Génesis 4:9 - Dios Iwene

⁹ Ikenama Isabenö Jo̧ma abebö a̧ja̧kwijetö Caínnö: —Caín ¿daida kwöjawo̧ Abelma? Jejenö abebö a̧ja̧kwökwe: —Wajwita. ¿Chöjawo̧nö te'ada̧lakwawa jojo baibanö chö̧jobeji̧ ötjöma?— atadijetö Caínma.

Génesis 4:9 Iomraidhean Croise

Génesis 37:26

Ja̧danö, José öpöema, Judá mikwo̧ma, jobadö ismaelitas jojodönö edö jö̧ba̧lijetö: — A̧ja̧kwaduwitjö, döjawo̧nö kwabö loditjö̧ma, ikenama lodajökwenö tojö jojodö jo̧banö tjedokobö ¿dakwö mikwawobö ökwödönöma? Mikwawökö.

Génesis 37:32

Jemi ikenama José otiwado̧ ökamijido̧aja̧do̧ e'ewö ȩwa̧jijadötö tjabe'do ö̧jobekwö tjejube. Ichibö José ökamijido̧ i̧sebijadötö tjabe'donö. Ja̧danö jo̧banö jö̧ba̧lijadötö: —Dabe'do. Bido̧ kamijido̧da döbadekwajatö. Kwitji̧ José ökamijido̧ena. Otiwanö edi kwitji̧ ökamijido̧ojobö —

Génesis 4:10

Ikenama Isabenö Jo̧ma abebö a̧ja̧kwijetö: —Caín ¿Tajawedö sulabenö ja̧köbaja̧da? Kwöjawo̧ ökwösobu ebawö nijinö 'dukwibajabe. 'Dukwibajobu chedemi jo̧ba jwöeba̧lobedanö nijitjö ökwöa ötjönöma, Lȩbebinö balekwa mikwa, jö̧ba̧lö̧— jö̧ba̧lijetö—.

Proverbios 28:13

Ja̧danö, ju'wibi yötawa: Ökwödö jojodöma, sulabenö ja̧daja̧ma Diosnö yöbawö lodobö jo̧be. Bakwo̧, suli̧ ja̧aja̧ yöbawö loökötjö̧ma bö̧jȩnö ja̧nö otidawama sulabenö baledakwo̧. Jobekwö baledokobe suli̧ ja̧aja̧ yöbawö lobo̧nöma. Jo̧ba̧nö Diosma lȩ lö̧jinö edö pjaatakwo̧, sulabenö ja̧aja̧ yöbawö lobö, kabatibö öbalewachobetjö̧.

Juan 8:44

Ökwödö kwabe'doduwima Awetjada. Ökwödö ösödö kwö̧jaduwi̧ma Awetja ösödi̧danö ösödö kwö̧jaduwobe. Jo̧bama jojodönö kwabö lobo̧, ajayitjöda babe baibanö. Ja̧danö, isabenö jawa yöbawö̧kö̧, omönada yöbawo̧. Jo̧ba omajade okwa sule omönada a̧jobetjö̧ omönada yöbawo̧. Ja̧danö, isabenö yöawakwawama öpöjödo̧. Jo̧bama ajayinö omöna yöbawina. Ja̧danö, jojodönö tjo̧'wo̧ luwo̧nö öibobe omönada yötjawobö.