Génesis 37:21 - Dios Iwene

²¹ Ja̧danö, jobadötjö bakwo̧, abönö pöe Rubenma, jejenö yötja̧lakwawi̧ öpöjödö, José ö̧jibobö ösödö jö̧ba̧lijetö öjawo̧dönö: —Kwabö lodokonö.

Génesis 37:21 Iomraidhean Croise

Génesis 35:22

Jobe ja̧nö, Israel itji̧ Rubénma abe'do ömöayuju, ilekwonö eminoko Bilha mikwujukwö ji̧jetö., Ja̧danö, Israelma ju'wedö yötjawi̧ a̧ja̧kwijetö, kwitji̧ sulabenö ja̧ajabe kwilekwokwö, jö̧ba̧lö yötjawi̧ma. Baikwö laebobe Jacob i̧tji̧mu̧ ömadö a̧li̧nösamutjö̧ dujutajanö tjimibiya:

Génesis 37:22

Chömöledö, dö̧ja̧wo̧ ökwösobu ebawinö ja̧köbaduwa. Jo̧banö kwaböbi kwadokonö. Edaduwi biju meje ö'wejesaju okwa jadonö— jö̧ba̧lijetö öjawo̧dönö. Ja̧danö, Rubénma jejenö jö̧ba̧lö omukwatijetö, Makö ichibö Josénö jajutjö töbeibö dȩwa̧jobö dabe'do ö̧jobekwö, jö̧ba̧lö.

Génesis 42:22

Ja̧danö, Rubenma jö̧ba̧lijetö jobadönö: —Ja̧ mölema ötjö yötawi̧ kwa̧ja̧kwaduwijökötö. Sulabenöma ja̧köbaduwanö jwöteba̧lijayonö yelösöda kwa̧ja̧kwaduwijökötö. Babema döjawo̧nö kwabö lodina balekwa mikwa dimidawobe— jö̧ba̧lijetö Rubenma ö̧ja̧wo̧dönöma.

Génesis 9:5

Ina jö̧ba̧lijetö: —Yötawaduwakwö: Tebonö jo̧ jojonö kwabö loitjö̧ma jo̧banöma balekwa mikwa kwabö loköbaduwonö. Ja̧danö, jojonöbi jejenö, bakwo̧ jelo̧ jojonö kwabö lobo̧nöma. Bakwo̧ jelo̧ jojonö kwabö loitjö̧ma jo̧banö balekwa mikwa kwabö loköbaduwonö, jelo̧ jojonö kwabö lobo̧nöma.

Mateo 10:28

Jojodönö yekabiduwa chömöledö, jobadöma sule tjiteba'oda kwabö lobadö, tjo̧'wo̧ luwo̧nö kwabö lotjoböma juluwöködö. Jau chömöledö, Diosnöda yekabiduwobö jo̧be, jo̧bama isabenö jojodönö lȩebobö juluwo̧obetjö̧, jo̧bada ökwöla nöolatjö jojodö tjiteba'obi, tjo̧'wo̧ luwo̧bi söbebö loakwo̧.

Josué 10:28

Ja̧danö, ju'wibi, ja̧ möle Josuema ölakwabikwawa jojodökwö Maqueda comunidad ujuluwinobe. Juluwajo̧, okobe deinö Maqueda comunidadnö ju̧kwadönöbi, la'aka tjuluwo̧nöbi kwabawö loinobe, bakwo̧bi ö̧jibökönö. Jejenö ajayinö Jerico cominidad la'aka luwo̧nö kwabö loinadanö, Maqueda comunidad la'aka luwo̧nöbi kwabö loinobe.