Génesis 41:24 - Dios Iwene

²⁴ Ikenama ja̧ pjei̧ochobiya otiwi̧ ochoawi kwibobekwö. Jejenö chedijatö chi̧'wi̧dinö. Ikenama 'wi̧di̧kwakwawa labebö lobö yöbawadönö chi̧'wi̧dikwaja̧ yötawijayonö bakwo̧bi ötjö chi̧'wi̧dikwaja̧ labebö lobö yöbawo̧ma deatö— yöbawijetö fararónma Josénöma.

Génesis 41:24 Iomraidhean Croise

Génesis 41:23

Ikenama ja̧nutjö ju'wi ochobiya jelemutjö docholataja ochobiya 'dalachibö wa̧jobekwö. Ja̧ ochobiyama otiwaochomaökö̧, pjei̧ochobiya, ja̧danö kököachina. Ja̧ ochobiyama kököbachibö woaja̧ ochobiya jwa̧lȩ'epjo ja̧wo̧ ichobekwötjö ichö tubinö jwa̧lȩ'ewobetjö̧.

Génesis 41:8

Ja̧danö, dewachena faraónma i̧'wi̧dikwaja̧ omukwatö jwiinö o̧'wo̧ tjo̧bekwijetö. Jo̧kwaobetjö̧ jwöbijetö okobe deinö ma̧li̧mu̧nö, ja̧danö okobe deinö jwiinö waisadönö tjichobö. Ichajadönö i̧'wi̧dikwaja̧ yöawijayonö bakwo̧bi deijetö, jo̧ba i̧'wi̧dikwaja̧ labebö loawa waiso̧ma.

Éxodo 8:19

Jo̧kwaiawö̧ maliba luwama jö̧ba̧lijadötö faraónnö, bejenö baledi̧ma Diosda wei̧, jö̧ba̧lö. Jo̧kwaijayonö faraónma ina omajade 'diinö ji̧jetö, Moisés, Aarón atjebi̧ öpöjödö.

Isaías 8:19

Ja̧danö chömöledö, wene baledi̧ edö, ju'wedöma ökwödönö wetjena: —Ö'wö babibinadö tjo̧'wo luwokwö yöa̧lakwawa jojodönöbi, ju'wedö debö 'yi̧nadökwö seboba̧lö yöa̧lakwawa jojodönöbi abebö kwa̧ja̧kwaduwo, tupakwö baledakwa̧ yötjawakobetjö̧, —jö̧ba̧lö. Jo̧kwaijayonö baikwö abebö cha̧ja̧kwaduwakwö, —Jojodöma idöda tjösödökwe Diosnö abebö tja̧ja̧kwobö jwienaji̧? Ja̧danö ina 'yaba̧ladö tjö̧ji̧ jawa tjöwaisakobetjö̧, isabenö 'debö 'yi̧nadönö abebö tja̧ja̧kwobö jȩnaji̧? Ja̧maökö chömöledö, tjösödökwe Diosnöda abebö tja̧ja̧kwobö jo̧be.

Daniel 4:7

Jo̧kwajabetjö̧ mea bobadöbi, tupakwö baledakwa̧ yöbawadöbi, si̧li̧'idönö waisachadöbi chöba a'o tjichibinobe. Ichibajadönö chi̧'wi̧dikwaja̧ yötawijatö, jo̧kwaijayonö labebö lobö yötjawobö wajwitjinobe, baikwö jö̧ba̧lö kwi̧'wi̧dikwajabe jö̧ba̧lö.