Génesis 42:11 - Dios Iwene

¹¹ Ja̧danö, ökwödöma bakwo̧ i̧tji̧musa. Isabenö, omönama yöba̧löködösa. Abönö isakwöma dichajokobe— atadijadötö.

Génesis 42:11 Iomraidhean Croise

Génesis 42:12

Jejenö tjatadijayonö Joséma ina jö̧ba̧lijetö jobadönö: —Omöna yöka̧laduwa. Ditjebo niji teachakwawa 'waemi kwöwaisaduwobö abönö isakwö kwichajaduwobe— jö̧a̧lawö̧:

Génesis 42:16

Jo̧kwaobetjö̧ webaduwi ökwödötjö bakwo̧nö kwiteboduwibe i̧'yo kwöjawo̧duwinö öbibö ichejebo. Ökwödötjö ju'wedöma bada te'ada̧lö ja̧duwi, ka̧lela ba̧kwaweju okwa. Jejenö chedocha ömöna yöka̧laja̧duwojobö, jweinö yöka̧laja̧duwojobö. Wetökwema kwöjawo̧duwinö ötjö chö̧jobekwö ichejebitjö̧ma chöwaisena, jweinö yöba̧ladöja, jö̧ba̧lö. Ikenama ökwödönö okobe deinö latebaduwokwö. Jo̧kwaijayonö omöna yöka̧laja̧duwatjö̧ma, Isabenö ökwödöma ditebo niji abönö isakwö ichajadöja̧. Ja̧ yöta̧laja̧danö wainö ji̧tjö̧ma faraón lȩebakwo̧sa— jö̧ba̧lijetö Joséma öpöedönöma.

Génesis 42:19

Isabenö, jweinö yöka̧laduwitjö̧ma ötjö weti̧danö a̧ja̧kwaduwi, baikwö: Ökwödötjö bakwo̧nö junibaduwi bena, ka̧lela ba̧kwaweju okwa. Jo̧bama ka̧lela ö̧bonö ökwödö ju'wedöma trigo jawa o'wiju kwakwawa e'ewö da̧ja̧duwi kwiyaduwo kwömöledönö, a̧wi̧chö tjötjelö tjuju̧kwibo.

Génesis 42:31

Jo̧kwaijayonö jo̧banö jö̧da̧lijatö, Omönama yöbalöködösa. Abönö isakwöma dichajokobe. Jweinö yöda̧la.

Génesis 43:7

—La'aka luwo̧ma nöinö abeba̧lö a̧ja̧kwijatö ökwödö dömöledönö ¿Kwabe'doduwima ina 'yaa̧lobeji̧? ¿Jelo̧ kwöjawo̧duwinö kwujuna̧laduwobeji̧? jö̧ba̧lö. Jejenö aeba̧litjö̧ datadijatö. Domukwatijökötö, Döjawo̧nö de'ewobö aebakobe, jö̧ba̧löma— yöbawijadötö tjabe'donö.

Juan 7:18

Bakwo̧ iteda ösödi̧, iteda omukwati̧ yöbawo̧ma o̧'wo̧ luwo̧ okwa sulabenö omukwato̧, itedada ösödi̧ma. Jojodö itenöda ösödö, Bitema jwiinö waiso̧, jö̧ba̧lö, tjomukwatobö isakwo̧. Jo̧kwaijayonö bakwo̧, jo̧banö webo̧ ösödi̧da ja̧bo̧ma, o̧'wo̧ luwo̧ okwa otiwanö omukwato̧, jojodöma webo̧nöda tjösödobö isakwö. Jobama jweinöda yöbawo̧— yöawinobe—.

2 Corintios 6:4

Jau chömöledö, okobe jwiinö ja̧bö ja̧nö di̧sebobe, isabenö Dios ömöayedösa jö̧ba̧lö. Baikwö yötawa jejenö di̧sebi̧ma chömöledö: Do̧'wo̧ 'dibachibö ja̧nö, nöinö wene baledadösa, ja̧danö ju'wibi usula emawakwawa baledadösa, ja̧danö ju'wibi ökwödönö sulabenö baledi̧ baledadösa.