö ötjönöma kwabö lotjena, jö̧ba̧lö chomukwatijatö— atadijetö Abrahamma Abimelecnö.

Génesis 39:9

Bejunö ötjötjö bajalekwönönö jo̧ma dea. Kwilekwema ju'wi jawabi a̧'dȩlokobe ötjönöma. Ökwönöda ile niebobe ilekwoköbobetjö̧. Sulabenö kwomukwati̧ma chöpöjöda. Dios öba a'otjö ¿dakwö sulabenö ja̧tobö ökwö kwösödi̧ma? Chöpöjöda— jö̧ba̧lijetö Joséma uluwo̧ ilekwonö.

Génesis 42:19

Isabenö, jweinö yöka̧laduwitjö̧ma ötjö weti̧danö a̧ja̧kwaduwi, baikwö: Ökwödötjö bakwo̧nö junibaduwi bena, ka̧lela ba̧kwaweju okwa. Jo̧bama ka̧lela ö̧bonö ökwödö ju'wedöma trigo jawa o'wiju kwakwawa e'ewö da̧ja̧duwi kwiyaduwo kwömöledönö, a̧wi̧chö tjötjelö tjuju̧kwibo.

Diosnö ösödo̧ Job mikwo̧ usula emawina jawa 1:1

Uz nijinö bakwo̧ ö̧jinobe, Job mikwo̧ma. Jobma otiwanö wene jwibo̧ ö̧jinobe, Dios ösödi̧danö ja̧bö ö̧jinobe. Otiwanö yebabinö omukwatö ösödinobe Diosnö, ja̧danö jwaikwöda suli̧ jawa öpöjödö ö̧jinobe, Dios öpöjödi̧ jö̧balö.

Éxodo 1:17

Jejenö weajayonö jobadö tjemunö tjemobe te'ada̧lakwawa ya̧döma Diosnö yetjabobetjö̧ inesö la'aka luwo̧ weaja̧ma a̧ja̧kwijöködötö. Hebreo ya̧dö tjemawö̧nö ömadönöma kwabö lobijöködötö.

Éxodo 18:21

Ja̧danö, ju'wi jawabi yötawakwö: kwömöledötjö ju'wedönö 'da̧batö kwujuno ökwönö pjabatadönö, wene juna̧ladö yötja̧lakwawi̧ a̧ja̧kwö omukwatö tjujunakwedönö. 'Da̧batö kwujunawö̧ma jweinö omukwatö kwujuno, Diosnö yebabinö ösödadönöda. Ja̧danö, jojodö tjösödawö̧nöda, jweinö omukwatadö, jö̧ba̧lö, 'da̧batö kwujuno. Ja̧danö, balada tjemobö omöna yöba̧löködönöda kwujuno. Jobadönöma wene junala̧dö yötja̧lakwawi̧ a̧ja̧kwö, omukwatö tjujunobö weköbo. Ja̧danö, jobadö 'da̧batö kwujunajawö̧tjö ju'wedöma tjömöledö domulatajabedö tjuluwedö batjibanö, tjömöledö wene juna̧ladö yötja̧lakwawi̧ a̧ja̧kwö omukwatö tjujunobö 'da̧batö kwujuno. Ja̧danö, ju'wedönö kwujuno, cincuentabedö tjuluwedö batjibanö, wene juna̧ladö yötja̧lakwawi̧ a̧ja̧kwö omukwatö tjujunobö. Ja̧danö, ju'wedönö kwujuno, cienbedö tjuluwedö batjibanö, wene juna̧ladö yötja̧lakwawi̧ a̧ja̧kwö omukwatö tjujunobö. Ja̧danö, ju'wedönö kwujuno, milbedö tjuluwedö batjibanö, wene juna̧ladö yötja̧lakwawi̧ a̧ja̧kwö omukwatö tjujunobö.

Lucas 18:2

—Chömöledö, baikwö wanedö yötawa: Ju'wi comunidadnö bakwo̧ lȩekwa luwo̧ ö̧jinobe. Jo̧bama sulabenö otidinobe. Lȩekwa yöawena, Diosnö yebabinö, Aaa, Dios wei̧danö lȩekwa yötawo jö̧ba̧löma omukwatinokobe, ja̧danö ju'wibi lȩekwa luwo̧ ö̧jijayonö, jojodönö pjaatoböma omukwatinokobe.

Lucas 18:4

Lekwe möle jejenö jichiba̧lijayonö, lȩekwa luwo̧ma pjaatobö öpöjödinobe ajayinöma. Jo̧kwaijayonö kabatökönö jichiba̧liökwe, bajalianö omukwatö yöa̧linobe itedada: Diosnö yebabinö chomukwatököjayonö, ja̧danö jojodönö pjatatobö chomukwatököjayonö,