Génesis 39:9 - Dios Iwene

⁹ Bejunö ötjötjö bajalekwönönö jo̧ma dea. Kwilekwema ju'wi jawabi a̧'dȩlokobe ötjönöma. Ökwönöda ile niebobe ilekwoköbobetjö̧. Sulabenö kwomukwati̧ma chöpöjöda. Dios öba a'otjö ¿dakwö sulabenö ja̧tobö ökwö kwösödi̧ma? Chöpöjöda— jö̧ba̧lijetö Joséma uluwo̧ ilekwonö.

Génesis 39:9 Iomraidhean Croise

Génesis 13:13

Ja̧danö, jemima jwiinö otiwijayonö Sodoma comunidadnö ju̧kwadöma jwiinö sulabeda omukwatö ju̧kwijadötö, Isabenö Jo̧ Dios jwiinö öpöjödi̧ jawa ja̧bö.

Génesis 20:3

Jo̧kwaijayonö Diosma öpöjödijetö Abimelec Saranö emoböma. Jo̧kwaobetjö̧ Abimelecnö öwawachijetö Diosma i̧'wi̧dinö yö̧te. Öwawachö: —Abimelec, ökwöma debö kwi̧'yakwo̧ja jelo̧ ilekwonö kwemajabetjö̧, kwilekwo baibanö— jö̧ba̧lijetö Diosma.

Génesis 20:6

Ikenama Diosma jö̧ba̧lijetö Abimelecnöma, i̧'wi̧dinö: —Jau, chöwaisa. Kwomajadenö otiwanö omukwatö weköbinobe jobujunö tjichejebobö. Jejenö chöwaisobetjö̧ ökwönö pjatatijatö, ötjö chöpöjödi̧ma sulabenö ja̧köbapji jö̧ba̧lö. Ja̧danö, pjatatijatö jobujunö maköbokobö, jobujuma jelo̧ ilekwo wajwiköbi̧ chöwaisobetjö̧.

Génesis 20:9

Ikenama Abimelecma jwöbijetö Abrahamnö ö̧jobekwö ichobö. Ichajo̧nö jö̧ba̧lijetö: —Ökwöma suli̧ kwöwaedajabe ökwödönöma, ötjö chöjawuju, jö̧ba̧lö. Ökwönöma ja'yubebi sulabenö ja̧tököjayonö ökwö sulabenö omöna yöka̧lobetjö̧ babema ötjöbi, chitebonö ju̧kwadöbi usula emawadösa. Omöna yöka̧li̧danöma yöka̧linatjö̧bö.

Génesis 24:2

Ju'wi möle, Abrahamma ömöayedötjö inesö jo̧nö, Abraham itea okobe jwiinö te'ada̧lajibo̧nö webijetö: —Chömöayo̧, Dios, mölejȩbi böjȩbi otidina Dios öba a'otjö kwiwene yöbawö junitjö, weköbi̧ma cha̧ja̧kwocha, jö̧ba̧lö. Baikwö wetakwö: Chitji̧ Isaac ilekwo bajibakwujunö bemi Canaán jojodö ya̧dötjö kwisakwoko. Babeda kwiwene yöbawö kwujuni̧ i̧sebö, chi̧sȩ'bo teebekwöchobe 'bibeba̧litjö, Weköbi̧ma isabenö cha̧ja̧kwocha. Isaac bajibakwujunö bemi Canaán jojodö ya̧dötjö chisakwokobe, jö̧ba̧lö.

Génesis 39:10

Jo̧kwijayonö jobujuma ju'wi möle, ju'wi mölebi Josénöma abeba̧liabijotö isukwöda ö̧lobö. Jo̧kwaijayonö Joséma jobuju ajeba̧li̧ma öpöjödö a̧ja̧kwiabijökötö, jobujukwö jökönö.

Génesis 41:40

Jo̧kwaobetjö̧ ökwönöda chujunocha ötjö chömöayedö chejunö otidadö tjuluwo̧ baibanö. Ökwö kwujuluwemi o̧penönö juluwo̧ma deakobe. Ötjöda, bemi la'aka luwo̧ma ökwötjö o̧penönö inesö jo̧sa— jö̧ba̧lijetö faraónma Josénöma.

