Génesis 37:14 - Dios Iwene

¹⁴ Ikenama jö̧ba̧lijetö abe'doma: —Kwedajo kwöpöedö, cha̧jwi̧mubi otiwanö tjuju̧kwojobö. Ikena ȩwa̧jö yökawotjö— webijetö Israelma itji̧ Josénöma, Hebrón niji ba̧ba̧lawena ja̧nö labeibö Siquembe i̧'yobö. Ja̧danö, Joséma jobekwö 'yajo̧ ichibijetö Siquembe.

Génesis 37:14 Iomraidhean Croise

Génesis 13:18

Jejenö weiökwe Abramma isa̧do̧tjö otidinejuma ejatibö e'ewö 'yi̧jetö. 'Ya̧jo̧ Hebrón comunidad ö'öbönö ju̧kwijetö, towibiya owiawi ju̧kwena. Jobema jelo̧ itebo, Mamre mikwina. Abramma jobetjö otidijetö juwö iyawemi, Isabenö Jo̧ Diosnö ösödobö.

Génesis 23:19

Ikenama Abrahamma lödijetö ilekwonö Saranö ja̧ i̧lȩdo̧ okwa, Canaán nijinö.

Génesis 23:2

Canaán niji Hebrón comunidadtjö. Abrahamma ö'wö babibajajunö eda̧lö jobujunö tjödajejunö tebachijetö. Tebachajo̧ wojiökwe o̧'wo̧ tjo̧bekwö lekwe ö'wö babibajajunö eda̧lö budekwabijetö Abrahamma, chilekwowe, jö̧ba̧lö.

Génesis 29:6

—Jo̧bama ¿otiwanö jo̧ji̧?— abebö a̧ja̧kwawö̧: —Jao. Otiwanö jo̧. ¡Edi! Yai jicha itjiju Raquelma, jabe'do a̧jwi̧mu o̧bȩja̧dönö ojwiyo ojwö öbibö— jö̧ba̧lijadötö.

Génesis 35:27

Ja̧danö, Jacobma ömöledökwö bajalianö ichibijadötö abe'do Isaac ö̧jobe, Mamre comunidadma. Jobema ju'wi imi Kiriat Arabat, jö̧ba̧lö mikwijetö. Ja̧danö babe molema ja̧ comunidadma Hebron mikwobe. Jobema Abraham, Isaac ajayinö tjuju̧kwinemi, jelobetjö ichajadö, ju'wedö tjitebonö ja̧nö.

Génesis 37:15

Jobe ichibö, Joséma mejenö 'ya̧nö isakwijetö öpöedönö. Ja̧danö jelo̧, José isakwiabö i̧'yobe edö abebö a̧ja̧kwijetö: —¿Tinö kwisakwa?— abebö a̧ja̧kwökwe:

Génesis 41:16

Jejenö yöawiökwe Joséma atadijetö faraónnöma: —Chuluwo̧, ötjömaö̧kö̧, Diosda kwi̧'wi̧dikwaja̧ labebö loobö waiso̧ma. Jo̧kwaijayonö Diosma ötjönö pjaatakobe kwi̧'wi̧dikwaja̧ labebö lobö yötawobö. Ja̧danö, kwi̧'wi̧dikwa̧ja laebebö lotakwa̧ma ökwönö otiwanö pjaatakobe baledakwa̧ kwöwaisachibobö—

Génesis 43:27

Ikenama Joséma abebö a̧ja̧kwijetö: —Yöbawaduwitjö ¿Otiwanö kwö̧jaja̧duwaji̧? Ja̧danö, pöe kwabe'doduwima, belö yöka̧winaduwökwema ¿otiwanö ö̧jobeji̧? ¿Ina 'yaa̧lobeji̧?— abebö a̧ja̧kwawö̧:

2 Samuel 11:7

ja̧danö ichibiökwe, Davidma Uriasnö abebö a̧ja̧kwinobe, Joabbi, ju'wedö ölakwabikwawadöbi otiwanö tjö̧jojobö jö̧ba̧lö, ja̧danö tjölakwabikwawi̧ma, dakwö baledajobö jö̧ba̧lö.

