Génesis 37:22 - Dios Iwene

²² Chömöledö, dö̧ja̧wo̧ ökwösobu ebawinö ja̧köbaduwa. Jo̧banö kwaböbi kwadokonö. Edaduwi biju meje ö'wejesaju okwa jadonö— jö̧ba̧lijetö öjawo̧dönö. Ja̧danö, Rubénma jejenö jö̧ba̧lö omukwatijetö, Makö ichibö Josénö jajutjö töbeibö dȩwa̧jobö dabe'do ö̧jobekwö, jö̧ba̧lö.

Génesis 37:22 Iomraidhean Croise

Génesis 22:12

Ja̧danö, ángelma jö̧ba̧lijetö: —Abraham, ¡kabati! ¡Kwitji̧nö 'wibebö lobökönuwi! Babema ötjö weti̧ a̧ja̧kwö kwitji̧nö, jo̧dawo̧nö ö'wiawökönö ötjönö kwiyobe chedobetjö̧ chöwaisa, ökwöma ötjönö kwo̧'wo wa̧na̧lö ösödo̧ja, jö̧ba̧lö— jö̧ba̧lijetö ángelma.

Génesis 37:21

Ja̧danö, jobadötjö bakwo̧, abönö pöe Rubenma, jejenö yötja̧lakwawi̧ öpöjödö, José ö̧jibobö ösödö jö̧ba̧lijetö öjawo̧dönö: —Kwabö lodokonö.

Génesis 37:23

Ikenama Joséma öpöedö tjuju̧kwena ichibena öpöedöma do̧batö labinö ja̧bö 'yo̧bebijadötö ökamijido̧ wamesado̧ otiwado̧ma.

Génesis 42:22

Ja̧danö, Rubenma jö̧ba̧lijetö jobadönö: —Ja̧ mölema ötjö yötawi̧ kwa̧ja̧kwaduwijökötö. Sulabenöma ja̧köbaduwanö jwöteba̧lijayonö yelösöda kwa̧ja̧kwaduwijökötö. Babema döjawo̧nö kwabö lodina balekwa mikwa dimidawobe— jö̧ba̧lijetö Rubenma ö̧ja̧wo̧dönöma.

Éxodo 24:11

Ja̧danö, okobe deinö nöchajadöma Moisés, Aarón, Aarón itji̧mu̧, Israel jojodötjö la'aka luwedö Diosnö tjedijayonö tjedaja̧ mikwama lȩbebijökötö Diosma. Ja̧danö, nöchajadöma bakobe ba̧nö kwanöbi kwijadötö, ja̧danö owöbi owijadötö.

Mateo 27:24

Pilatoma jojodö labinö jwötjeba̧lobe edö, öwaisinobe, Jesúsnö kwabö lotjoko jö̧ba̧lö yöta̧lijayonö, tja̧ja̧kwökena, ja̧danö atjebi̧danö ja̧tökötjö̧ma, ölakwabikwawö tjölabena jö̧ba̧lö. Jo̧kwajabetjö̧, ojwiyo tjichejebobö weinobe, ja̧danö jojodö tjöba a'o ja̧nö ömamiju dichawö jojodönö yöawinobe: —Bite ökwösobu chömamutjö dichö lobo̧sa. Jo̧ba woakwa̧ma ötjö ja̧ti̧maökö, ökwödö ja̧köbaduwi̧da— jö̧ba̧lö.

Hechos 12:1

Ja̧danö, jejenö baledonö la'aka luwo̧ Herodes mikwo̧, romano jojoma webijetö ömöayedönö Jesúsnö ösödadötjö ju'wedönöma do̧batö inia tjötjinö ja̧tjobö .

Deuteronomio 13:9

jobadönö kwabö loköbaduwobö ja̧kobe. Yöne kwömöledö tjö̧jitjö̧böbi, yayonö jobadönö kwabö loköbaduwobö ja̧kobe, ja̧danö ökwöda jobadö sulabenö ötjibaja̧ kwa̧ja̧kwaduwobetjö̧, ökwöda ajayinö inawiya kwikwobö ja̧kobe, ja̧danö kwi̧sȩbaja̧danö okobe deinö ju'wedö israel jojodöbi inawiya tjikwobö ja̧kobe, debö tji̧'yenanö baibanö.