Génesis 41:26 - Dios Iwene

²⁶ Ja̧danö, pa̧ka̧yö̧ jelemutjö du̧ju̧taja otiwadöma jelemutjö dötölataja a̧yo jö̧ba̧lö ji̧. Ja̧danö, trigosanutjö ochobiya jelemutjö docholataja 'dalachaibaja̧ma, ja̧bi, jelemutjö dötölataja a̧yo jö̧ba̧lö ji̧. Sule bakwai̧ jawada kwi̧'wi̧dikwajabe— yöbawijetö.

Génesis 41:26 Iomraidhean Croise

Génesis 2:24

Jejenö baledinobetjö̧ bakwo̧ma abe'dotjöbi ojo'dotjöbi 'da̧bachibö labebajo̧ ilekwokwöda ö̧jo jö̧ba̧lö. Ja̧danö, jobadö du̧ju̧tajama iso̧kwö ilekwokwö bakwo̧da babibadö.

Génesis 40:12

Jejenö yöawiökwe jö̧ba̧lijetö Joséma jo̧banö: —Baikwö yötawa, kwi̧'wi̧dikwaja̧ labebo lobö. Ja̧ wa̧pö'bakwama wa̧pötakwa möle ji̧.

Génesis 40:18

Ikenama Joséma jo̧ba i̧'wi̧dikwaja̧ labebö lobö yöbawijetö: —Baikwö yötawa kwi̧'wi̧dikwaja̧ labebö lobö. Lu'dupiya wa̧pöpakwama wa̧pötakwa möle ji̧.

Génesis 41:2

Jobe ja̧nö edemi pa̧ka̧yö̧ jelemutjö du̧ju̧tajanö, jwiinö otiwadö, ödöbaedö ojwetjö wamibakwawibö isa'ye tjukwobekwö.

Génesis 41:25

Jemi ikenama Joséma faraón i̧'wi̧dikwaja̧ labebö lobö yöbawijetö: —Chuluwo̧, ökwö kwi̧'wi̧dikwaja̧ma sule bakwöta jawada. Diosma kwi̧'wi̧dinö yöawajabe ökwönö, iteda baledobö weakwa̧ma.

Génesis 41:27

Ina yöbawijetö: —Ja̧danö, ju'wedö pa̧ka̧yö̧ jelemutjö du̧ju̧taja 'dalökadö sulabedö ojwetjö wamibajadöma jelemutjö dötölataja a̧yo, a̧wi̧chö̧lö̧ji̧ baledakwa̧ a̧yo jö̧ba̧lö ji̧. Ja̧danö, trigosanutjö ochobiya jelemutjö docholataja jawa ochobiya, pjei̧ochobiya, ja̧wo̧ ichobekwötjö jwa̧lȩ'ewö kököachibaja̧bi, jelemutjö dötölataja a̧yo, a̧wi̧chö̧lö̧ji̧ baledakwa̧ a̧yo jö̧ba̧lö ji̧— yöbawijetö Joséma faraónnöma.

Génesis 41:29

¡A̧ja̧kwitjö! Jelemutjö dötölataja a̧yo jenanöda bemi Egipto niji okobe jwiinö nöinö kwakwawa pokwi̧ma pokwakobe.

Génesis 41:47

Ikenama, José yöawinadanö badekwachijetö, jelemutjö dötölataja a̧yo baledibanö kwakwawa nöinö pokwijetö jobe Egipto nijinö.

Génesis 41:5

Wiluibö yemidanö abibijetö faraónma. Abemi yemidanö 'wi̧dikwijetö, baikwö: I̧'wi̧dinö edemi trigosanu jobekwö. Ja̧nutjö ochiju jelemutjö docholatajanö ochobiya, ochoawi̧ ja̧danö otiwi̧ ochobiya 'dalachibö wa̧jobekwö.

Génesis 41:53

Ikenama jelemutjö dötölataja a̧yo baibajena kwakwawa nöinö pokwi̧ma wobijetö, 'dö̧ibajinö.

Éxodo 12:11

Ja̧danö, kukwaduwenama juluwanö labeibö kwi̧'yaduwakobetjö̧ 'dubawiböda kukwaduwo. Sapatijuduwibi 'dubawibö, ja̧danö kwotokwa'ijuduwibi do̧ba̧lö ja̧nö kwukwaduwo. Ja̧nöda juluwanö kwukwaduwo labeibö kwi̧'yaduwakobetjö̧, juluwanö. Ja̧ ba'ali kwanö kwujunaduwakwa̧ma ötjö Isabenö Jo̧nö omukwatö kwujunaduwakobe, ökwödö kwö̧jibaduwinö pjabatö kwö̧jaduwejubiya wame chöbaledi̧ omukwatöma.

Éxodo 26:6

Ja̧danö, weköbo akwatakwawa ö̧ki̧ya̧ tjödadobö orotjö, cincuentanö jawa ö̧ki̧ya, ö'dö̧wa̧do̧tjö̧ o̧ki̧ju̧nö ti̧lawa o'wiju do'wolataja o'wijunö wayobekwö ö'öbönö dötewinö tjakwatakobetjö̧. Jejenö bakwa'wo ji̧nö muchekwa̧lakobe cheju wamema.

Daniel 2:45

Jau chuluwo̧, jejenö badekwachobe inawa mösa'otjö laekwobe kwedina, jojo otidokonö laekwobe kwedinama. Ja̧ inawa o̧'wo̧ jawanö söbebö loinadanö, Dios ujunakwo̧ma okobe deinö ju'wedönö ujuluwakobe, ja̧danö jo̧ba yöbawö ö̧jakwa̧ma la'akatjöda 'dö̧ibökakobe. Chuluwo̧ Diosma isabenö otiwo̧, ja̧danö jo̧bama otiwanö i̧sebajabe tupakwö baledakwa̧ jawa ökwö la'aka chuluwo̧nö. Isabenö bakwainö kwi̧'widikwinadanö yötawajabe, ja̧danö isabenö okobe jwiinö yötawaja̧danö baledakobe— jö̧ba̧lö yöawinobe Danielma, la'aka luwo̧ Nabucodonosornö.

1 Corintios 10:4

Ja̧danö, okobe deinö bakobe Dios iyina ojwiyo tjowinobe, ¿jö̧tö? Jau chömöledö, okobe deinö inawatjö tjowinobe, ja̧danö jawa jobadökwö kweachinawama, Cristodainobe chömöledö.

1 Juan 5:7

Jo̧kwaobetjö̧ chö̧ja̧wo̧dö, Jesúsnö baledina, wa̧pötakwa jawa baledinama ökwödönö i̧sebobe, Jesúsma Dios Itji̧, ja̧danö Dios weinökwe, dö̧jibinö pjaatobö, jö̧ba̧lö. Ja̧ wa̧pötakwa jawa baledinama biya̧: