Génesis 42:13 - Dios Iwene

¹³ —Duluwo̧, ökwödöma ökwö kwömöayedösa, a̧li̧nösamutjö du̧ju̧tajanöbedösa. Bakwo̧ i̧tji̧musa, Canaán niji jojo. Ja̧danö, dö̧ja̧wo̧ bajalia luwo̧ma yada ö̧jibajabe dabe'dokwö. Jelo̧ döjawo̧ma damötjö woinobe— jö̧tja̧lijayonö:

Génesis 42:13 Iomraidhean Croise

Génesis 37:30

Ikenama, ö̧ja̧wo̧dö tjuju̧kwobekwö ȩwa̧bijö jö̧ba̧lijetö: —¡Ayö! Chö̧jawo̧ma deatö, dakwö chȩwa̧jakwa̧jö chöjawo̧ deobema— jö̧ba̧lijetö.

Génesis 42:11

Ja̧danö, ökwödöma bakwo̧ i̧tji̧musa. Isabenö, omönama yöba̧löködösa. Abönö isakwöma dichajokobe— atadijadötö.

Génesis 42:12

Jejenö tjatadijayonö Joséma ina jö̧ba̧lijetö jobadönö: —Omöna yöka̧laduwa. Ditjebo niji teachakwawa 'waemi kwöwaisaduwobö abönö isakwö kwichajaduwobe— jö̧a̧lawö̧:

Génesis 42:14

—¡Tjo̧wi̧ta! Isabenö abönö isakwö ichajadöja, ötjö yöta̧laja̧danö

Génesis 42:32

Ökwödöma a̧li̧nösamutjö du̧ju̧tajanöbedösa. Bakwo̧ i̧tji̧musa. Döjawo̧ma damötjö woinobe. Bajaliya luwo̧ma yada ö̧jibajabe dabe'dokwö Canaán nijinö, jö̧da̧lijatö Egipto niji la'aka luwo̧nö.

Génesis 42:36

Ikenama tjabe'do Jacobma jö̧ba̧lijetö i̧tji̧munö: —¡Ayö chi̧tji̧muwe! Chö̧jelma kwe'ewinaduwobe chi̧tji̧mu̧nö du̧ju̧tajanö. Josébi dea. Simeónbi dea. Babebi ¿kwe'ewaduwo jö̧ka̧laduwiji̧ Benjamínnöbi? ¡Ötjöwe! Ökwödömaö̧kö̧, kwabe'doduwida usula emawo̧sa— budewabinö jö̧ba̧lijetö.

Génesis 42:38

Jo̧kwaijayonö Jacobma jö̧ba̧lijetö: —Ötjö chitji̧ma i̧'yokobe ökwödökwöma. Öpöebi deobe. Woinobe. Raquel ji̧jtji̧mutjöma bakwo̧da, Benjamínda ö̧jiba. Wetokobe jo̧banöma. Kwi̧'yajaduwobe sulabe baleditjö̧ma, jwiinö cho̧'wo̧ tjo̧tekwena. Isabenö ötjöma jwiinö pöesa. Chitji̧ Benjamínö sulabe baleditjö̧ma cho̧'wo tjo̧tekwinö debö chi̧'yakwo̧sa— jö̧ba̧lijetö Ja̧cobma itji̧mu̧nöma.

Génesis 43:29

Ikena Joséma edijetö ojo'do jitji̧ Benjaminnö. Jo̧banö edö abebö a̧ja̧kwijetö: —Isabenö ¿Bitema kwöjawo̧duwi̧ji̧, belö ötjönö yöka̧winaduwökweji̧?— abebö a̧ja̧kwijetö. Jemi Ikenama Benjaminnö jö̧ba̧lijetö: —Chitji̧, Diosma ösödinö pjaatobö ateba— jö̧ba̧lijetö Joséma Benjaminnö.

Génesis 43:7

—La'aka luwo̧ma nöinö abeba̧lö a̧ja̧kwijatö ökwödö dömöledönö ¿Kwabe'doduwima ina 'yaa̧lobeji̧? ¿Jelo̧ kwöjawo̧duwinö kwujuna̧laduwobeji̧? jö̧ba̧lö. Jejenö aeba̧litjö̧ datadijatö. Domukwatijökötö, Döjawo̧nö de'ewobö aebakobe, jö̧ba̧löma— yöbawijadötö tjabe'donö.

Génesis 44:20

Jejenö abebö kwa̧ja̧kwitjö̧ datadijatö, Jau dujuna̧lobe dabe'donöbi jo̧ba itji̧ bajalia luwo̧nöbi, ina möayo̧nö dabe'do pöe 'yaebinökwe. Ja̧danö jo̧ba öpöekwö jobadö sule dujutajada bakwuju jitji̧mu̧ma. Jo̧kwaijayonö jo̧ba öpöema woinobe. Woinobetjö̧ jobuju ji̧tji̧mutjö jo̧bada 'yaba̧lo̧ma. Ja̧danö, dabe'doma jwiinö ile niebökwe jo̧banöma, jö̧ba̧lö. Chuluwo̧ jejenö datadijatö ökwönöma, dömöledönö abebö kwa̧ja̧kwitjö̧— jejenö Judáma yöbawijetö Josénöma. Ina yöbawijetö:

Génesis 44:28

Abönö pöema ötjö chö̧jelöma deobe. Isabenö tebo luwo̧ pjeikwena yö̧yö̧bö̧ lobö ukwinena, wajwita. Jemi tupakwöma yemidanöma chedinokobe jo̧banöma.

Génesis 45:26

Ichibajadö tjabe'donö yöbawijadötö: —Dabe'do, kwitji̧ Joséma ina 'yaba̧lo̧. Isabenö okobe jwiinö Egiptonö ju̧kwadö tjuluwo̧ baibanö ö̧jobe— yöbawijadötö. Jejenö yötjawijayonö tjabe'doma wi̧ ja̧nö ja̧nö eda̧lijetö. Omajadenö omukwatijetö, Omöna yötja̧lena, jö̧ba̧lö.

Mateo 2:16

Waisadö Belenbe tji̧'yakwa̧ abönö, yemidanö ichö tjemunö yödawakobe ökwönö, jö̧ba̧lö Herodesnö yötjawinajayonö, yöbawöma tjetjachajinokobe, ja̧danö tjichiökökwe, Herodesma jwiinö ölabinobe, ja̧danö Jesúsnö kwabö lootö jö̧ba̧lö iteda ömöayedö guardia jojodönö weinobe, okobe deinö Belennö ju̧kwadö tji̧tji̧mu ömadö döbalataja o̧biya baikwönönöbedönö kwabawö lotjobö. Waisadöma jo̧banö yötjawinobe o̧biya dötölataja baledajena, sili'ima ajayinö öwawachinobe jö̧ba̧lö, jo̧kwajabetjö̧ Jesúsnöbi kwabö lootö jö̧ba̧lö, okobe deinö tji̧tji̧mu ömadö döbalataja o̧biya baikwönönöbedönö kwabawö loinobe.

Mateo 2:18

Ramá nijitjö ökwöi̧ tja̧ja̧kwinobe, jwiinö jo̧'wo̧ tjo̧achö Raquel jubudekwi̧ma. Raquelma ji̧tji̧munö jubudekwobe, ja̧danö jo̧'wo̧ tjo̧achi̧tjö jo̧'wo̧ ösöwachibanö ju'wedö pjatjatobö jö̧tja̧lijayonö jöpöjödobe, ji̧tji̧mu deobetjö̧, jö̧ba̧lö laebobe.