Génesis 41:52 - Dios Iwene

⁵² Jemi ikena itji̧nö midijetö, Efraín, jö̧ba̧lö, Diosma chi̧tji̧munö iyajabe usula emawö chöbaledinelö, jö̧ba̧lö.

Génesis 41:52 Iomraidhean Croise

Génesis 17:6

Jao Abraham, ökwötjö tupadanö jojodönöma tjöba̧jekwachinö pjatatakwo̧sa. Jobadöma jelobebi jelobe tjuju̧kwakwedö, bakwasokwena ju̧kwadö. Jobadötjöma luwedö tjuju̧kwakobe, ökwötjö tupadanö jojodötjöma.

Génesis 28:3

Ikenama Isaacma Jacobnö Dios dösölö̧jinö pjaatakwa̧ jawa yöba̧lö junijetö: —Jwiinö Juluwo̧ Diosma kwi̧tji̧munö ba̧jekwadö 'yakebobö, ja̧danö ökwötjö tupadanö jojodöma tjöba̧jekwachobö dösölö̧jinö edö pjaatakobe. Jejenö ökwötjö tupadanö jojodöma ba̧jekwadö tjuju̧kwakwedö tjitebokwenia.

Génesis 41:51

Abönö pöenö midijetö, Manasés, jö̧ba̧lö, Diosma pjaatajabe cho̧'wo̧ jwitibanö ötjönö sulabe baledinabi, ja̧danö, ötjö chömöledönöbi, jö̧ba̧lö.

Génesis 41:53

Ikenama jelemutjö dötölataja a̧yo baibajena kwakwawa nöinö pokwi̧ma wobijetö, 'dö̧ibajinö.

Génesis 48:1

Ju'wi möle, Joséma abe'donö, weköbi̧ isabenö ja̧tocha, jö̧ba̧lö, yöawinemitjö tupakwö bakwo̧ma yöbawijetö Josénö: —¡Chuluwo̧! kwabe'doma jwiinö ö'wöcha!— yöbawijetö. Jejenö yöawökwe i̧tji̧mu Manasésnö, Efraínnö öbibö 'yi̧jetö abe'do ö̧jobekwö.

Génesis 48:14

Jo̧kwaijayonö Jacobma öja balewibö ömamu waisamunöda bajaliya luwo̧ Efraín uunö 'bibebijetö. Ja̧danö, ömamu wajwiamunö Manasés uunö 'bibebijetö, abönö pöenöma. Efraínma bajaliya luwo̧ijayonö Dios abönö pöenö dösölö̧jinö edö pjaatakwa̧ junijetö Jacobma, ömamu waisamunö uunö 'bibebö.

Génesis 48:5

Ina yöbawijetö: —Chitji̧, ökwö kwi̧tji̧mu, bena chichakwa̧ abönö 'yakebinawö̧ma, Efraín, Manasés ötjöda chi̧tji̧mu batjibanö 'da̧batö chujuna. Jobadöma ötjö chi̧tji̧mu Rubéndanö, Simeóndanö, ja̧danö ju'wedö chi̧tji̧mudanö ja̧dö babema. Ja̧danö, ötjö chi̧tji̧mutjobetjö̧ chitea weti̧ma, ö'wö batibaja̧ okobe tjemobö weti̧ma jobadöbi tjemakwedö.

Génesis 49:22

Ikenama Jacobma yöbawijetö itji̧ Josénö: —José, ökwöma tebo buludanö jo̧ja, ojwese'do ö'öbö jo̧danö, ja̧danö, mö'ösa'o wa̧pekwaobe jo̧danö. Ja̧danö, ökwötjö tupadanö jojodöbi jejenö tjö̧jakwedö.

Hechos 7:10

José usula emawijayonö usula emawi̧tjö ö̧jibinö pjabatijetö Diosma. Ja̧danö, Egipto la'aka luwo̧ faraón, Josénö otiwanö edobö, Bitema waiso̧, jö̧ba̧lö, pjabatijetö Diosma. Ja̧danö, faraónma junijetö Josénöma iteda eju otikwa weawa jojo baibanö. Egiptonö ju̧kwadö tjuluwo̧ baibanöbi junijetö faraónma Josénöma—yöbawijetö Estebanma.

Josué 16:4

Jobekwö laebobe Jose itji̧mu tupadanö jojodö Manasessaso jojodöbi Efrainsaso jojodöbi tjitebo niji bakwachobema, Dios —Chiyocha, —jö̧a̧lina badekwachinö tjitebo baibanö wetjinama.

Josué 17:1

Ja̧danö, Jose itji̧ Efrainsaso jojodönö niji wetjinadanö, Jose itji̧ abönö pöe Manasessaso jojodönöbi niji wetjinobe, baikwö: Manases itji̧ abönö pöe, Galaad abe'do Maquir mikwo̧ itji̧mu tupadanösaso jojodönö wetjinobe, Galaad nijibi, Basan nijibi. Jobadö Maquir itji̧mu tupadanö jojodöma inesö ölakwabikwawadö tjö̧jobetjö̧, ja̧ niji jobadönö wetjinobe.

1 Samuel 1:20

ja̧danö jemakwa̧ mölȩ badekwachenama, jitji̧ iso̧nö jeminobe. Emaju, Samuel jö̧ba̧lö jimidinobe jitji̧nö, —Chitji̧nö atebiökwe, Isabenö Jo̧ma a̧ja̧kwö bitenö iyajabe, —jö̧ba̧lö.