Génesis 41:1 - Dios Iwene

¹ Ja̧danö, ja̧ baledina ikena dötölataja a̧yo la'aka luwo̧ faraónma 'wi̧dikwijetö, baikwö: I̧'wi̧dinöma jo̧bama ojwe ö'öbö, Nilo mikwödönö ö̧jobekwö.

Génesis 41:1 Iomraidhean Croise

Génesis 20:3

Jo̧kwaijayonö Diosma öpöjödijetö Abimelec Saranö emoböma. Jo̧kwaobetjö̧ Abimelecnö öwawachijetö Diosma i̧'wi̧dinö yö̧te. Öwawachö: —Abimelec, ökwöma debö kwi̧'yakwo̧ja jelo̧ ilekwonö kwemajabetjö̧, kwilekwo baibanö— jö̧ba̧lijetö Diosma.

Génesis 28:12

Jejenö abemi okwanö i̧'wi̧di̧nö edijetö Jacobma baikwö: Nöchawaka böjȩtjö̧ mölejebe dötewinö jo̧bekwö edijetö. Ja̧kanö Dios weajawö̧ ángelesdöma nöchöbi tjö̧nöchobekwö edijetö. Ja̧danö, yutubajöbi yututjajobekwö edijetö ja̧kanö.

Génesis 29:14

Ja̧danö Labánma Jacobnö jö̧ba̧lijetö: —Isabenö ökwöma ötjö chömöledöso̧ja, ötjö chitebiyadanö, ötjö chö̧kwö̧sobudanö— ösödinö jö̧ba̧lijetö. Ikenama Jacobma ja̧wo̧ bakwo̧ ji̧jetö jobadökwö.

Génesis 31:21

Jejenö Jacob, i̧lȩkwa̧mu, i̧tji̧mu, ȩwa̧jijadötö, okobe jwiinö itea e'ewö, okobe deinö a̧jwi̧mukwö. Ȩwa̧jö Éufrates ojwenö pebibö Galaad niji mö'ösa'iju jo̧bekwö ȩwa̧jijadötö.

Génesis 40:23

Jemi ikenama, faraón ömöayo̧ owa'do̧ iyawa jojoma José aebinama, Faraónnö yökawo labebö lotjo weo ötjönö, jö̧ba̧lö, omukwatijökötö. Yelösöda o̧'wo̧ jwibibijetö Josénöma, la'aka luwo̧nö yöbawökönö.

Génesis 40:5

Ja̧danö, ju'wi yö̧te jobadö, owa'do̧ iyawa jojobi, pan otikwa jojobi, ka̧lela ba̧kwaweju okwa ba̧jadöma bakwo̧nökwena 'wi̧dikwijadötö. Bakwo̧nökwena wainö 'wi̧dikwijadötö ja̧ yö̧tema.

Génesis 41:2

Jobe ja̧nö edemi pa̧ka̧yö̧ jelemutjö du̧ju̧tajanö, jwiinö otiwadö, ödöbaedö ojwetjö wamibakwawibö isa'ye tjukwobekwö.

Éxodo 1:22

Ikenama Israel jojodö ba̧jekwadö tjujulunö tjuju̧kwiökwe faraónma webijetö okobe deinö Egipto jojodönö: —Okobe deinö hebreo jojodö tjemajawö̧nö ömadönöma ojwe okwa loköbaduwo, o̧tjawinö. Jo̧kwaijayonö okobe deinö ya̧dönö tjemajawö̧nö loköbaduwoko, wainö tjö̧jakwedö— webijetö faraónma okobe deinö Egipto jojodönöma.

Éxodo 4:9

Jo̧kwaijayonö ja̧ dötölataja juluwi̧ jawa kwi̧sebi̧ edö ina yökawi̧ öpöjödö tja̧ja̧kwökötjö̧ma ju'wi juluwi̧ jawa kwi̧sebodönö, biya̧: Nilo ojwetjö ojwiyo wa'yebö nijakwö bajalenö sa̧köbo. Jobu ojwiyoma nijinö sa̧köbajobuma kwu̧kwinö baibakobe— weökwe:

Isaías 19:5

Tupakwö yöawobe Diosma: —Ja̧danö Jwaibalawama kököachibakobe, ja̧danö ojwema jwiinö kököachibakobe.

Mateo 27:19

Pilatoma jobe lȩekwa yöbawo̧ iteaka wa̧kwawaka ö̧bena, ju'wibi baledinobe, ilekwoma jo̧banö yötjawobö wejinobe: —Bite Jesúsnö, sulabenö ja̧bö̧kö̧nö lȩkeba, chilekwe. Jo̧da yö̧te jo̧banö sulabenö chi̧'wi̧dikwobetjö̧ nöinö usula chemawatö— jö̧ba̧lö yötjawobö wejinobe Pilato ilekwoma.

Deuteronomio 11:10

—Isabenö otiwobe, babe tekachaduwakwemi nijima chömöledö, baikwö yötawa: Kwöwaisaduwa Egipto nijitjö batjo otikwa chömöledö, jobetjö kwichinaduwobetjö. Ju'wi kwakwawa jawa batjoma, ba̧kwelöjatebö ojwiyo sa̧sa̧ba̧lö tjotidobö ji̧, kwakwawa wa̧jakobetjö̧, jö̧tö? Ja̧danö, ja̧jaye batjo tjotidi̧danö, Egiptotjö batjo tjotidenama, ödebiya lödajadö, ju'wibi ba̧kwelöjatebö ojwiyo sa̧sa̧ba̧lö tjotidobö jo̧be, jötö̧? Jejenömaökö babe tekachaduwakwȩmi nijima chömöledö. Jobema mösa'ijubi, wabekijubi jȩmi niji chömöledö, ja̧danö ojwiyo otiwanö o̧bemi niji, jo̧kwajabetjö̧ ojwiyo sa̧sa̧bö kwotidaduwoböma jwiakobe.