Génesis 36:5 - Dios Iwene

⁵ Ja̧danö, jeluju ilekwo Aholibamama ji̧tji̧mu wamedukwanö ömadönö 'yabebijotö, Jeús mikwo̧nö, Jaalam mikwo̧nö, Coré mikwo̧nö. Jejenö, Esaú i̧lȩkwa̧muma okobe deinö tji̧tji̧mu 'yatjebinawö̧ma bakwamu luwa, Canaán nijinö ja̧nö.

Génesis 36:5 Iomraidhean Croise

Génesis 36:14

Ja̧danö, Esaú ilekwo Aholibama, Aná itjiju, ja̧danö Zibeon ö̧'dö̧ju, jobujuma ji̧tji̧mu ömadö wamedukwanö 'yabebijotö, Jeushnö, Jalamnö, Corénö.

Génesis 36:18

Ja̧danö, Esaú ilekwo, Aholibama mikwuju, Aná mikwo̧ itjijuma, jobuju ji̧tji̧mubi bakwo̧nökwena la'aka luwedöbijadötö , idöda yööne tjömöledökwö, wainö tjitebokwena ja̧nö. Jobadöma bidö: la'aka luwo̧ Jeush, la'aka luwo̧ Jalam, la'aka luwo̧ Coré.

Génesis 36:4

Ja̧danö, Esaú ilekwo Adama jitji̧ bakwo̧nö 'yabebijotö, Elifaz mikwo̧nö. Ja̧danö, jeluju ilekwo Basematma jitji̧ bakwo̧nö 'yabebijotö, Reuel mikwo̧nö.

Génesis 36:6

Ja̧danö Esaúma öjawo̧ Jacobkwö bakwena tjuju̧kwoböma waiyijetö tja̧jwi̧mu pa̧ka̧yö̧ ba̧jekwadö tjujuna̧lawö̧ma tjukwa'ye meje'ye, okobe deinö tjukwobö jwiobetjö̧. Jo̧kwaobetjö̧ Esaúma Jacob ö̧jelöma jelobekwö ö̧jobö 'da̧bachibö 'yi̧jetö. I̧lȩkwa̧mukwö, i̧tji̧mu ömadökwö, ya̧dökwö, ja̧danö, okobe deinö ömöayedökwö, a̧jwi̧munö öbibö, ja̧danö, okobe jwiinö Canaán nijinö ö̧jena emina itea e'ewö 'yi̧jetö Esaúma Jacob ö̧jelö jelobekwö.

1 Crónicas 1:35

Esau itji̧mu ömadöma bidö: Elifaz mikwo̧bi, Reuel mikwo̧bi, Jeus mikwo̧bi, Jaalam mikwo̧bi, Core mikwo̧bi.