Génesis 42:18

Wa̧pötakwa möle baledibajena ömöayedönö webijetö öpöedönö tjichejebobö ö̧jobekwö. Ichajadönö jö̧ba̧lijetö: —Ötjöma Diosnö yebabo̧sa, ja̧danö, jo̧banö jweinö omukwatö jo̧sa. Jo̧kwaobetjö̧ ötjö weti̧ kwa̧ja̧kwaduwitjö̧ma kwö̧jibaduwinö pjatatena.

2 Samuel 11:27

Jemi ikenama, jilekwenö budekwö kajataja̧ möle baledaja̧ ikenama, David weinobe, ejube tjichejebobö Betsabenö, David ilekwo bajibanö. Ikenama, ja'yubenö lekwajabetjö, David itji̧nö jeminobe. Jobekwö laebobe David sulabenö ja̧ina wenema, ja̧danö Isabenö Jo̧ma öpöjödinobe, Davidma jwiinö sulabenö ja̧inobe jö̧ba̧lö.

2 Samuel 12:13

Jejenö yöawiökwe, Davidma Natannö atadinobe, —Isabenö sulabenö ja̧tajabe, Isabenö Jo̧ Dios öpöjödi̧nö, —jö̧ba̧lö. Atadökwe, Natanma Davidnö yöawinobe, —Ju'wibi yötawakwö David, Isabenö Jo̧ma sulabenö ja̧köbaja̧tjö kwusula söbebö loajabe, ja̧danö ja̧köbina lȩbebö, kwabö loökakobe ökwönö David.

Diosnö ösödo̧ Job mikwo̧ usula emawina jawa 31:23

Jo̧kwaijayonö, Diosnö yetabobetjö̧ jejenö ja̧binö̧kö̧sa chömöledö. Jau chömöledö, Dios inesö ujulu edö, chujulu jwibö yetabijatö, ja̧danö yebabinö ja̧nö, jejenö ja̧tijökötö, –Dios labinö lȩebapji, –jö̧ba̧lö.

Éxodo 20:14

Ja̧danö ju'wibi wetaduwakwö ömadönö: Jelo̧ ilekwokwö sulabenö ja̧bö kwalewaduwoko. Ja̧danö ya̧dönö wetaduwakwö: Kwilekwebö̧kö̧kwö sulabenö ja̧bö kwalewaduwoko.

Proverbios 6:29

Chitji̧, jobekwö labi̧ jawa baledakobe ökwönöma jelo̧ ilekwo̧kwö bakwobe kwö̧jitjöma. Isabenö ökwönö lȩtjebakwo̧ja.

Proverbios 6:32

Ja̧danö ökwödöma, jo̧ba usulaso̧ naukwabo̧nöma edö, usulaso̧, a̧wi̧chi̧lö̧jökwe naukwajo̧ jö̧ba̧lö, jo̧banö döpöjödokobe. Jo̧kwijayonö bakwo̧ jilekwenö juna̧lujukwö bakwobe ö̧jitjö̧ma jo̧banöma jwiinö döpöjödobe, sulabenö ja̧obe, jö̧ba̧lö. Isabenö yötawa: Jo̧ba, jilekwenö juna̧lujukwö jo̧ma jweinö omukwatö̧kö̧. Itedada wene jwöebakwo̧, jilekwenö juna̧lujukwö ö̧jobetjö̧.

Lucas 12:48

Jo̧kwaijayonö ömöayedötjö uluwo̧ wei̧ wajwibö uluwo̧ öpöjödi̧danö ja̧bo̧nöma labinö kwakwaökena uluwo̧ma. Wajwibö sulabenö ja̧obetjö̧, uluwo̧ma labinö kwakwaökena, ja'yubeda kwakwaena, wajwibö sulabenö ja̧ajabe jö̧ba̧lö— yöawinobe Jesúsma. Wanedö yöbawajo̧, Jesúsma labebö lobö yöawinobe baikwö: —Chöba̧ja̧di̧ waisachadötjö nöinö chöba̧ja̧dawö̧ma, nöinö tjotidobö weakobe Diosma, bidöma isabenö otiwanö otikwa waisadö jö̧ba̧lö. Ja̧danö ju'wibi yötawaduwakwö, bidöma otiwanö tjotidakwedö jö̧ba̧lö nöinö tjotidobö Dios 'da̧batö ujunawö̧ma, ju'wedötjö bajalekwönönö nöinö tjotidobö jo̧be— jö̧ba̧lö yöawinobe.

