Génesis 41:56 - Dios Iwene

⁵⁶ Jo̧kwaobetjö̧ Egipto niji okobe jwiinö ju̧kwadö a̧wi̧chö tjötjena Joséma po̧chijetö okobe jwiinö kwakwawa ju̧kwi̧ ejubiya. Ejubiya po̧chajo̧ma Egipto jojodönö kwakwawa mikwanö iyijetö Joséma.

Génesis 41:56 Iomraidhean Croise

Génesis 12:10

Ja̧ mölema jobe Canaán nijima okobe jwiinö batjiju junawa wobö loobetjö̧ kwakwawa yelösöda jwiijetö. Jwiobetjö̧ jojodöma a̧wi̧chö tjöbijadötö. Ja̧danö, jobetjö a̧wi̧chilö̧jawö̧ Abramma i̧'yajawö̧kwö u'da 'yi̧jetö Egiptobe, jobeda ö̧jobö ja'yubeda lekwe.

Génesis 41:30

Jo̧kwaijayonö, ja̧ a̧yo baledaja̧ ikena jelemutjö dötölataja a̧yo a̧wi̧chö̧lö̧ji̧ baledakobe okobe jwiinö Egipto nijinö. Jejenö okobe jwiinö Egipto nijinö a̧wi̧chö̧lö̧ji̧ baledenama ajayinö kwakwawa nöinö pokwinama omukwatöbi tjomukwatökakobe jojodöma, kwakwawa yelösöda jwiiawö̧.

Génesis 41:35

Ja̧danö chuluwo̧, weköbo nöinö kwakwawa tjoko̧ko̧do otiwanö pokwi̧ a̧yonö. Ja̧ tjoko̧ko̧daja̧ma jelobe comunidadtjöbi jelobe comunidadtjöbi tjujuno weköbo. Ja̧danö, tjujunaja̧kwakwawa tjite'ada̧lobö weköbo.

Génesis 41:55

Ja̧danö, Egipto niji jojodöma, tjöbatjotjö tju̧kwa kwakwawa okobe jwiinö tjukwajabetjö̧, A̧wi̧chinö dö̧ja, jö̧ba̧lö, faraónönö jwöbijadötö kwakwawa iyobö. Jejenö jwötjökwe: —Josénöda abebajaduwi. Ja̧danö, jo̧ba wei̧ kwa̧ja̧kwaduwo— jö̧ba̧lijetö.

Génesis 41:57

Ju'wedöbi, böjȩ ba̧kwachö̧jȩtjö ichijadötö Egiptobe kwakwawa midö emö, Josénötjö̧, böjȩ okobe jwiinö a̧wi̧chö̧lö̧ji̧ jobetjö̧.

Génesis 42:6

Ja̧danö, Joséma Egipto niji la'aka luwo̧ ji̧jetö. Jo̧bada kwakwawa emö ichajadönö iyiabina. Ja̧danö, öpöedöma ichibö, José ö̧jeju okwa tebachibö José öba a'o jamatö tjöba nijakwö bȩbachibijadötö. Jobadöma, wajwibijadötö José, jö̧ba̧lö.

Génesis 43:1

Ja̧danö, ina jwiinö a̧wi̧chi̧ tjöbijadötö Jacob itebo Canaán nijitjöma.

Isaías 23:17

Ja̧danö, setenta o̧bia baledibaja̧ ikenama, Isabenö Jo̧ma yemidanö Tiro comunidad jojodönö pjaatakobe. Ja̧danö jobekwö pjaatobetjö̧, yemidanö tea iyö kwetjachakwedö Tiro comunidad jojodöma, tjiteboteniabe kwebachö, emöbi, iyöbi kwetjachakwedö.

Lucas 21:35

Jau chömöledö, böjȩ jojodö tjo̧'wo̧ söba̧lö tjö̧jonö, ja̧ möle baibakobe. Wanedö yötawa: Tjo̧'wo̧ söba̧lö tji̧'yemi ja'ötjö juluwanö 'daliwanö tjö̧li̧danö, chichakwa̧ omukwatökönö tjö̧jonö juluwanö jobadönö lȩtebakwa̧ möle baibakobe. Ja̧danö, ökwödöbi chichakwa̧ omukwatökönö kwö̧jaduwapji jö̧ba̧lö, böjȩ jojodö tjösödi̧ jawa ja̧böma kwö̧jaduwoko chömöledö.

Hechos 17:26

Ja̧danö, jo̧bama ajayinöma bakwo̧ jojonö otidijetö. Jo̧batjö̧ma jojodöma ba̧jekwachinö ja̧bijetö böjȩ bakwameachibanö, tjitjebokwenada tjuju̧kwobö. Jo̧bada jojodö tjöbötjachakwa̧bi, wotjakwa̧bi, tjuju̧kwakwemibi yöbawö juno̧ma.