Génesis 41:41 - Dios Iwene

⁴¹ Tupakwöbi Josénö junö jö̧ba̧lijetö: —Ja̧danö, ökwönö chujuna okobe jwiinö Egipto jojodö tjuluwo̧ baibanö— jö̧ba̧lijetö.

Génesis 41:41 Iomraidhean Croise

Génesis 39:22

Jo̧ba te'ada̧lo̧ma Josénö otiwanö edö junijetö ömöayo̧danö, ju'wedö ka̧lela ba̧kwaweju okwa ba̧jadönö ite'ada̧lobö. Ja̧danö, okobe jwiinö ka̧lela ba̧kwawejunö ji̧ma Joséda webijetö.

Génesis 39:5

Ja̧danö, Josénö la'aka jojo baibanö ujuninemi baikwöma Isabenö Jo̧ Diosma Josénö omukwatö jwiinö pjabatijetö Potifarnöma. Eju okwa otikwabi otiwanö baibanö, ja̧danö batjonö junawabi otiwanö pokwobö pjabatijetö Isabenö Jo̧ Diosma.

Génesis 41:44

Ju'wibi jö̧ba̧lijetö faraónma Josénö: —Ötjöma la'aka luwo̧ chö̧jajayonö jojodöma ökwönöda atjebökweja, okobe jwiinö ja̧tjakwa̧ abönöma. Ja̧danö, ökwö weköbi̧ma okobe jwiinö tja̧ja̧kwobö jo̧be, bemi jojodöma— jö̧ba̧lijetö.

Génesis 42:6

Ja̧danö, Joséma Egipto niji la'aka luwo̧ ji̧jetö. Jo̧bada kwakwawa emö ichajadönö iyiabina. Ja̧danö, öpöedöma ichibö, José ö̧jeju okwa tebachibö José öba a'o jamatö tjöba nijakwö bȩbachibijadötö. Jobadöma, wajwibijadötö José, jö̧ba̧lö.

Génesis 45:8

Jo̧kwaobetjö̧ chömöledö, Diosda weinobe bai chichoböma, ökwödö weköbinaduwama̧kö̧. Ja̧danö, Diosma faraón ipjea luwo̧ baibanö ujuninobe ötjönöma, faraónnö pjabatö yötawobö. Diosda weinobe ötjönöma faraón ömöayedö tjuluwo̧bi, Egypto jojodö tjuluwo̧bi baibanö chö̧jobö.

Proverbios 17:2

Ja̧danö, ju'wibi yötawa, wanedö: Bakwo̧ la'aka luwo̧ma ömöayo̧nö eminobe midö, iteda wei̧ otido̧nöma. Jo̧ba eminökwema jweinö omukwatö, uluwo̧ wei̧ otiwanö otido̧. Ja̧danö, uluwo̧ma iteda itji̧nö ujuna̧lobe, jwiinö taba̧lö̧jinö tjedökwe. Itji̧ma taba̧lö̧jinö ö̧jobetjö̧ jojodöma sulabenö tjedobe itji̧nöbi abe'donöbi. Isabenö yötawa: Ju'wi mölȩ uluwo̧ midö eminökwema luwo̧ ö̧jakwo̧, jweinö omukwatö otiwanö otidobetjö̧. Ja̧danö, eminökwema uluwo̧ taba̧lö̧jinö jo̧ itji̧bi uluwo̧ baibanö weakwo̧. Ja̧danö, eminökwema uluwo̧ debö i̧'yaja̧ okobe uluwo̧ iteaja̧tjö emakwo̧, uluwo̧ma ajayinö chiyocha jö̧ba̧lö yöbawö ujunina iteatjö. Jao, uluwo̧ i̧tji̧mu̧ tjȩmi̧danö emakwo̧ midö eminökwema, jweinö omukwatö otidobetjö̧.

Proverbios 22:29

Jemi ikena jweinö omukwatadö yötjawina jawama baikwö laebobe: Isabenö yötawa: Bakwo̧ waisanö otido̧ma otiwanö ö̧jakwo̧. Iteda otikwama otiwanö öwaisobetjö̧ inesö la'aka luwo̧ma nöinö ösödo̧ jo̧banöma, otidobö webö. Jobekwö jo̧ba waisanö otido̧ma inesö la'aka luwo̧ ömöayo̧ baibanö otidakwo̧. La'akatjö̧da jo̧kwadabedö wetji̧ otidokobe, inesö la'aka luwo̧ ömöayo̧ baibanö, otiwanö ja̧nö otidakwo̧.

Daniel 2:48

Ikenama la'aka luwo̧ Nabucodonosorma nöinö otiwa jawa iyinobe Danielnö, ja̧danö jo̧banö kabebö ujuninobe, okobe jwiinö Babilonia niji la'aka luwo̧ baibanö, ja̧danö okobe deinö iteda ömöayedö waisanö omukwatadö ötjabiwö̧tjö la'aka luwo̧ baibanö.

Daniel 6:3

Ja̧danö, Danielma omajadenö isabenö otiwanö otidobö jö̧a̧linobe, ja̧danö ju'wedötjö bajalekwönönö isabenö otiwanö otidinobe. Jejenö otiwanö otidö ö̧jiökwe, Daríoma omukwatinobe, okobe jwiinö iteda yöbawö weena niji la'aka luwo̧ baibanö Danielnöda ujunobö.

Mateo 28:18

Ikenama Jesúsma jobadö tjö̧jobekwö ichö yöawinobe: —Mölejȩtjöbi, böjȩtjöbi okobe deinö la'aka tjuluwo̧ batibanö ja̧ajabe Diosma,

Hechos 7:10

José usula emawijayonö usula emawi̧tjö ö̧jibinö pjabatijetö Diosma. Ja̧danö, Egipto la'aka luwo̧ faraón, Josénö otiwanö edobö, Bitema waiso̧, jö̧ba̧lö, pjabatijetö Diosma. Ja̧danö, faraónma junijetö Josénöma iteda eju otikwa weawa jojo baibanö. Egiptonö ju̧kwadö tjuluwo̧ baibanöbi junijetö faraónma Josénöma—yöbawijetö Estebanma.