2 Samuel 18:32

Yöawökwe, —Chitji̧ Absalonja? Ina otiwanö ö̧jiji̧? —jö̧ba̧lö abebö a̧ja̧kwinobe Davidma, cusita jojonö. Abebö a̧ja̧kwökwe, —Chuluwo̧, okobe deinö kwöpöjojodöbi, ju'wedö ökwönö suli̧ tjöwaedobö ökwönö tjujuluwobö isakwadöbi jo̧ba kwitji̧ babe baibaja̧danö batjibitjö̧ma, otiwo jö̧a̧lena, —jö̧ba̧lö atadinobe cusita jojoma, ö'wö baibajabe jö̧ba̧lö.

1 Reyes 2:33

Jau, jobadönö kwabö loina wene samaja̧ma, Joabnöda, jadanö Joab itji̧mu tupadanö jojodönöda samobö jo̧be, jo̧kwaijayonö ökwödönö samobö jwiakobe. Ja̧danö, Joabnö kwabö lobö, wene samaja̧ ökwödötjö söbekwö lodobetjö̧, Isabenö Jo̧ ba̧kwelöjatebö wene jwiinö dö̧ji̧nö pjaatobö chösöda, chabe'do Davidnöbi, itji̧mu tupadanö jojodönöbi, israel la'aka luwedö ja̧nö, wene jwiinö dö̧jakobetjö̧, —jö̧ba̧lö, Benaias Joabnö kwabö loobö weinobe.

Lucas 19:42

—Ayö, ökwödö Jerusalénnö ju̧kwadöwe. Isabenö kwo̧'wo̧ ösöwanö wene jwiinö kwö̧jaduwobö ji̧nobe, ja̧danö babebi otiwanö Dios pjaati̧ edö kwöwaisachibaduwitjö̧ma otiwo jö̧a̧lena. Jo̧kwaijayonö kwöpöjödaduwobetjö̧ Dios pjaati̧ma tojawobedanö ichejekwa, waisachibö kwö̧jibaduwapji jö̧ba̧lö.

Josué 14:13

Jejenö aebökwe, Josuema Diosnö aebinobe, Calebnö pjaatobö, ja̧danö Caleb aebaja̧danö iyinobe, —Hebron comunidadma Jefone itji̧ Calebnö wetobe itebo baibanö, Dios Calebnö chiyocha jö̧a̧lina badekwachinö, —jö̧ba̧lö.

Josué 14:14

Jo̧kwajabetjö̧ Hebron comunidadma Jefone itji̧ Caleb quenizita ötjabökwe itebo comunidad baibinobe, ja̧danö ja̧ möletjö baikwö bajalenö Caleb iteboobe Hebronma. Caleb jwaikwöda israel jojodö tjösödökwe Isabenö Jo̧ Diosnö ösödö ö̧jinobetjö̧, Hebron comunidadma Caleb itebo baibinobe, Dios chiyocha jö̧a̧lina badekwachinö.

Josué 14:15

Ajayinö Hebron comunidadma ju'wi imi mikwinobe, Quiriat Arba jö̧ba̧lö. Anaquita jojodötjö inesö la'aka luwo̧ ajayinö ji̧nama, Arba mikwo̧ ö̧jinobe, ja̧danö ajayinö Hebronma jo̧ba iminö mikwinobe, Quiriat Arba jö̧ba̧lö. Jobekwö laebobe Josue Caleb itebo iyina jawama, ja̧danö jemi ikenama lekwe möle israel jojodöma wene jwiinö ölakwabikwawökönö tjö̧jinobe canaan nijinö.

Jueces 1:10

Hebron comunidad ajayinö Quiriat Arba mikwina comunidadbe 'ya̧nö, tjölakwabikwawinobe, ja̧danö jobetjö la'aka luwedö Sesay mikwo̧nöbi, Ajiman mikwo̧nöbi, Talmay mikwo̧nöbi tjujuluwinobe.

1 Samuel 17:22

Ja̧danö, Davidma ichejebaja̧ kwakwawa tea teada̧lo̧ iteada̧lobö iyinobe, ja̧danö iyajo̧, öpöedö isa'banö tjö̧jobekwö ö'öbakwawö, dokwa aebinobe.