Génesis 41:37 - Dios Iwene

³⁷ Ja̧danö, José yöawi̧ a̧ja̧kwö, Otiwanö yöawa, jö̧ba̧lö, omukwatijadötö faraónbi faraón ipjea jojodöbi.

Génesis 41:37 Iomraidhean Croise

Génesis 41:36

Ja̧danö chuluwo̧, ja̧ tjujunakwa̧ kwakwawama jelemutjö dötölataja a̧yo a̧wi̧chö̧lö̧ji baledena bemi Egipto nijima, jojodöma tjukwa kwakwawama tjujuna̧lakwedö. Jejenö a̧wi̧chi̧ tjötjökakobe kwakwawa jwiinö baledenama— yöbawijetö Joséma faraónnöma.

Génesis 41:38

Ikenama faraón jö̧ba̧lijetö ipjea jojodönö: —Isabenö Jelo̧ma bitedajayo̧nöma döbadekwajökena. Chedemi Dios O̧'wo̧ Luwo̧ma bitekwö jo̧— jö̧ba̧lijetö.

Génesis 45:16

Ikenama faraónbi faraon ipjea luwabi ju'wedö yötjawi̧ a̧ja̧kwijadötö, José öpöedö tjichajabe, jö̧ba̧lö. Ja̧ yötjawi̧ a̧ja̧kwö ösödijadötö.

2 Samuel 3:36

Ja̧ baledi̧ tjedinobe jojodöma, ja̧danö edö tjösödinobe, Isabenö duluwo̧ Davidma otiwo̧ jö̧ba̧lö. Isabenö okobe jwiinö David ja̧bö ö̧ji̧ edö tjösödinobe jojodöma.

1 Reyes 21:2

Acabma Nabot öbatjo edö ösödinobe, iteda ujuna̧lobö, ja̧danö Nabotnö yöa̧linobe: —Nabot, ökwö kwöbatjo ötjönö kwiyobö chösöda, cheju ö'öbösayuobetjö̧. Jau Nabot, jobetjö kwakwawa batjo baibanö chotidakobetjö̧ kwiyotjö. Ja̧yu ötjönö kwiyitjö̧ma balekwayu ja̧tjö bajalekwönönö otiwayu chiyakwo̧sa, ja̧danö jeleyu öpöjödö, platada chimidobö kwösöditjö̧ma, kwöbatjo mikwawi̧danö plata jawa chimidocha, —jö̧ba̧lö.

Proverbios 10:20

Ja̧danö, ju'wibi yötawa: Dios wei̧ a̧ja̧kwadö yötjawi̧ma jwiinö mikwawobe, bakwai̧ plata jwiinö mikwawi̧danö. Jo̧kwaijayonö sulabenö omukwatadö yötjawi̧ma mikwawokobe.

Proverbios 25:11

Ja̧danö, ju'wibi jwebebö yötawa: Jelo̧nö otiwanö pjabatö yöka̧litjö̧ma jwiinö ösödena, otiwa jö̧ba̧lö. Wanedö yötawa: Dȩja̧pa̧ platatjö otidö, orotjö dubebö otikwa̧pama jwiinö otiwapa̧ ¿jö̧tö̧? Ja̧pa edinöma, asul jwiinö otiwapa̧, jö̧ba̧lö dösödapa̧. Ja̧pa edö dösödi̧danö pjabatö yöka̧lö̧kwema jwiinö ösödobe, otiwanö pjakatajabe, jö̧ba̧lö.

Hechos 7:10

José usula emawijayonö usula emawi̧tjö ö̧jibinö pjabatijetö Diosma. Ja̧danö, Egipto la'aka luwo̧ faraón, Josénö otiwanö edobö, Bitema waiso̧, jö̧ba̧lö, pjabatijetö Diosma. Ja̧danö, faraónma junijetö Josénöma iteda eju otikwa weawa jojo baibanö. Egiptonö ju̧kwadö tjuluwo̧ baibanöbi junijetö faraónma Josénöma—yöbawijetö Estebanma.

Josué 22:30

Tjatadiawö̧, Diostjö jojodötjö tjö̧'da̧de pjabato̧ Finesbi, israel jojodötjö bakwasokwena luwedöbi a̧ja̧kwö tjösödinobe, Rubensasobi, Gadsasobi, Manasessasobi jojodö yötja̧li̧ma, —Isabenö bidöma Dios wei̧ kabatiböködö, —jö̧ba̧lö.