Génesis 4:20 - Dios Iwene

²⁰ Ja̧danö, Adama jitji̧nö emijotö, Jabal mikwo̧nö. Jo̧bama isa̧do̧tjö debatö o̧dodanö otikwejunö ju̧kwadötjö ajayinö ji̧na, ja̧danö, pa̧ka̧yö̧nö bötjatadötjö ajayinö ji̧na, Jabal mikwo̧ma.

Génesis 4:20 Iomraidhean Croise

Génesis 25:27

Ja̧danö, Isaac i̧tji̧muma bötjachajadöma ida̧ökö damö ju̧kwijadötö. Abönö pöe Esaúma jwiinö pjuawa 'böawa waiso̧bina, ja̧danö, meje kweachakwawa ösödabina. Ja̧danö öjawo̧ Jacobma jejenö ji̧jökötö. Jo̧bama tjo̧'omanö yöba̧lo̧bina. Jo̧bama sule eju apetuda otidö ösödiabina.

Génesis 4:19

Lamecma du̧ju̧tajanö i̧lȩkwa̧munö emijetö, Ada, Zila mikwadönö.

Génesis 4:2

Ja̧danö, jemi ikena Evama yemidanö metu'wo ji̧jotö. Metu'wo ja̧juma jelo̧ ji̧tji̧nö emijotö, Caín öjawo̧nö, Abel mikwo̧nö. Ja̧danö, jobadö damö batjibenama idö bakwo̧nökwena otidiabijadötö. Abelma o̧bȩja̧dönö bötjatö otidiabijetö, ja̧danö, Caínma batjo junö otidiabijetö.

Génesis 4:21

Ja̧danö, Ada jelo̧ jitji̧ jeminökwema Jubal mikwijetö. Jubalma arpa pjebadötjö ajayinö ji̧na, ja̧danö, isa̧nu pjubadötjö ajayinö ji̧na Jubalma.

Juan 8:44

Ökwödö kwabe'doduwima Awetjada. Ökwödö ösödö kwö̧jaduwi̧ma Awetja ösödi̧danö ösödö kwö̧jaduwobe. Jo̧bama jojodönö kwabö lobo̧, ajayitjöda babe baibanö. Ja̧danö, isabenö jawa yöbawö̧kö̧, omönada yöbawo̧. Jo̧ba omajade okwa sule omönada a̧jobetjö̧ omönada yöbawo̧. Ja̧danö, isabenö yöawakwawama öpöjödo̧. Jo̧bama ajayinö omöna yöbawina. Ja̧danö, jojodönö tjo̧'wo̧ luwo̧nö öibobe omönada yötjawobö.

Hebreos 11:9

Ja̧danö, Diosnö o̧'wo̧ öwana̧lobetjö̧ Abrahamma jobe Dios weajemi ichibö jobeda ö̧jinobe, ju'wedö tjitebonö, iteda itebomaökö. Jo̧ba jelobetjö 'yi̧nama jobe ju'wedö tjitebo nijima balewöda ö̧jinobe. Jobe ö̧jenama otiweju, 'diejunö ö̧jinokobe, iteda itebookobetjö̧. Sule chi̧wo̧dö tjöwö'yetjö otikwado̧ muchebö otidajejunöda ö̧jinobe, otiwökejunö, 'diökejunö. Ja̧danö itji̧ Isaacbi, ö'dö̧ Jacobbi jejenö tjö̧jinobe. Jobadöbi Dios yöbawö junö jö̧a̧linawö̧, Kwiteboduwi chiyocha, jö̧ba̧lö. Jo̧kwaijayonö jobadöbi ju'wedö tjitebonöda tjö̧jinobe chi̧wo̧dö tjöwö'yetjö otikwado̧da muchebö otidajejunöda, Abraham ö̧jinadanö.