Génesis 41:51 - Dios Iwene

⁵¹ Abönö pöenö midijetö, Manasés, jö̧ba̧lö, Diosma pjaatajabe cho̧'wo̧ jwitibanö ötjönö sulabe baledinabi, ja̧danö, ötjö chömöledönöbi, jö̧ba̧lö.

Génesis 41:51 Iomraidhean Croise

Génesis 41:30

Jo̧kwaijayonö, ja̧ a̧yo baledaja̧ ikena jelemutjö dötölataja a̧yo a̧wi̧chö̧lö̧ji̧ baledakobe okobe jwiinö Egipto nijinö. Jejenö okobe jwiinö Egipto nijinö a̧wi̧chö̧lö̧ji̧ baledenama ajayinö kwakwawa nöinö pokwinama omukwatöbi tjomukwatökakobe jojodöma, kwakwawa yelösöda jwiiawö̧.

Génesis 41:50

Ja̧danö, kwakwawa pokwi̧ma 'dö̧ibaji̧ möle baibakwa̧ abönöma Joséma i̧tji̧mu du̧ju̧taja ömadönö 'yabebijetö, Asenat ji̧tji̧munö.

Génesis 41:52

Jemi ikena itji̧nö midijetö, Efraín, jö̧ba̧lö, Diosma chi̧tji̧munö iyajabe usula emawö chöbaledinelö, jö̧ba̧lö.

Génesis 48:1

Ju'wi möle, Joséma abe'donö, weköbi̧ isabenö ja̧tocha, jö̧ba̧lö, yöawinemitjö tupakwö bakwo̧ma yöbawijetö Josénö: —¡Chuluwo̧! kwabe'doma jwiinö ö'wöcha!— yöbawijetö. Jejenö yöawökwe i̧tji̧mu Manasésnö, Efraínnö öbibö 'yi̧jetö abe'do ö̧jobekwö.

Génesis 48:5

Ina yöbawijetö: —Chitji̧, ökwö kwi̧tji̧mu, bena chichakwa̧ abönö 'yakebinawö̧ma, Efraín, Manasés ötjöda chi̧tji̧mu batjibanö 'da̧batö chujuna. Jobadöma ötjö chi̧tji̧mu Rubéndanö, Simeóndanö, ja̧danö ju'wedö chi̧tji̧mudanö ja̧dö babema. Ja̧danö, ötjö chi̧tji̧mutjobetjö̧ chitea weti̧ma, ö'wö batibaja̧ okobe tjemobö weti̧ma jobadöbi tjemakwedö.

Diosnö ösödo̧ Job mikwo̧ usula emawina jawa 11:16

—Jau Job, yötawaja̧danö ja̧köbitjö̧ma, isabenö otiwanö kwö̧jakwo̧ja, babe usula kwemawi̧ jawa kwo̧'wo jwiköbenanö baibanö. Kwöwaisa, juluwanö tjo̧'wo jwibibadö jojodöma, tjöba a'o ojwe isuwajobuma, jö̧tö? Ökwö usula kwemawi̧bi ja̧danö, jwiinö otiwanö kwö̧jakobetjö̧, juluwanö kwo̧'wo jwikibakwo̧ja, babe usula kwemawi̧ma.

Proverbios 31:7

Jobadö, 'dö̧bachadöbi, tjo̧'wo̧ tjo̧bekwö ju̧kwadöbi o̧'do̧bu tjowitjö̧ma okobe jwiinö usula tjȩmawi̧ma tjo'wo̧ jwitjibena, ja̧danö tjo̧'wo̧ tjo̧bekwö tjö̧ji̧ma tjo̧mukwatökena.

Isaías 57:16

Jau chömöledö, ba̧kwelöjatebö jojodökwö ölakwabikwawö chö̧jö̧kakwo̧sa, ja̧danö ba̧kwelöjatebö jojodökwö chödameakwökakwo̧sa. Jobekwö ba̧kwelöjatebö chö̧jitjö̧ma, tjo̧'wo luwo̧nö tjime'dawachibena, ja̧danö tjö̧ji̧ ja̧kwawa, ötjöda otidö chiyina ja̧kwawama 'dö̧ibajena.

Isaías 65:16

Ja̧ möle israel jojodönö chödameakwi̧ katatibakwo̧sa, ja̧danö cho̧'wo jwitibakwo̧sa, ajayinö israel jojodö sulabenö ja̧bö tjö̧jinama. Ja̧danö, ja̧ möle ju'wedö diosböködönö atjebökakwedö, sule ötjö isabenö Diosbo̧nöda atjebakwedö. Ja̧danö ja̧tja̧kwa̧ yöbawö tjujunenama, sule ötjö isabenö Diosbo̧ chiminöda yöbawö tjujunakwedö, jö̧ba̧lö yöawobe Diosma.

Deuteronomio 33:17

—Isabenö tjujuluwakwedö Jose itji̧mu tupadanö jojodöma, baikwö wanedö yötawa: Pakayaso̧ abönö jemökwe ujuluwi̧danö tjujuluwakwedö, ja̧danö tjöpöjojodönö tjölakwabikwawenama, tebonö jo̧ pakayaso̧ ju'wedö tebonö ju̧kwadönö i'yekiyanö tibatö lo̧idanö, tjöpöjojodönö mebibö tjujuluwakobe, ja̧danö jobadönö lutjakobe, bö̧je bakwachöjȩ tjichibenanö kabatö. Jobekwö tjujuluwakwedö Jose itji̧mu tupadanö jojodöma, Efrainsaso jojodötjö inesö ba̧jȩkwadöbi, Manasessaso jojodötjö ba̧jȩkwadöbi.

Josué 17:1

Ja̧danö, Jose itji̧ Efrainsaso jojodönö niji wetjinadanö, Jose itji̧ abönö pöe Manasessaso jojodönöbi niji wetjinobe, baikwö: Manases itji̧ abönö pöe, Galaad abe'do Maquir mikwo̧ itji̧mu tupadanösaso jojodönö wetjinobe, Galaad nijibi, Basan nijibi. Jobadö Maquir itji̧mu tupadanö jojodöma inesö ölakwabikwawadö tjö̧jobetjö̧, ja̧ niji jobadönö wetjinobe.

1 Samuel 1:20

ja̧danö jemakwa̧ mölȩ badekwachenama, jitji̧ iso̧nö jeminobe. Emaju, Samuel jö̧ba̧lö jimidinobe jitji̧nö, —Chitji̧nö atebiökwe, Isabenö Jo̧ma a̧ja̧kwö bitenö iyajabe, —jö̧ba̧lö.