Génesis 38:10 - Dios Iwene

¹⁰ Jejenö sulabenö omukwatö ja̧iökwe Isabenö Jo̧ Diosma Onánnö ö'wö baibanö lȩbebijetö webijetö.

Génesis 38:10 Iomraidhean Croise

Génesis 46:12

Jacob ikena itji̧ma Judá. Judá itji̧mu ömadöma bidö: Er, Onán, Sela, Fares, Zara. Er, Onán wobijadötö Canaántjö̧. Ja̧danö, Fares i̧tji̧mu ömadöma bidö: Hezrón, Hamul.

2 Samuel 11:27

Jemi ikenama, jilekwenö budekwö kajataja̧ möle baledaja̧ ikenama, David weinobe, ejube tjichejebobö Betsabenö, David ilekwo bajibanö. Ikenama, ja'yubenö lekwajabetjö, David itji̧nö jeminobe. Jobekwö laebobe David sulabenö ja̧ina wenema, ja̧danö Isabenö Jo̧ma öpöjödinobe, Davidma jwiinö sulabenö ja̧inobe jö̧ba̧lö.

1 Reyes 17:20

Ikenama, wanajo̧, Isabenö Jo̧nö jwöbö aebinobe, —Chuluwo̧ Isabenö Jo̧ Dios, beju jojosuju ötjönö teada̧lö, jejunö chö̧jobö iyujunö, tajawedö usula jemawi̧nö, jitji̧nö kwabö loköbaja̧da? —jö̧ba̧lö.

1 Crónicas 2:3

Ja̧danö, Israel itji̧ Juda itji̧muma bidö: Ilekwo cananeo jojosuju Bet-sua mikwuju jitji̧muma, Er mikwo̧bi, Onan mikwo̧bi, Sela mikwo̧bi. Jo̧kwaijayonö, Juda itji̧ abönö pöe Erma Isabenö Jo̧ öba a'otjö sulabenö ja̧inobe, ja̧danö sulabenö ja̧iökwe, Ernö kwabö loinobe Isabenö Jo̧ma.

1 Crónicas 21:7

Jobekwö israel jojodönö tjö̧ba̧jadobö David weiökwe, jwiinö öpöjödinobe Diosma, ja̧danö öpöjödö lȩebinobe israel jojodönö.

Proverbios 14:32

Ja̧danö, ju'wibi yötawa: Dios wei̧ a̧ja̧kwö jo̧ma, otiwanö ja̧bö ö̧ji̧ma jo̧banö ite'ada̧li̧danö te'ada̧lobe labi̧ jawatjö ö̧jibinö. Jobekwö baledokobe sulabenö omukwato̧nöma. Sulabenö omukwato̧ ö̧ji̧ma itenöda nöinö wene jwöebakwa̧, wene ujuna̧li̧tjö̧ ö̧jibökönö.

Proverbios 24:18

Isabenö Jo̧ma kwomukwati̧ öwaisobetjö̧ jobekwöma kwomukatoko kwöpöjojonö suli̧ baledena. Isabenö Jo̧ma jwiinö öpöjödobe jobekwö kwomukwati̧ma. Isabenö yötawa: Jobekwö kwomukwatitjö̧ma, wainö mebo̧, jö̧ba̧lö, Isabenö Jo̧ma ju'winö kwöpöjojonö lȩebobö ji̧jayonö lȩebökönö pjaatena, ökwöma sulabenö kwomukwatinobetjö.

1 Samuel 2:25

Baikwö yötawaduwakwö chi̧tji̧mu, ökwödö sulabenö ja̧köbaduwi̧ma, jojodönödama sulabenö ja̧böködöja, Diosnöda sulabenö ja̧badöja, jwiinö labi̧. Kwöwaisaduwa, jojodö ju'wedö jojodökwö wene tjujuna̧lenama, Dios pjaatena, wene jwiamachibobö, ¿jö̧tö? Jau chitji̧mu, Diosda wene juna̧ladö tjö̧'da̧de ja̧nö pjaatobö jo̧be, jojodö jojodökwö wene tjujuna̧lenama. Jo̧kwaijayonö, jojodö Diosnö sulabenö ja̧tjenama, pjabato̧ deobe wene tjujuna̧li̧ jwiamachibanö pjaatoböma chitji̧mu, Diosnöda sulabenö ja̧tjobetjö̧. Jo̧kwajabetjö̧, ökwödö sulabenö ja̧köbaduwi̧ma inesö labi̧, Diosnöda sulabenö ja̧köbaduwobetjö̧ chitji̧mu, kabatakwawaduwi, Diosma ökwödönö lȩebapji jö̧ba̧lö, —yöa̧linobe Elima i̧tji̧munö. Jo̧kwaijayonö, jejenö yöa̧lijayonö, tjabe'do yöa̧li tja̧ja̧kwinokobe Eli i̧tji̧muma, Diosma ida̧ökö jobadönö lȩbebö kwabö loakwa̧ omukwatö ujuninobema, tja̧ja̧kwinokobe.