Génesis 39:2 - Dios Iwene

² Ja̧danö, Isabenö Jo̧ Diosma Josénö pjabatö ö̧jobetjö̧ Joséma uluwo̧ Potifar ejunö ja̧nö okobe jwiinö otidi̧ma otiwijetö.

Génesis 39:2 Iomraidhean Croise

Génesis 21:20

Ja̧danö, jemi tupakwöma Diosma te'ada̧lijetö Ismaelnöma, öda̧peachonö pöe baibenanö. Jo̧bama Parán mejenö ja̧nö da̧peachijetö. Jobe ja̧nö na̧yu̧nu̧bi̧ya 'böbawö waisachijetö. Ja̧danö, ojo'doma jo̧ba ilekwonö ichejebijotö Egipto nijitjö.

Génesis 21:22

Ja̧danö, ju'wi möle la'aka luwo̧ Abimelecma, guardia tjuluwo̧ Ficol mikwo̧kwö 'yi̧jetö Abraham ö̧jobekwö. 'Ya̧jo̧ ichibö jö̧ba̧lijetö Abrahamnöma: —Abraham, chedemi Diosma ökwökwö pjabatö ö̧jobe, okobe jwiinö kwö̧ji̧ma.

Génesis 26:24

Ichibaja̧ yöte Isabenö Jo̧ Diosma öwawachijetö Isaacnö. Öwawachö yöbawijetö: —Isaac, ötjöma kwabe'do Abraham Uluwo̧ Diossa. Yebabökönuwi, ökwökwö chö̧jobetjö̧. Ja̧danö, dösölö̧jinö edö pjatatakwo̧sa. Isaac, ökwötjö tupadanö jojodöma tjöba̧jekwachinö pjatatakwo̧sa. Chömöayo̧ Abrahamnö chiwene yöbawö chujuninadanö dösölö̧jinö edö pjatatakwo̧sa ökwönöma— yöbawijetö Isabenö Jo̧ Diosma Isaacnöma.

Génesis 26:28

—Ökwödöma jweinö dedobe, Isabenö Jo̧ Diosma ökwökwö ö̧jobe, jö̧ba̧lö. Jo̧kwaobetjö̧ domukwatijatö baikwö: Ökwökwö, ökwödökwö diwene yöba̧lakwawö dujuno, otiwanö dö̧jakwa̧ diwenema.

Génesis 28:15

Ina yöbawijetö: —Jacob a̧ja̧kwitjö. Ötjöma ökwökwö jo̧sa. Ba̧kwȩlö̧jatebö ökwönö chite'ada̧lakwo̧sa okobe jwiinö kwi̧'yobema. Ja̧danö, ju'wi möle bemi nijinöma ökwönö tjetatakwo̧sa. Isabenö ökwönö junibö̧kö̧sa Isaac. Ja̧danö okobe jwiinö ötjö chiwene yöbawö chujuni̧danö badekwachakobe— yöbawijetö Isabenö Jo̧ Diosma Jacobnö, i̧'wi̧dinö.

Génesis 39:23

Ja̧danö, Isabenö Jo̧ Diosma Josénö pjabatö ö̧jobetjö̧ okobe jwiinö José otidi̧ma otiwijetö. Jo̧kwaobetjö̧ jeju ba̧ja̧dadönö te'ada̧lo̧ma jeju okwa ji̧ma omukwatöbi omukwatijökötö, Joséma otiwanö otidobetjö̧.

Génesis 39:3

Ja̧danö, uluwo̧ma Josénö edö, Chedemi Isabenö Jo̧ Diosma bitenö pjaatobe, okobe jwiinö otidi̧ma otiwanö ji̧nö, jö̧ba̧lö, omukwatijetö.

2 Reyes 18:7

Ja̧danö, jobekwö ösödö ö̧jiökwe, Ezequiaskwö ja̧nö pjaatinobe Isabenö Jo̧ma. Jo̧kwajabetjö̧ okobe jwiinö Ezequias otidi̧teniama otiwanö laebinobe. Ajayinö Asiria la'aka luwo̧ ömöayo̧ ö̧jinajayonö, wei̧ a̧ja̧kwobö öpöjödinobe Ezequiasma, ja̧danö ömöayo̧ ö̧jitjö laebinobe.

1 Crónicas 9:20

Salum a'dödö damötjö teada̧lakwawö tjö̧jina jawa baikwö laebobe. Eleazar itji̧ Fineesma, Isabenö Jo̧ eju apjudebiya teada̧ladö tjotidawa jwebebö ö̧jinobe, ja̧danö Isabenö Jo̧ma otiwanö Fineeskwö ja̧nö pjaatinobe.

Isaías 41:10

Yekabiduwoko ökwödö israel jojodö, ötjöda ökwödökwö jo̧chobetjö̧, ja̧danö kwo̧'wo tjo̧bekwö kwö̧jaduwoko, ötjöda kwösödaduwökwe Dioschobetjö̧. Jau, ötjöda kwujuluwaduwachibanö pjatatakwo̧sa, meköbaduwapji jö̧ba̧lö, ötjöda chömamu juluwamu chöwaisobekwöchobesamunö do̧balö pjatatakwo̧sa.