1 Corintios 4:2

Ja̧danö, bakwo̧ iteda ömöayo̧nö te'ada̧lo̧ baibanö ujunitjö̧ma, jwaikwöda uluwo̧ wei̧ ja̧bö ö̧jobö jo̧be, ömöayo̧ma, ¿jö̧tö?

Tito 2:10

ja̧danö tjuluwedö tjujuna̧li̧ma naukwökönö tjö̧jobö. Jau Tito, jobadö tjö̧ji̧ma tji̧sebobö jo̧be, jwaikwöda chuluwo̧ wei̧ jweinö ja̧bö jo̧sa jö̧ba̧lö. Ja̧danö, jejenö tji̧sebobe edö, ju'wedöma dö̧jibinö pjabato̧ Dios yöawi̧ma tjösödakobe, otiwa jö̧ba̧lö.

Hebreos 13:4

Ja̧danö chömöledö, ju'wibi yötawaduwakwö. Ökwödötjö kwilekwonö kwemobö, ja̧danö kwilekwenö kwemobö omukwatadönö yötawa. Yebabinö omukwatö kwemaduwo kwilekwonö, ja̧danö kwilekwenö. Ja̧danö, eminadönöbi yötawa. Yebabinö omukwatö kwuju̧kwaduwo kwilekwokwö, ja̧danö kwilekwekwö. Ja̧danö, okobe deinö yötawaduwakwö. Emökönöma kwalewaduwa, Diosma emökönö alewadönö lȩebakobetjö̧. Ja̧danö, Diosma jeluju jilekwenö alewujunö, jelo̧ ilekwonö alewo̧nö lȩebakwo̧.

1 Juan 3:9

Chö̧ja̧wo̧dö, Dios Itji̧ babibo̧nöma Dios 'yayi̧ ja̧kwawa iyinökwe. Jo̧bama o̧'wo̧ luwo̧nö balekwo̧, 'yabayo̧da ö̧jökwe, omajade okwanö Dios omukwati̧danö omukwatinö. Ja̧danö, Dioskwö dötewinö 'ya̧nö jo̧ba 'yabayo̧ ö̧ji̧danö jo̧ma suli̧ jawa ja̧okobe.

Apocalipsis 21:8

Jo̧kwaijayonö jejenömaökö ju'wedönöma. Yebabinö, ¡Ayö! Diosnö chösöditjö̧ma inia tjötinö baledena, jö̧ba̧lö, yebabo̧danö yebabinadönöma otiwi̧ma chiyökakwo̧sa. Ja̧danö, Diosnö kabatibinadönöbi, ja̧danö, sulabedökwö pjabacha̧linadönöbi otiwa jawama chiyökakwo̧sa. Jobadönö ökwöla nöola okwa lotakwo̧sa. Ja̧danö, tji̧lȩkwa̧muböködökwö sulabenö ja̧binadönöbi, ja̧danö, jojodönö kwabö lobinadönöbi, ja̧danö, mea bobinadönöbi, ja̧danö, ju'wedö tjo̧'wo̧ tjöwana̧lobö tjotidinökwenö tjo̧'wo̧ wana̧linadönöbi, ja̧danö, bakwelajatebö omöna yöba̧linadönöbi, jobadönöma ökwöla nöola okwa lotakwo̧sa. Jobema jwiinö tubinö ubobe, azufre mikwi̧ tubi̧ma. Joola okwa lotji̧ma, 'dö̧ibaji̧ woawa mikwemi, jö̧ba̧lö weijatö Diosma ötjönöma, chiwȩyudobö.

Apocalipsis 22:15

Jo̧kwaijayonö ju'wedöma tetjachökakwedö. Jobadöma 'yayi̧ Jerusalén comunidad ö'öböda tjuju̧kwakwedö, sulabedöma. Jobadöma mea bobadöbi, tji̧lȩkwa̧muböködökwö sulabenö ja̧döbi, jojodönö kwabawö lobadöbi, jojodö tjotidina tjo̧'wo̧ jawa tjo̧'wo̧ wana̧ladöbi, omöna yöba̧lö ja̧döbi. Jobadöma tetjachökakwedö— jö̧a̧lijatö Jesúsma.