Génesis 35:1 - Dios Iwene

¹ Ikenama Diosma jö̧ba̧lijetö Jacobnö: —Jacob, ötjöma ökwönö Betel comunidadnö ajayinö öwawachinasa, kwöpöetjö döbibajö kwi̧'yena. Babema jobe da̧jaduwi kwö̧jaduwo, Betelbe. Jobe ichibö ötjönö juwö iyawakwemi kwotidaduwo, ötjönö kwösödaduwobö— jö̧ba̧lö webijetö.

Génesis 35:1 Iomraidhean Croise

Génesis 12:8

Ikenama jobetjö labebö 'yi̧jetö Abramma, öibajawö̧kwö mö'ösa'iju ju̧kwobekwö, Betel comunidadtjö ja̧wo̧ laebobekwö. Jobetjöma isa̧do̧tjö ejudanö debatö otidijetö. Jado̧ debatö otidajelöma ja̧wo̧ meajobekwö Betel comunidad ji̧jetö. Ja̧danö, ja̧wo̧ laebobekwö Ai comunidad ji̧jetö. Jobetjö, ju'wi juwö iyawemi otidijetö. Otidajo̧, Isabenö Jo̧ Dios chösödakwö, jö̧ba̧lö juwö iyijetö Isabenö Jo̧ Diosnö.

Génesis 16:8

Jo̧ba ángeldanö ichejekwö öwawachajo̧, Isabenö Jo̧ Diosma abebö a̧ja̧kwijetö Agarnöma: —Agar, Sarai jömöayujuma ¿detjö kwichaja̧da? Ja̧danö ¿dai kwi̧'ya?— abebö a̧ja̧kwijetö jobujunöma. Jejenö abebö a̧ja̧kwoko atadijotö: —Chuluwuju jö̧jelö dötibaja— atadijotö Agarma.

Génesis 22:14

Jo̧kwaobetjö̧ Abrahamma jemima midijetö, Isabenö Jo̧ Diosma iyo̧, jö̧ba̧lö. Babe mölebi jejenö yötja̧lobe, Isabenö Jo̧ Diosma mö'ösa'otjö iyakwo̧, jö̧ba̧lö.

Génesis 29:1

Ikenama Jacobma ja̧wo̧ laebobekwö 'yi̧jetö ojo'do jömöledö tjitebobe.

Génesis 31:13

Jacob, ötjöma Diossa, ökwönö Beteltjö öwawachinasa, inawa junibö jawanö o̧te sobu tobebö ötjönö ösödö kwujuninelö. Jobetjö kwiwene yöbawö kwujunijatö ötjönöma, Pjakatitjö̧ma ökwönö ötabena, Chuluwo̧ Dios, jö̧ba̧lö. Jacob ökwönö weta: Babema tjo̧wi̧, belö labebö kwojo'do ökwönö jeminobekwö tjebachaji— weijatö ángelma ötjönöma chi̧'wi̧dinö, Dios wei̧.

Génesis 31:3

Ikenama Isabenö Jo̧ Diosma jö̧ba̧lijetö Jacobnö: —Jacob, tjo̧wi̧ kwabe'do, kwa'dö, kwömöledö tjitebobekwö da̧ji. Ökwökwö chi̧'yakwo̧sa— jö̧ba̧lijetö Isabenö Jo̧ Diosma.

Génesis 34:31

Jejenö jö̧a̧lijayonö Simeon, Levi atadijadötö: —Jo̧bama sulabenö ja̧inobe döjawujunö, jitebiya webujunö ja̧tji̧danö. Jo̧banöma balekwa mikwa baledo jö̧ba̧lö ja̧dajabe—atadijadötö tjabe'donö.

Génesis 35:15

Jemima, Betel, jö̧ba̧lö, midijetö Jacobma, jelöda Dios jo̧banö öwawachö yöawajabetjö̧.

Génesis 35:7

Jobe ichibö Jacobma Diosnö ösödobö juwö iyawemi otidijetö. Otidajemima El Betel, jö̧ba̧lö, midijetö, jemima Dios Jacobnö öwawachinobetjö̧ öpöetjö döbibajö i̧'yajena. Betel, jö̧ba̧löma, Dios Betelnö jo̧, jö̧ba̧lö wanekwachobe.

Éxodo 2:15

Ja̧danö, faraónma Moisés Egipto jojonö kwabö loina a̧ja̧kwö ömöayedönö webijetö Moisésnö kwabö lotjobö. Jo̧kwaijayonö Moisésma faraón ö̧jelöma döibajobetjö̧ badekwajijöködötö. Moisésma jelobe, Madián nijibe döbibajijetö, jobeda ö̧jobö. Ja̧danö Moisésma, jobe Madián niji ichibö ojwese'do sotjine'do ö'öbö bamatijetö.

Deuteronomio 32:36

Jau chömöledö, Isabenö Jo̧ma iteda ömöledö israel jojodönö isabenö lȩebakobe, tjujulu jwitjenanö baibanö. Jemi ikenama, israel jojodötjö ju'wedö tjömöayedöbi, tjömöayedöböködöbi sule o̧bukwedöda tjö̧jibenama, jobadö iteda ömöayedö israel jojodönö lȩlöinö edakobe Isabenö Jo̧ma.

1 Samuel 10:3

Ikenama, jobadönö edajo̧, tupakwö 'ya̧nö, towi nöowi Tabor comunidad ö'öbösowi jo̧be kwichibakobe, ja̧danö jobe ichibajo̧, wamedukwa ömadö ökwönö tjöbadekwakobe, Betelbe Diosnö tjösödobö 'ya̧döma. Jobadötjö bakwo̧ chivodönö wamedukwanö öbibo̧nö kwedakobe, ja̧danö jelo̧ pan öpji̧ya̧ wapöpja̧kwa e'ewo̧nö kwedakobe, jelo̧ ubasobu o̧'dobu̧sa'wo e'ewo̧nö kwedakobe.