Isaías 43:2

Jau, wene kwöbaledaduwenama, pjatatakwo̧sa, baikwö wanedö yöta̧la: Ojwiyo da̧kwemi kwöbaledaduwena, ökwödökwö chö̧jakwo̧sa, ja̧danö ojwe da̧kwödö pekibaduwijayonö o̧kibaduwökakwedöja, ötjöda tjöbeba̧lö pjatatobetjö̧. Ja̧danö ökwöla nöinö ubola ö'wejenö kwöbaledaduwijayonö, kwubaduwökakwedöja, ökwöla neawanima suli̧ öwaedökakwawö̧ja.

Mateo 1:23

Yötawaduwakwö, ina iso̧nö ja̧bökujuma, metu'wo jö̧jakobe, ja̧danö jitji̧nö jemakobe, ja̧danö jo̧banö Emanuel jö̧ba̧lö ötjabikobe, Diosma ökwödökwö jo̧, jö̧ba̧lö laebobe Dios iwene.

Hechos 8:31

Jejenö abebö a̧ja̧kwiökwe atadijetö: —¿Dakwö chöwaisachibobö ötjönö yöbawo̧ bakwo̧bi deobema? Bena nöchö a̧jibö yöbawitjö—jö̧ba̧lijetö Etiopía jojoma.

1 Timoteo 6:1

Ja̧danö tjömöayedö baibanö midö tjeminawö̧ Cristo Jesúsnö ösödadöma, böjȩ tjuluwedönö otiwanö tjomukwatobö jo̧be, bite wei̧ ja̧bö chö̧jo jö̧ba̧lö. Jejenö omukwatö öpöjödabökönö tjuluwedönö tjösödobö jo̧be Cristonö ösödadö tjömöayedöma, ju'wedö Diosnö sulabenö yötja̧lapji jö̧ba̧lö, ja̧danö yödawi̧ wene sulabenö yötja̧lapji jö̧ba̧lö.

Josué 1:5

Isabenö kwujuluwachibanö pjatatakwo̧sa, baikwö yötawa: Ina 'yaba̧lo̧ kwö̧jayi, kwöpöjojodötjö bakwo̧bi ökwönö ujuluwobö jwiakobe, okobe deinö kwöba a'otjö dötjibajakwedö. Jau Josue, Moiseskwö ja̧nö pjatatinadanö, ökwökwöbi ja̧nö pjatatakwo̧sa, isabenö ba̧kwelöjatebö ökwökwö chö̧ja̧kwo̧sa, la'akatjöda ökwönö katatibökakwo̧sa.

Josué 1:9

Jau Josue, wetaja̧danö yemidanö wetakwö, Kwujuluwachibanö yebabökönö kwö̧jo. Kwöpöjojodö tjöba a'o ja̧nö, yebabinö tjö̧bawöma kwö̧joko, ötjö kwösödökwe Isabenö Jo̧ Diosma okobe jwiinö kwekachi̧tenia ökwökwö chö̧jobetjö̧, —jö̧ba̧lö yöa̧linobe Isabenö Jo̧ma, Josuenö.

Josué 6:27

Ja̧danö, ja̧ möle baledi̧natjö̧, öwaetjöda öwawinobe, Isabenö Jo̧ma Josuekwö jo̧ jö̧ba̧lö. Ja̧danö niji ba̧kwemeachibanö jojodöma Josuenö tja̧ja̧kwinobe, Isabenö Josuema juluwo̧, jö̧ba̧lö.

1 Samuel 16:18

—Weiökwe, ömöayedötjö bakwo̧ yöawinobe, —Chuluwo̧, bakwo̧nö chedijatö, Belen jojo Isai itji̧mutjö bakwo̧ arpa waiso̧nö. Jo̧bama arpabi waiso̧, ja̧danö yebabö̧kö̧. Isabenö ölakwabikwawa jawa waiso̧, ja̧danö yöa̧li̧ma, waisanö omukwatö yöba̧lo̧. Jo̧bama jwiinö otiwo̧, ja̧danö ju'wibi Isabenö Jo̧ otiwanö pjaatökwe, —jö̧ba̧lö yöawinobe.

1 Samuel 18:14

Isabenö Jo̧ otiwanö Davidkwö ja̧nö pjaatobetjö̧, okobe jwiinö ölakwabikwawö ö̧ji̧ma, waekwökönö otiwanö ujuluwinö ölakwabikwawinobe.

1 Samuel 18:28

Ja̧danö, baledi̧ edö, Saulma öwaetjöda öwawinö edö öwaisachibinobe, Isabenö Jo̧ma Davidkwö ja̧nö pjabato̧, jö̧ba̧lö. Ja̧danö ju'wibi edinobe, chitjiju Micalma isabenö Davidnö ile nibebö ösöduju jö̧balö.

1 Samuel 3:19

Ja̧danö, jemi tupakwö Samuelma otiwanö ö̧da̧peachinobe, ja̧danö Isabenö Jo̧ma isabenö Samuelkwö ö̧jinobe. Ja̧danö Diosma isabenö pjaatinobe, okobe jwiinö Samuel yöawi̧danö badekwachinö baledobö, Samuel tupakwö baledakwa̧ jawa yöawi̧ma.