Génesis 4:16 - Dios Iwene

¹⁶ Ikenama Caínma Isabenö Jo̧ ö̧jajelöma labebö 'yi̧jetö Nod nijibe ö̧jobö. Nod nijima Edén batjotjöma ja̧wo̧ laebemi badeibö ji̧jetö.

Génesis 4:16 Iomraidhean Croise

Génesis 3:8

Ja̧ baledaja̧ yi̧benakwö jobadöma iso̧, isuju Isabenö Jo̧ Dios batjo ö'öbö ichobe ökwöi̧ a̧ja̧kwijadötö. Ichobe ökwöi̧ a̧ja̧kwö Isabenö Jo̧ Diostjöma döbibajö towibiya 'da̧de ju̧kwawijadötö.

Génesis 4:14

Chitebotjö, batjo otidö chö̧jelöma a'dewö loköbökwesa. Ja̧danö, kwöba a'o chö̧jökakwo̧sa. Chejunöbi chö̧ji̧ jwiinö ö'öba̧liböda chö̧jakwo̧sa. ¡Ayö yetabi! Jelo̧ ötjönö öbadekwajitjö̧ma kwabö loakwo̧sa—jö̧ba̧lijetö Caínma Isabenö Jo̧nö budekwö.

Génesis 4:17

Ju'wi möle Caínma ilekwonö emijetö. Ja̧danö, ilekwoma ju'wi möle metu'wo ji̧jotö. Metu'wo ja̧juma jitji̧nö emijotö, Henoc mikwo̧nö. Ja̧danö, Caínma comunidad otidijetö. Otidajemima itji̧ iminö, bakwainö midijetö, Henoc, jö̧ba̧lö.

2 Reyes 13:23

Jo̧kwaijayonö, Isabenö Jo̧ma lȩlöjinö edinobe Israel jojodönö, ja̧danö lȩlöjinö edö, otiwanö pjaatinobe. Ajayinö Abrahamnöbi, Isaacnöbi, Jacobnöbi yöbawö ujunina wene omukwatö, öba a'otjö israel jojodö sulabenö ja̧bö tjö̧jijayonö, jobadönö bakobe söbebö loobö öpöjödinobe Isabenö Jo̧ma, ja̧danö babe mölebi baibanö, ina öba a'otjö a'dewö lobö̧kö̧ israel jojodönö.

2 Reyes 24:20

Juda jojodö sulabenö ja̧bö tjö̧jiökwe, jobadönö ödameakwinobe Isabenö Jo̧ma. Ja̧danö, lekwe möle sulabenö ja̧bö tjö̧jonö, o̧'wo 'dibachibö iteada̧linobe, jo̧kwaijayonö bajaliyanö jobadönö lȩebakwa̧ möle badekwachinobe, ö̧jelö a'dewö loakwa̧ mölema. Ja̧danö, ja̧ lȩebakwa̧ möle badekwachenama, Juda la'aka luwo̧ Sedequiasma Babilonia la'aka luwo̧ wei̧ a̧ja̧kwökönö, ömöayo̧ ö̧ji̧ kaatibinobe.

Diosnö ösödo̧ Job mikwo̧ usula emawina jawa 1:12

Atadökwe, Isabenö Jo̧ma yöa̧linobe: —Yöka̧lajadanö wamenöda ösödojobö kwedo. Okobe jwiinö Job ujuna̧li̧ ökwö kwujuluwobö chiyakwö Awetja, yöka̧laja̧danö baledakwojobö jö̧ba̧lö. Ökwöda kwösödi̧danö okobe jwiinö ujuna̧li suli̧ kwöwaedobö wetakwö, jo̧kwaijayonö Jobnö suli̧ kwöwaedoböma wetökö, —jö̧ba̧lö atadinobe Isabenö Jo̧ma. Ja̧danö atadökwe, Awetjama Isabenö Jo̧ öjelö laebinobe, Jobnö sulabenö ja̧akobetjö̧.

Diosnö ösödo̧ Job mikwo̧ usula emawina jawa 2:7

Weökwe, Awetjama Isabenö Jo̧ öjelö laebinobe, ja̧danö labebajo̧, Job jwiinö usula emawobö ja̧inobe. Job iteba'o ba̧kwemeachibanö inesö nii̧ wale'debiya samobö weinobe, uutjö ömasapiya baibanö.

Diosnö ösödo̧ Job mikwo̧ usula emawina jawa 20:17

—Otiwobe ja̧nö, nöinö ujuna̧lijayonö, o̧'wo ösöwanö ö̧jobö jwibo̧ sulabo̧ma, baikwö yötawa: Inesö otiwödö ö'öbö, inesö tjösödi̧ jawa ji̧ ojwe ö'öbö ö̧jijayonö, o̧'wo ösöwanö ö̧joböma jwibo̧ sulabo̧ma.

Éxodo 20:18

Ja̧danö, Israel jojodöma böba ökwödi̧ a̧ja̧kwijadötö. Ja̧danö böba nei̧ edijadötö. Ja̧danö obeja i'yeka pjuawa labinö ökwöi̧bi a̧ja̧kwijadötö. Ja̧danö, Sinaí mö'ösa'o ökwöla imuyu'wo lo̧obe edijadötö. Jejenö baledi̧ edö jwiinö yebaibijadötö, tjö̧bawinö. Jo̧kwaobetjö̧ mö'ösa'o la'akatjö ödönönöda ja̧nö

Mateo 18:20

Jau chömöledö, ötjönö tjösödobetjö̧ du̧ju̧tajaena wa̧medukwaena tjoko̧ko̧kwenama, ötjöbi jobadökwö jo̧sa— jö̧ba̧lö Jesús yöawinobe.

Lucas 13:26

Jejenö atadiawö̧ yöka̧laduwena: Comunidad mana ö'wejetjö yökawenama, ökwödöma kwöba a'otjö kwanöbi dukwijatö, ja̧danö owöbi dowijatö kwöba a'otjö. Kwöwaisawö̧sa, jö̧ba̧lö.

Juan 1:10

Ja̧danö, dewinö jo̧ma böjȩnö ö̧jena böjȩnö ju̧kwadöma tjöwaisachibinokobe jo̧banöma, Bitema Dios, jö̧ba̧löma. Böjȩbi, böjȩnö ju̧kwadönöbi otidinajayonö tjöwaisachibinokobe, Jo̧bada, jö̧ba̧löma.

Juan 1:3

Ja̧danö jo̧ba, Dios Iwene Jo̧, jö̧ba̧lö, ötjabökwema okobe jwiinö otidijetö. Jo̧ba otidinökötjö̧ma ja'yubebi batibokoinobe.

1 Tesalonicenses 1:9

Jau chömöledö, ökwödödama jobadönö yödawököjayonö, ökwödönö yöbawö di̧'yina wene yötjawobe. Baikwö yötjawobe chömöledö: Tesalónicabe yöbawö di̧'yenama, ökwödönö kwösödinaduwobe, jö̧ba̧lö, ja̧danö o̧'wo̧ jawa kwösödinaduwawö̧nö kabatibö, Diosnö kwösödinaduwobe, jö̧ba̧lö. Jau chömöledö, ökwödönö yötjawobe, Tesalónicanö ju̧kwadöma o̧'wo̧ jawa kabatibö, isabenö Dios jo̧, 'yaba̧lo̧ Dios jo̧ wei̧ ja̧bö ju̧kwadötö, jö̧ba̧lö.