Génesis 40:11 - Dios Iwene

¹¹ Ikenama chuluwo̧ faraón u̧kwa dȩja̧'do̧ bakwamunö do̧batö jelemunö uba sacho 'yutatobekwö dȩja̧'do̧nö. Ikenama jejenö 'yubatajo dȩja̧'do̧ma chuluwo̧ faraónnö chiyobekwö chi̧'wi̧dikwatö— yöbawijetö.

Génesis 40:11 Iomraidhean Croise

Génesis 40:1

Ju'wi möle jeju, José ö̧jejunö, ka̧lela ba̧kwaweju okwa lödijadötö du̧ju̧tajanö, Egipto la'aka luwo̧, faraón ötjabökwe ömöayedönö. Jobadötjö bakwo̧ faraón owa'do̧ iyawa jojo. Jelo̧ma faraón u̧kwa pan otikwa jojo. Jobadöma faraón wei̧ tja̧ja̧kwiökökwe jwiinö labijetö. Jo̧kwaobetjö̧ faraónma webijetö guardia jojodö tjuluwo̧nöma jobadö dujutajanö ka̧lela ba̧kwaweju okwa tjödobö, jo̧ba guardia jojodö tjuluwo̧ otidejunö. Ja̧danö jejunö bi̧jetö Joséma.

Génesis 40:10

Ja̧ uba sa'ba la'akatjö wa̧pö'bakwa pokwibobekwö. Ja̧ ö'biyatjö o̧bubiya bo̧bibö opiju dei̧ opo wa̧jobekwö.

Génesis 40:12

Jejenö yöawiökwe jö̧ba̧lijetö Joséma jo̧banö: —Baikwö yötawa, kwi̧'wi̧dikwaja̧ labebo lobö. Ja̧ wa̧pö'bakwama wa̧pötakwa möle ji̧.

Génesis 40:21

Ja̧danö, owa'do̧ iyawa jojonöma webijetö ajayi otidiainobekwö otidobö. Jejenö weajökwema uluwo̧ owa'do̧ iyijetö.

Génesis 49:11

Ina yöbawijetö, ju'wi wanedö yöbawö: — Judá ökwötjö tupadanö jojodöma batjiju jali̧ oyu tjujuna̧lakwedö, nöinö pokwioyu. Ja̧danö, batjiju uba ö'biyama nöinö ju̧kwobetjö̧ tja̧jwi̧mu̧ bu̧lu̧dö möayedöbi jo̧kwadö tjukwonö tjeda̧la̧kwedö uba ö'biyatjö. Ja̧danö, uba tjujunaja̧ pokwinatjö̧ nöinö wa̧ji̧ 'döbö ubasobu nöinö tjö'yö'yakwedö, o̧'do̧bu baibanö. Ja̧danö, ubasobu nöinö tjujuna̧lobetjö̧ tjökamisima ojwiyonö tjidichi̧danö ubasobunö tjidichakwedö.

1 Reyes 10:5

ja̧danö tjukwȩko̧tjö tjukwi̧bi jedinobe, ja̧danö Salomon ömöayedö tjuluwo̧nö tjiteada̧li̧bi jedinobe, jadanö ömöayedö tjö̧ka̧misibi jedinobe, jadanö Salomon ömöayedö owakwa̧ iyawa luwedönöbi jedinobe, jadanö Isabenö Jo̧ ejutjö jwiinö ubinö iyawa baibanö iyi̧bi jedinobe. Jejenö edö, jö̧bajale jalaka baibanö jedinobe,

Proverbios 3:10

Jobekwö omukwatö kwiyitjö̧ma kwöbatjonö ajayinö wa̧jenatjö bajalekwönönö wa̧jakobe. Ja̧danö, nöinö kwödakobe lödaweju okwa, 'su̧'bȩ baibanö, Isabenö Jo̧nö ajayinö wa̧ji̧tjö̧ kwiyinobetjö̧. Ja̧danö, ubasobu pe'awa o'dijubi su̧'bȩ baibanö kwipe'akwo̧ja, ubasobu welachibanö, Isabenö Jo̧nö ajayinö waji̧tjö̧ kwiyinobetjö̧.