Génesis 40:13 - Dios Iwene

¹³ Ja̧danö, wa̧pötakwa möle baibena kwuluwo̧ faraónma ökwönö latjebobö weakobe, ajayi kwotidinadanö kwotidobö. Jo̧kwaobetjö̧, kwuluwo̧ faraón u̧kwa dȩja̧'do̧ owobö kwiyakobe, ajayi owa'do̧ kwiyinadanö.

Génesis 40:13 Iomraidhean Croise

Génesis 40:1

Ju'wi möle jeju, José ö̧jejunö, ka̧lela ba̧kwaweju okwa lödijadötö du̧ju̧tajanö, Egipto la'aka luwo̧, faraón ötjabökwe ömöayedönö. Jobadötjö bakwo̧ faraón owa'do̧ iyawa jojo. Jelo̧ma faraón u̧kwa pan otikwa jojo. Jobadöma faraón wei̧ tja̧ja̧kwiökökwe jwiinö labijetö. Jo̧kwaobetjö̧ faraónma webijetö guardia jojodö tjuluwo̧nöma jobadö dujutajanö ka̧lela ba̧kwaweju okwa tjödobö, jo̧ba guardia jojodö tjuluwo̧ otidejunö. Ja̧danö jejunö bi̧jetö Joséma.

Génesis 40:12

Jejenö yöawiökwe jö̧ba̧lijetö Joséma jo̧banö: —Baikwö yötawa, kwi̧'wi̧dikwaja̧ labebo lobö. Ja̧ wa̧pö'bakwama wa̧pötakwa möle ji̧.

Génesis 40:14

Jo̧kwaobetjö̧, I request of you: kwȩwa̧jenama ¡ötjönö kwo̧'wo̧ jwikiboko! Kwuluwo̧ faraónnö yö̧kawo belö labebö lotjo weo ötjönö.

Génesis 7:4

Ina yöba̧lijetö: —Noé, jelemutjö dötölataja möle baibena ojwiyo o̧binö wetakwo̧sa cuarentanö möle, cuarentanö yö̧te o̧bobö, jwai balawa okwatinö. Jejenö ötjö chotidinawö̧ jojodönöbi, ju'wedö böjȩnö ju̧kwadönöbi okobe deinö söbebö lotakwo̧sa— yöba̧lijetö Isabenö Jo̧ma Noénöma.

2 Reyes 25:27

Babilonia nijibe öibökwe, treinta y siete o̧biya baledibanö ka̧lena ö̧binobe Juda la'aka luwo̧ Joaquinma. Ja̧danö, jobe ka̧lena ö̧bonö, ida̧ökö treinta y seis o̧biya baledibanö ida̧ökö ö̧benama, Evil-merodac mikwo̧ma Babilonia la'aka luwo̧ baibinobe. Evil-merodacma lelö̧jinö edinobe Juda la'aka luwo̧ Joaquinnö, ja̧danö webö ö̧ji̧ ajayi o̧banö, ka̧lena ba̧kwawejutjö laebinobe Joaquinnö. Ja̧ baledina mölema, jelemutjö̧ du̧ju̧taja jawo̧ ötjabökwenö, veintisiete jawa möle, Evil-merodacma ka̧lenatjö laebinobe Joaquinnö.