Génesis 39:17 - Dios Iwene

¹⁷ Ja̧danö, jilekwe ȩwa̧jena yöbawijotö: —Chilekwe, jo̧da ökwö kwichejebinökwe hebreo jojo, kwömöayo̧ma ötjönö sulabenö ja̧otö jö̧ba̧lö teachatö

Génesis 39:17 Iomraidhean Croise

Génesis 39:14

jwöbijotö jeju okwa otidadönö, Ichaduwi, jö̧ba̧lö. Ichajadönö omöna yöba̧lö jö̧ba̧lijotö: —Edaduwi bido̧ hebreo jojo ökamijido̧. Isabenö chilekwema jo̧banö ichejebinökötjö̧ma otiwena. Ökwödö ya̧dönö sulabenö ja̧otö jö̧ba̧lö ichajo̧. Obo̧. Ötjökwö ö̧lotö jö̧ba̧lö teachitjö̧ labinö jwöteba̧latö.

Génesis 39:16

Ikenama, ökamijido̧ juna̧lö te'ada̧lijotö jilekwe ȩwa̧jenanö, jo̧banö ji̧sebobö.

Génesis 39:18

Jo̧kwaijayonö jwöteba̧liökwe ökamijido̧ma ötjö chipjeanö lödibö labeibö döibajatö apetube— yöbawijotö jilekwenö.

1 Reyes 18:17

Ja̧danö, Eliasnö edenama, jo̧banö abebö a̧ja̧kwinobe Acabma, —Ökwöma isabenö israel jojodönö suli̧ waedo̧ Eliasköbiji̧? —jö̧ba̧lö.

Éxodo 20:16

Ja̧danö ju'wibi wetaduwakwö: Kwömöledöso̧, wene juna̧lo̧ma omukwatö juno̧ luwo̧ öbajale a'otjö ja̧nö kwatadaduwobö aebitjö̧ma omöna yöka̧laduwoko.

Éxodo 23:1

Ina Isabenö Jo̧ma Moisésnö webijetö, weawa wene ujunobö Israel jojodönö a̧ja̧kwö tjö̧jobö, baikwö: —Ju'wedönöma omöna yöka̧laduwoko. Wanedö yötawa: Bakwo̧, sulabenö ja̧bo̧nöma ötjibobe lȩekwa omukwatö junadö tjöbajale a'o tjujunobö. Ja̧danö, omukwatö junadöma ökwönö jo̧banöma yöka̧lobö aeba̧litjö̧ma jweinöda yöka̧lo. Omönama yöka̧loko jo̧banö pjakatobö, ja̧danö jo̧banöma lȩtjebokobö. Jweinöda yöka̧lo.

Proverbios 12:19

Ja̧danö, ju'wibi yötawa: Jweinö yöawakwawama la'akatjöda balewachokobe, ba̧kwelöjatebö jweinö ji̧. Jo̧kwaijayonö omöna yöawakwawama ba̧kwȩlö̧jatebö jö̧kö̧. Jojodöma omöna yötjawi̧ a̧ja̧kwö juluwanö tjöwaisachibakwedö, omönada yötjawa jö̧ba̧lö. Ja̧danö, juluwanö tjöwaisachibobetjö̧ omöna yöawakwawama lekwökö ji̧, ja̧danö ba̧kwȩlö̧jatebö jö̧kö̧.

Proverbios 19:5

Ja̧danö, ju'wibi yötawa, wanedö: Bakwo̧ lȩekwa yöbawo̧ öba a'o ja̧nö iteda edinatjö̧bi, a̧ja̧kwinatjö̧bi yöawobö wetjökwe. Isabenö yötawa: Bakwo̧ lȩekwa yöbawo̧nö yöawena jweinö yöawobö jo̧be. Omöna yöbawo̧nö isabenö lȩtjebakwo̧. Yelösöda omöna yöbawo̧nöma lȩtjebakwa̧tjö ö̧jibobö jwiobe, ja̧danö döibajoböbi jwiobe.

Proverbios 19:9

Ja̧danö, ju'wibi yötawa wanedö: Bakwo̧ lȩekwa yöbawo̧ öba a'o ja̧nö iteda edinatjö̧bi, a̧ja̧kwinatjö̧bi yöawobö wetjökwe. Isabenö yötawa: Jo̧bama lȩekwa yöbawo̧nö yöawena jweinö yöawobö jo̧be. Omöna yöbawo̧nö isabenö lȩtjebakwo̧. Yelösöda omöna yöbawo̧nöma lȩtjebakwa̧tjö ö̧jibobö jwiobe, ja̧danö döibajoböbi jwiobe.

Proverbios 26:28

Ja̧danö, ju'wibi yötawa: Omöna yöba̧lo̧ma jwiinö öpöjödobe omöna yöa̧lawö̧nöma. Ju'wibi yötawa: Bakwo̧ ösödö yöa̧lonö omajadenö sulabenö omukwato̧ma yöa̧lawö̧nöma wene jwöebakwo̧.

Mateo 26:65

Jejenö yöa̧lökwe, ö'weje pjabatadö la'aka tjuluwo̧ma ökamijido̧ kȩ'ekwö lobö yöa̧linobe: —Bitema Diosnö sulabenö yöa̧lajabe. Ökwödöma ökwödöda dölakiyunö jo̧ba sulabenö yöa̧laja̧ da̧ja̧kwobetjö̧, ju'wedö jo̧ba sulabenö ja̧ina edinadönö abebö da̧ja̧kwobö jwiobe, ökwödöda da̧ja̧kwajabetjö̧.