Génesis 41:40 - Dios Iwene

⁴⁰ Jo̧kwaobetjö̧ ökwönöda chujunocha ötjö chömöayedö chejunö otidadö tjuluwo̧ baibanö. Ökwö kwujuluwemi o̧penönö juluwo̧ma deakobe. Ötjöda, bemi la'aka luwo̧ma ökwötjö o̧penönö inesö jo̧sa— jö̧ba̧lijetö faraónma Josénöma.

Génesis 41:40 Iomraidhean Croise

Génesis 39:9

Bejunö ötjötjö bajalekwönönö jo̧ma dea. Kwilekwema ju'wi jawabi a̧'dȩlokobe ötjönöma. Ökwönöda ile niebobe ilekwoköbobetjö̧. Sulabenö kwomukwati̧ma chöpöjöda. Dios öba a'otjö ¿dakwö sulabenö ja̧tobö ökwö kwösödi̧ma? Chöpöjöda— jö̧ba̧lijetö Joséma uluwo̧ ilekwonö.

Génesis 44:18

Ikenama Judáma José ö̧jobekwö 'ya̧wibö yöbawijetö: —Chuluwo̧ ötjöma ökwö kwömöayo̧sa. Ja'yubeda yöta̧lobö jö̧ta̧la. Labökönuwitjö. Ökwöma Egipto niji inesö la'aka luwo̧ jo̧ja. Ötjönö webo̧ja ökwöma.

Génesis 45:26

Ichibajadö tjabe'donö yöbawijadötö: —Dabe'do, kwitji̧ Joséma ina 'yaba̧lo̧. Isabenö okobe jwiinö Egiptonö ju̧kwadö tjuluwo̧ baibanö ö̧jobe— yöbawijadötö. Jejenö yötjawijayonö tjabe'doma wi̧ ja̧nö ja̧nö eda̧lijetö. Omajadenö omukwatijetö, Omöna yötja̧lena, jö̧ba̧lö.

Diosnö ösödo̧ Job mikwo̧ usula emawina jawa 31:27

jojodö wajwitjonö chomajadenö möle jawo̧nöbi, yöte jawo̧nöbi bȩbachibö chösödobö omukwatö, chömamu du̧batö jobadönö chösödinatjö̧ma,

Proverbios 22:29

Jemi ikena jweinö omukwatadö yötjawina jawama baikwö laebobe: Isabenö yötawa: Bakwo̧ waisanö otido̧ma otiwanö ö̧jakwo̧. Iteda otikwama otiwanö öwaisobetjö̧ inesö la'aka luwo̧ma nöinö ösödo̧ jo̧banöma, otidobö webö. Jobekwö jo̧ba waisanö otido̧ma inesö la'aka luwo̧ ömöayo̧ baibanö otidakwo̧. La'akatjö̧da jo̧kwadabedö wetji̧ otidokobe, inesö la'aka luwo̧ ömöayo̧ baibanö, otiwanö ja̧nö otidakwo̧.

Daniel 5:29

Wȩyukwi̧ jawa Daniel labebö lobö yöawiökwe, Belsasarma chiyocha jö̧ba̧lö yöa̧laja̧danö iyinobe. Ömöayedönö weinobe Danielnö la'aka luwo̧ ö̧ka̧misido̧nö 'dutjatobö, ja̧danö orotjö otikwopja tjöladobö, ja̧danö Danielnö yötjawinobe jojodö tjöba a'otjö, inesö la'aka luwo̧ wa̧medukwa la'aka luwo̧ jojoma Danielda, okobe deinö Babilonia jojodötjö, sule du̧ju̧tajada Danieltjö bajalekwönönö la'aka luwedö tjö̧jakobe jö̧ba̧lö,

Daniel 6:3

Ja̧danö, Danielma omajadenö isabenö otiwanö otidobö jö̧a̧linobe, ja̧danö ju'wedötjö bajalekwönönö isabenö otiwanö otidinobe. Jejenö otiwanö otidö ö̧jiökwe, Daríoma omukwatinobe, okobe jwiinö iteda yöbawö weena niji la'aka luwo̧ baibanö Danielnöda ujunobö.

Hechos 7:10

José usula emawijayonö usula emawi̧tjö ö̧jibinö pjabatijetö Diosma. Ja̧danö, Egipto la'aka luwo̧ faraón, Josénö otiwanö edobö, Bitema waiso̧, jö̧ba̧lö, pjabatijetö Diosma. Ja̧danö, faraónma junijetö Josénöma iteda eju otikwa weawa jojo baibanö. Egiptonö ju̧kwadö tjuluwo̧ baibanöbi junijetö faraónma Josénöma—yöbawijetö Estebanma.

1 Samuel 10:1

Ikenama Samuelma o̧tesayu̧ ja'yuayu̧ do̧batö, Saul uunö toebinobe, ja̧danö Saulnö du̧batö yöawinobe, —Isabenö Jo̧ma isabenö ökwönö omudawö ujunajabe, iteda ömöledö israel jojodö la'aka tjuluwo̧ bakibanö. Ja̧danö, baikwö baledakwa̧ yötawakwö, isabenö Dios ökwönö omudawö ujunaja̧ kwöwaisobö: